二人不負所望演出備受讚賞。
近年在粵劇界備受注目的班主暨資深傳媒人施姐（彭美施），繼《呂布情傾貂蟬》及《武俠》兩齣叫好叫座的作品，近日於西九文化區戲曲中心大劇院一連兩場公演第三齣作品新《胡不歸》，同樣掀起好評如潮，尤其她獨具慧眼起用新一代青春花旦梁非同，成功打造粵劇界新星，梁非同不負所望演出備受讚賞，施姐更「撮合」她與文武生王志良締造成舞台新搭檔，戲迷甚為接受，更要求兩人再結台緣。
文萍生仙景夢見趙顰娘，場面浪漫綺麗
施姐重視自己每一齣作品，全部由她親自擔任總策劃，四齣作品風格完全不同，堪稱文武兼備多元化，手法創新並且製作落重本，她表示：「《呂布情傾貂蟬》我以投影技術融合舞台動作演出，《武俠》就以科技巧妙地將實景與投影融入，增強電影感，到第三齣新《胡不歸》，既是一齣唯美愛情粵劇，除了劇本要流暢，偌大舞台需要花心思投放在打燈及佈景上，以靚人靚景靚衫讓觀眾賞心悅目。」
王志良 梁非同俊男美女搭檔受戲迷讚賞
施姐一向著重創意，堪稱「創意班主」，除了自己花心思在籌備每一齣作品，願意用更好的製作投放其中，她說：「粵劇要創意亦要繼續推廣，因為我們希望一代接一代有觀眾，尤其是20至40多歲觀眾層，是我們吸納對象，在創意之中我亦會堅持不離粵劇軌跡，兩年時間有四個屬於自己的作品，帶來新元素亦得到外界認同，我很有滿足感。」
對於兩位年青演員王志良與梁非同演出，施姐讚賞兩人前途無可限量，王志良演〈哭墳喚歸〉一幕聲情並茂，梁非同演繹〈迫媳離婚〉入戲到流出真眼淚，甚至能感動觀眾。記者在散場時，都聽到不少觀眾讚劇情流暢，一對才子佳人好合襯，作為班主聽到觀眾讚賞，她說：「能夠提升到演員水準，實在是觀眾之福。」
梁煒康（中）演野蠻奶奶拆散文萍生與趙顰娘的夫婦情
施姐對創作認真，亦早已部署未來作品藍圖，接下來的第五個作品，更是大家耳熟能詳的《梁祝》，不過施姐以新《梁祝》作為劇名，就知道她的創新之心，她率先透露新《梁祝》將於8月公演，演員相當有份量，以當紅文武生梁兆明搭檔新一代花旦梁非同，相信戲迷必然十分期待！
梁非同演趙顰娘投入得眼淚直流
同時因為《武俠》受歡迎，她亦已心中有腹稿盡快再籌備新《武俠》，「新」這個字，顧名思議離不開創新，會加入新元素、新創意，「創意班主」果然新意源源不絕。
王志良〈哭墳喚歸〉觀眾受感動
新《胡不歸》獲得口碑載道，其中功不可抹當然是藝術總監燕姐（尹飛燕）用心教導梁非同與王志良，施姐說：「燕姐作為一位大老倌、著名花旦，卻願意執手耐心一板一眼教導，陪我們走這條創新路，所有事情也親力親為，不厭其煩教導，梁非同每一句曲也向燕姐求問，燕姐也耐心教導，對於非同、志良花盡心機，令我十分感激和感動。」
梁非同演趙顰娘美艷動人
燕姐連續看了兩晚的新《胡不歸》，看到兩人在唱腔及演出上都拿捏得很好，尤其非同進步神速，再聽到觀眾掌聲不斷，實在替施姐及兩位演員高興。
施姐感激燕姐悉心教導王志良(右一)梁非同(左一)
由衛駿輝、黃德斌、梁非同、羅妍、陳景銣、黃安晴、蘇楚欣和馬溢霞擔綱演出，「進念．二十面體」製作、陳善之監製、胡恩威執導、改編自陳敢權原著劇本，並由音樂總監楊健平改編及作曲的全新摩登粵劇《頂頭鎚》，於香港文化中心大劇院一連五場演出經已圓滿完成，吸引不少城中名人入場支持。
馬溢霞、梁非同、羅妍、黃德斌、 衛駿輝、陳景銣、黃安晴、蘇楚欣
《頂頭鎚》原著劇本作者陳敢權、原著作曲高世章、《頂頭鎚》台前幕後
由海報拍攝、演員圍讀、綵排，再到連續四天一連五場演出，「進念．二十面體」主席劉千石也陪伴着台前幕後工作人員，為大家打氣，因此在完成最後一場演出後，大夥兒對石哥感到依依不捨，齊齊找他拍照留念。
導演胡恩威、《頂頭鎚》一眾演員、現場樂隊、監製陳善之、「進念．二十面體」主席劉千石
監製陳善之說：「多謝大家嚟支持我哋，多謝台上所有演員嘅傾情演出，所有藝術創作同創新都需要膽量同勇氣，進念．二十面體一直好堅持呢份膽量同勇氣。好開心同多謝呢幾日喺台上嘅演員同所有工作人員，佢哋都對我哋抱有呢份信任同膽量，同我哋行出呢一步，希望日後進念又好，又或者係健平呢班咁有創意嘅年青人都好，繼續去創新，令我哋香港嘅廣東粵劇可以繼續發揚光大，得到更多年青觀眾嘅支持。我想特別多謝大華銀行（香港）及大華銀行『藝．坊』成為水墨藝術伙伴，贊助水墨畫，所以大家可以見到咁靚嘅場境。仲有一位我好尊敬好尊敬嘅長輩李蔡美靈女士，佢今晚都有嚟到文化中心現場，佢嘅支持令我哋可以請300 位學生同200 位長者嚟欣賞《頂頭鎚》。」
導演胡恩威、黃德斌、監製陳善之
導演胡恩威表示：「多謝大家，呢個戲都好神奇，我十幾年前睇呢個劇，當時係由陳敢權導演、高世章作曲嘅音樂劇，非常之精彩，嗰陣我睇完就覺得不如將佢改成粵劇，我問陳老師可唔可以俾個劇本我改，佢話可以，我就先搵健平負責音樂，再搵阿Joe搵演員埋班，呢個班底好特別，係跨世代同跨界別。最後我要再次多謝陳老師同高世章，因為冇佢哋嘅音樂劇，就冇今晚呢套粵劇，呢個故仔對香港人嚟講，真係幾特別。」
導演胡恩威、羅妍、監製陳善之
衛駿輝說：「對我嚟講《頂頭鎚》係一個新嘗試，亦都好開心同團隊緊密合作咗兩個幾月，係一個好好嘅過程，我亦好享受呢個成果，大家合作一齊做一件咁創新嘅事，我好開心觀眾好鍾意個劇，由4歲小朋友到80歲嘅婆婆都有嚟睇，劇裡面有舞台劇同粵劇嘅元素，有啲初初接觸粵劇嘅朋友都覺得幾好睇，亦唔悶，我期待再次同進念合作，再次頂頭鎚。」
黃德斌、監製陳善之、衛駿輝
黃德斌則表示：「上次《唔講得》同今次《頂頭鎚》反應都咁好，多謝Joe搵我。觀眾入場前冇諗過係一個咁多嘢睇嘅劇目，佢哋可能會以為一個好傳統嘅粵劇，我見到佢哋好開心，有啲觀眾因為感動而流淚。成個團隊嘅合作可以俾到觀眾一個新嘅感受，大家都非常滿足，我亦好開心可以同進念團隊合作，佢哋俾咗一個喺我做咗咁多年演員之後嘅新體驗，再次多謝監製陳善之先生同導演胡恩威先生，同埋所有演員同工作人員，佢哋對我提點好多，例如點樣去演繹粵劇，我覺得自己嘅表現未夠完美，但我至少嘗試過，希望日後有更多新嘅嘗試，亦希望《頂頭鎚》能夠巡演，最後要多謝呢幾晚喺後台門口等我嘅粉絲。」
衛駿輝、黃德斌
黃德斌和粉絲
梁非同道：「真係非常之榮幸得到Joe哥同胡導演邀請我參加今次摩登粵劇《頂頭鎚》，亦都圓滿完成咗今次嘅演出，我個角色有好多層次，我自己喺當中學習咗好多。今次個劇嘅口碑非常之好，呢個粵劇中嘅音樂，同我哋嘅演繹有好多新嘅元素，同埋劇情好催淚，希望《頂頭鎚》可以Re-run再Re-run，到時大家要多多支持。」
衛駿輝、梁非同
梁非同、羅妍、衛駿輝
羅妍說：「好開心可以參加《頂頭鎚》，今次同埋咁多跨界嘅演員合作令我獲益好多，成個製作好有意思，因為我哋平時做戲係冇咁多舞台效果，或者係一啲曲式上面嘅變化，今次對自己嘅表現滿意，亦都好開心去同大家合作。」陳景銣表示：「不知不覺已經尾場，而家嘅心情仲係非常之興奮，有意猶未盡嘅感覺，希望可以快啲有第二次重演。」
羅妍、馬溢霞
羅妍、黃德斌
黃安晴續道：「完咗《頂頭鎚》嘅演出，我最大嘅得着係喺其他演員身上搵到佢哋對戲曲嘅熱誠同態度，好似輝輝老師同德斌哥哥，之前可能未同呢兩位前輩合作過，但今次見到佢哋對成個製作嘅態度，仲有認真投入嘅程度，我哋作為後輩都有好多得着，成個製作都好開心，見到咁多有才華嘅演員，我希望下次演出嘅時候，可以有更多進步空間。」
梁非同、監製陳善之、黃安晴
蘇楚欣稱：「啱啱完咗show，真係好唔捨得，喺排戲嘅過程同大家變成friend，同埋對粵劇有多咗了解，睇其他演員唱同做嗰陣，令我鍾意咗粵劇，粵劇原來唔係我想像中咁刻板，有時會覺得把聲會唔會唱到好辛苦；我一路聽佢哋唱又覺得粵劇真係幾好聽，同埋啲文字好深奧，今次將粵劇同話劇混合埋一齊真係幾有趣，仲有我今次要扮男人，真係從來未試過，我當初都好驚，但係好彩髮型同埋服裝幫到我。多謝今次Joe 哥同導演俾我嘗試呢個角色，希望將來有更加多嘅合作。」馬溢霞補充道：「多謝Joe哥同導演，粵劇加上話劇真的很有趣，看到觀眾投入和拍掌喝采，對我們演員來說真的是很大的鼓舞。」
衛駿輝、梁非同
陳寶珠、《頂頭鎚》台前幕後
