港女零保護裝備徒手攀自殺崖打卡 網民狠批「搵命博」

行山亦需要注意安全。近日有一段短片在網上流傳，一名女子在沒有保護裝備的情況下徒手攀飛鵝山自殺崖並步出崖邊，又向拍片者舉起「ok」手勢。相關片段隨即引起網民熱議，並有不少人直斥相關行為危險。

長髮女子戴著攀山手套。影片截圖

她身穿啡色上衣及黑色長褲。影片截圖

該段網傳短片的片長不足10秒，並被人上傳至「全女班行山群組」。在該段短片中，一名身穿啡色上衣及黑色長褲的長髮女子戴著攀山手套，在沒有保護裝備的情況下，徒手攀飛鵝山自殺崖並步出崖邊，又轉身向站在後方的拍片者舉起「ok」手勢。

她沒有保護裝備。影片截圖

她徒手攀飛鵝山自殺崖並步出崖邊。影片截圖

相關影片隨後被分享至「香港行山新手交流區」等不同群組及討論區，並引起網民熱議。不少人直斥相關行為危險，並直言「唔通唔想過年?」、「傻女」、「呢張卡好惡打」、「唔係好似，直程係險。我哋上過N次亦都研究過嗰個位，根本係唔出得，因為嗰到真係一跣係直插懸崖樹林，無任何大石平台」、「生少咗個腦？定係有腦唔用？」、「好憎呢啲人，害人害己」、「出事要麻煩消防員，自尋死，仲要累街坊」、「險唔險好睇個人能力，但逢有一跌即死既風險地帶都要份外小心，冇必要嘅風險行為就避免吧，去少個風險地方唔會死，但去咗失手就以後唔駛再玩喇」、「睇到我一額汗」、「搵命博」、「其實影到一張咁嘅相或者拍咗條片，對佢人生有咩幫助？值得搵命搏？」等。另有人則重提演員謝天華在劇集《神鎗狙擊》中的單手攀岩經典一幕。

她轉身向站在後方的拍片者舉起「ok」手勢。影片截圖

謝天華在劇中的單手攀岩一幕亦曾引起熱議。《神鎗狙擊》劇照

有人則認為女子的行為沒有問題，並指「角度問題啫，睇返下面啲樓呢個崖起碼都60度，唔怕高嘅人落去唔會有難度，大把地方危險過呢度，何必公審人」、「其實係咪下面有平台影唔到，會唔會係角度問題」、「正常人都驚，何況一個女仔，雖然我未去過嗰度，但我相信個女仔對落下面一定有平地，唔會係崖邊」等。有網民則反駁指，「冇事網上見，有事A1見」、「都危險」、「其實都有幾米高同斜，如果跣親飛往出去，果嚿嘢係唔會救到你一命」、「下面幾米有大石，但佢跌落去重心唔穩向前/向左多一兩步就byebye喇」等。

不少人直斥相關行為危險。FB截圖

有人則認為女子的行為沒有問題。FB截圖

有人認為女子的行為沒有問題，隨即被人反駁。FB截圖

有人指，「相信個女仔對落下面一定有平地，唔會係崖邊」。FB截圖

有人分享指，「我哋上過N次亦都研究過嗰個位，根本係唔出得，因為嗰到真係一跣係直插懸崖樹林，無任何大石平台」。FB截圖

有人重提演員謝天華在劇集中的單手攀岩經典一幕。FB截圖

女子徒手攀飛鵝山自殺崖並拍片打卡。網上影片截圖/《神鎗狙擊》劇照

港人熱愛旅遊，足跡遍及全球。早前，一位在冰島旅行的港人，在壯麗的冰天雪地自然美景中，突然發現了一個熟悉的藍色小袋—Tempo紙巾袋。該名網友隨即在社交平台撰文尋物主：「邊個香港人喺冰島漏低咗Tempo?」

網上圖片

帖文一出，隨即掀起網友熱議，不少人形容Tempo紙巾袋猶如「香港身份證」：「我嗰日都已經諗緊邊個香港人將香港身份證跌咗喺冰島」，而貼文曝光後竟然引來疑似Tempo物主現身「認領」，指自己就是紙巾袋的物主：「真係我架，喺衫袋拎手套嗰陣吹走咗執唔返」

網上圖片

網上圖片

Tempo冰島奇遇記事件引發網民熱議：「為何一見到Tempo就認定係香港人？」不少網民紛紛留言：「Tempo唔係得香港有㗎」、「Tempo唔係德國咩？幾時變咗香港特有？」。原來，Tempo雖然源自德國品牌，但在香港市場銷量長期佔據第一，而且香港出售的包裝設計與其他地方不同，極具辨識度，因此這個看似普通的藍色紙巾袋亦被大家稱為另類「香港身份證」。

網上圖片