年近歲晚驚見門外有神秘剔號 網民10招反擊唔怕賊人踩線

年近歲晚要注意冬防，再有屋邨單位外懷疑被企圖爆竊的賊人布置踩線暗號。一名居西灣河興東邨的七旬網民15日早上在facebook專頁「筲箕灣西灣河關注組」發帖，上載門外牆身被畫上剔號，懷疑是賊人踩線暗號，留言指「最近發現門鐘，上面的牆身被人用鉛筆，加上✓的記號，應該是賊人踩線的訊號！」。

門外牆身被畫上剔號。網圖

將軍澳「釘子戶」。網圖

樓主補充，「本人家中並無貴重財物，除了我去政府醫院複診的時候，多數時間都留在屋企，現在只擔心，家人不在身邊的時候，被賊人進屋。我是年過70的老人，加上長期病患，經常在房瞓覺，突然被賊人進屋之後會有生命危險。亦在此敬告興東邨的居民小心門戶」。

網民建議萬一有賊人入屋時樓主應咋瞓。網上截圖

網民熱心獻計退賊。網上截圖

另有網民日前也在facebook專頁「將軍澳主場」上載相片發帖，「提醒年近歲晚大家小心門戶，發現有人放了標記在門口」，從樓主上載的相片見到，鐵閘下有一顆鐵釘。

網民熱心獻計退賊。網上截圖

網民指「粒釘可能真係跌，但一行鉛筆就似係記號」。網上截圖

對於家門被標懷疑賊人的踩線暗號，網民都替樓主擔心，紛紛教路：

●萬一遇到第一時間報警

●公屋先報畀房屋署樓層主任知道先

●影幅相拎去房屋辦事處搵主任

●如果真係有賊人入屋，一定要咋瞓，唔好驚，等佢走左先好報警呀！

●公屋、居屋都好，拎埋張相落去座頭，搵保安投訴

●如果家中沒人，出門前長開電視等外面以為有人

●開個收音機係近門口位置先，再用清潔劑洗左佢記號

●建議洗少少錢，大門鏡換針成針孔鏡頭

●將佢個✓，改成顯眼嘅紅色X，佢就知道＂被＂注意到了~

●前面寫4×4=8✓

至於將軍屋的「釘字戶」，雖然有網民估計「嗰粒釘，係咪你自己個鐵閘跌出嚟㗎」，但亦有人經細心觀察後指，「粒釘可能真係跌，但一行鉛筆就似係記號。年近歲晚加上通關，大家小心防盜。加錄影防盜眼，加大門鎖。再貼張24小時錄影提示，點都會有阻嚇性」。

帖文來源：筲箕灣西灣河關注組、將軍澳主場

門外驚見神秘剔號恐賊人踩線， 網民10招反擊。

港人熱愛旅遊，足跡遍及全球。早前，一位在冰島旅行的港人，在壯麗的冰天雪地自然美景中，突然發現了一個熟悉的藍色小袋—Tempo紙巾袋。該名網友隨即在社交平台撰文尋物主：「邊個香港人喺冰島漏低咗Tempo?」

網上圖片

帖文一出，隨即掀起網友熱議，不少人形容Tempo紙巾袋猶如「香港身份證」：「我嗰日都已經諗緊邊個香港人將香港身份證跌咗喺冰島」，而貼文曝光後竟然引來疑似Tempo物主現身「認領」，指自己就是紙巾袋的物主：「真係我架，喺衫袋拎手套嗰陣吹走咗執唔返」

網上圖片

網上圖片

Tempo冰島奇遇記事件引發網民熱議：「為何一見到Tempo就認定係香港人？」不少網民紛紛留言：「Tempo唔係得香港有㗎」、「Tempo唔係德國咩？幾時變咗香港特有？」。原來，Tempo雖然源自德國品牌，但在香港市場銷量長期佔據第一，而且香港出售的包裝設計與其他地方不同，極具辨識度，因此這個看似普通的藍色紙巾袋亦被大家稱為另類「香港身份證」。

網上圖片