發過豬頭炳！
隨着疫情穩定，社交距離措施大大放寬，社會全面復常，加上新正月，2月7日英皇娛樂舉行開年飯聚，請來近百傳媒及英皇娛樂一眾藝人齊齊賀年。晚宴上，除了英皇集團主席楊受成博士、英皇集團副主席楊政龍、英皇娛樂集團行政總裁許佩斯、英皇娛樂集團營運總裁霍汶希、英皇娛樂集團執行副總裁張雅麗，英皇娛樂一眾藝人包括：容祖兒、張敬軒、蔡卓妍、李幸倪、泳兒、關智斌、溫碧霞、周勵淇、吳浩康、何珮瑜、沈震軒、湯怡、許靖韻、曾樂彤、楊天宇、艾妮、洪助昇、劉若寶、黎峻及朱天亦有出席。
點擊看圖輯
張敬軒、英皇集團主席楊受成、集團副主席楊政龍（資料圖片）
英皇娛樂舉行開年飯聚
席間一眾藝人跟傳媒互動，場面熱鬧，集團主席楊博士更帶領眾藝人向大家拜年，「發過豬頭炳呀！」今年飯聚比以往更為熱鬧，Mani表示十分高興，「因為疫情，所以都成三年冇搞，而家疫情穩定，所以都好希望可以同傳媒朋友聯誼一下，加上又有新嘅媒體都好想認識，又咁啱好多artist都喺香港，所以今年真係好熱鬧。亦都好多謝傳媒朋友出席，希望大家都身體健康、工作順利。」
影片截圖
張敬軒、英皇集團主席楊受成、集團副主席楊政龍（資料圖片）
容祖兒、霍汶希、蔡卓妍
關智斌（Kenny）全新廣東作品《My Little Tinker Bell》上架，這次新歌是送給一班對他不離不棄的fans及朋友，答謝他們一直以來的支持。不過提到拍MV，Kenny笑說是一個淚水與汗水交融的拍攝。
Kenny推出全新廣東作品《My Little Tinker Bell》。
MV找來Kenny「老友狗狗」Max及牠的一班兄弟姊妹一齊演出。一直有說小孩及動物是最難拍攝，Kenny坦言十分順利，「完全冇大問題！我同Max合作開，之前有拍過好多廣告，好friend㗎！佢train得好好，好乖、又識做戲、又有表情。」看似順利，隨後Kenny又補飛：「除咗佢哋間唔時會喺地下度……或 者拍拍吓走開咗屙尿，哈哈！」
MV圖片
MV圖片
MV中有一幕是Kenny在做掌上壓，Max就威風凜凜地站在他背上，Kenny先讚Max乖，接着又爆出一個「重量級」笑料。原來拍主觀鏡頭（即狗仔視角）時，攝影師是站在Kenny身上拍攝，「大家睇落個畫面好似好溫馨，其實嗰陣我係幾辛苦，佢係企咗喺我上面仲要連埋部攝影機，真係好重。我諗如果有個side shot嘅畫面都幾好笑。」
MV圖片
MV最後講到狗仔離開，Kenny亦有所感觸，「拍攝嘅時候都有諗返起自己之前養狗嘅經歷……都有啲心酸，亦都有啲觸動嘅位。」他希望將這首歌送給所有有養寵物，或已經失去寵物的朋友，「呢一個別離其實都係開心，因為佢喺你人生入面陪伴咗你一段時間，令到你成長，學咗人生寶貴嘅一課。」
MV圖片
MV圖片
MV圖片
MV圖片
新歌《My Little Tinker Bell》概念亦甚有意思，將一直支持Kenny的fans及朋友比喻做「小天使」，是他們的魔法才令Kenny這個「彼得潘」可以繼續在娛樂圈中飛來飛去，永遠長不大。歌曲找來Ariel Lai及鄺梓喬編曲，陳考威監製，旋律輕快入腦。填詞人林若寧更加將Kenny的心底話寫入歌詞：「失戀一晚我抱緊你 得獎一晚我抱緊你 兩老死 連我做魔鬼都包庇」，認真暖心。
觀看相關影片按連結：https://youtu.be/SzhVVwfDrno
