鄧炳強「小角色 . 大人物」訪問曾志偉 度橋做好政府宣傳工作 祝香港「SUPER」

保安局長鄧炳強在Facebook推出訪談系列節目「小角色 . 大人物」，每一集都會請嚟一位好朋友傾下偈，延續新年歡樂嘅氣氛，最新一集節目鄧sir就請來堪稱香港人嘅開心果，獎門人曾志偉。

鄧sir話曾志偉出名創意無限，是「橋王」，主持嘅節目更加係收視爆燈，多年嚟帶俾香港人無窮嘅正能量。節目中他問曾志偉除了天生聰明之外，後天創意要如何培養？曾志偉說後天的培養很重要，他給新同事的建議是：努力努力再努力。他分享自己的座右銘是將勤補拙，先天不足就要靠後天培訓，要勤力多學習。曾志偉笑稱自己這種其貌不揚，身材矮小，在人群中難以被人注意，要讓人注意就要多說一些風趣幽默的話。

鄧sir節目中向獎門人請教，政府的宣傳工作如何可做得更有效？曾志偉說最重要的是「真」，「真」才能讓大家都認同。他說例如鄧sir每次出來演說，市民都覺得這一定是局長花了很多時間，和許多人討論的結果，所以市民都聽得很明白。鄧sir聽到此頻頻點頭，深有體會的總結指出：要認真，用心和貼地。

話說獎門人幕前表演咁成功，點解佢會突然轉做行政管理人員？曾志偉說突然要返寫字樓工，開始也不太習慣。他說回ＴＶＢ最重要的事，就是在香港這兩三年艱難的疫情期間，希望能夠帶給觀眾更多的歡樂。他動情地說：「你用心觀眾是能接收到的，做到無的睏都係值得，因為你做的事是有人認同的。」局長聽到此都稱讚獎門人有願景有抱負。

鄧sir問到「如果我可以為你做一件事，你希望是什麼？」曾志偉說希望能讓演藝人員一起參與政府的對外宣傳，可以讓香港的年輕人更加認識香港，了解香港，將香港的好和精神傳播出去。鄧sir笑言：但這樣好像不是我為你做，是你為我做的。曾志偉聞此不禁發出爽朗的笑聲。

節目最後兩人還鬼馬地擺出獎門人的招牌動作，祝願香港「SUPER」。

Sebastian

** 博客文章文責自負,不代表本公司立場 **

旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。

Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。

「旅遊義工」Agnes退休前任職跨國公司管理層。

退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。

收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。

因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。

Agnes話，每當想起這段回憶，自己能夠幫老人家完成心願，好有滿足感。

退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。

由新加坡回流香港發展的Marco，透過參與「旅遊義工」計劃重新認識香港。

Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。

由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。

做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。

最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。

各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。