大麻二酚（CBD）將於2月1日起在香港被列為危險藥物管制，屆時含有CBD的產品將被禁止，違例者可被判處監禁同罰款。
為免市民或旅客誤墮法網，特區政府近排鋪天蓋地宣傳相關訊息，香港海關年初三再新推出由海關毒品調查科與海關青年發展計劃(Customs YES) 會員聯合製作的短片，讓公眾了解更多CBD的最新資訊及販運毒品的嚴重後果，提醒大家堅持唔掂CBD，莫惹「麻」煩。
針對大家在佳節期間外遊，有機會在一些已對大麻放寬管制的司法管轄區接觸到相關產品，其中一隻短片就特別提醒，2月起，CBD會列為毒品，到時任何人擁有或者買賣CBD都係違法㗎，千祈唔好將含有CBD的糖果、護膚品等產品帶番香港當作手信，「唔理係啲乜，有CBD就唔帶得」。
影片截圖
短片亦提醒，CBD係源自大麻植物的其中一種大麻素，而吸食大麻對身心的危害非常之大，會導致抑鬱、脾氣暴躁等等，千祈唔好嘗試任何同大麻有關的產品。
不過條例仲未生效，可以帶相關產品過關嗎？因為CBD產品中極有可能含有危險藥物四氫大麻酚（THC），如果觸犯《危險藥物條例》，一經定罪，最高可被判終身監禁及罰款500萬，所以大家千祈唔好貪得意去試呀。
如果現時持有含CBD的產品，要如何處理？
政府已在10個政府場地安排棄置箱。影片截圖
為方便市民自願棄置CBD產品，政府已在10個政府場地安排棄置箱（加hyperlink：www.nd.gov.hk/tc/CBD.html），以供市民在1月30日或之前棄置CBD產品。換句話說，大家如果持有CBD產品，在規定時間內儘快棄置即可，唔使太過緊張。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
