李幸倪開網上音樂會答謝歌迷。
李幸倪（Gin）加盟英皇娛樂後推出首支作品《Dum Dum》MV上架四日便突破一百萬點擊率，成績驕人。Gin早前亦於社交平台宣佈，MV到達一百萬views便會舉行網上音樂會答謝樂迷。1月27日Gin便舉行「找數音樂會」-《FWD富衛保險呈獻：Gin Lee New Beginning Music Live 2023 》，約一小時的音樂會共唱了九首歌曲，聽得現場樂迷如癡如醉。
點擊看圖輯
Gin Lee「找數」舉行《Gin Lee New Beginning Music Live 2023 》。
約一小時的音樂會共唱9首歌曲。
兌現新歌《Dum Dum》MV突破100萬收看次數就開網上騷的承諾。
在音樂會上，特設問答環節，讓歌迷update一下Gin Lee的近況。
Gin Lee透露正計劃舉行大型演唱會。
她笑言對演戲感興趣，不過先要做好音樂。
Gin Lee「找數」舉行《Gin Lee New Beginning Music Live 2023 》。
這次音樂會選址學校圖書館，原來是Gin的主意，「喺構思呢個答謝大家嘅音樂會時，我好希望搵一個同以往唔同、又或者所有歌迷印象中會做音樂會嘅場地，既然大部份人成長嘅地方都喺學校，就提議可唔可以搵到一個好靚嘅圖書館呢？所以今次音樂會特別揀選咗一間學校裏面嘅圖書館。」音樂會甫開始，Gin便以方大同的《愛愛愛》、陶喆的《普通朋友》及Justin Bieber的《Yummy》為音樂會打開序幕，「今日揀咗一啲同我成長過程好有關係嘅歌，頭兩首歌係方大同同陶喆，我細個返學嘅時候係非常之喜歡佢哋嘅歌，亦都係我好好嘅學習對象。」Gin表示已有一段時間沒跟大家見面，十分掛念一眾樂迷，休息後決定重新出發，並決定一定要舉行網上音樂會，跟樂迷互動一番。所以音樂會上，特設問答環節，讓歌迷update一下Gin的近況。
約一小時的音樂會共唱9首歌曲。
兌現新歌《Dum Dum》MV突破100萬收看次數就開網上騷的承諾。
歌迷都對鏡頭後Gin的日常生活十分感興趣，例如問到如何跟她的貓咪「杏仁糊」相處、又問到最近煲開甚麼劇，Gin透露家姐推介《Wednesday》，於是她便一口氣看完整部劇集。隨後便唱出最近大熱劇集《First Love》的同名主題曲及自己初出道時歌曲《今天終於一個回家》。
除了貓咪、煲劇，歌迷又問到護膚秘訣、減肥斷食等話題，Gin 都一一解答，有歌迷問會否舉行大型演唱會時，Gin表示計劃當中，Gin亦提到除了音樂，自己亦對演戲也感興趣，不過首先要做好音樂，「因為我實在有太多嘢喺音樂上想同大家分享。」提到電影，Gin笑謂從小便喜歡看動作電影，仲有想過當武打明星添。
在音樂會上，特設問答環節，讓歌迷update一下Gin Lee的近況。
Gin Lee透露正計劃舉行大型演唱會。
Gin又被問到如果MV達到二百萬views又會否再派福利？Gin爽快答應：「好呀，咁大家就要再睇多啲我嘅MV啦，到二百萬時，我就會再公佈有乜嘢彩蛋俾大家。」
最後一條問題，歌迷問到以一句說話對一年後的自己說，Gin謂：「我希望一年後嘅我更靚、更勇敢，少啲顧慮、少啲fear，做自己多啲！可以再開心啲，同埋健康。睇番一年前嘅自己就會覺得，good job！呢一年做得好！我希望一年後嘅自己係會feel proud of myself。」最後，Gin特別以重新編曲的《Dum Dum》，為音樂會畫上完尾句號。
她笑言對演戲感興趣，不過先要做好音樂。
