藝人陳湛文近日工作不斷，除了近日完成演出「飯氣攻心」舞台劇，日前更伙拍肥腸（徐浩昌）日前為港鐵拍攝有關環保訊息的廣告，為求吸引觀眾二人戲仿經典電影《國產零零漆》造型及橋段。陳湛文就話片中重演周星馳對白和語氣，希望會令對方留下印象：「因為周生呢排社交網站成日都覆訊息，所以我會將今日嘅造型、擺埋Pose傳信息比佢，問吓周生仲記唔記得係邊套戲！」仲話如果可以同周生合作就做咩都得，就係喺現場偷吓師已經好正。
陳湛文（右）伙拍肥腸（徐浩昌）（左）為港鐵拍攝廣告。
陳湛文就話因為劇本吸引，所以立即答應演出，笑言既期待模仿經典，但卻發現與肥腸同場竟然是最大的挑戰：「其實拍呢個廣告都唔洗點『溫書』，因為對呢幾套戲實在太熟喇，所以呢次最大考驗就係對手，對住肥腸做『靚靚』真係考驗到我嘅專業。」
點擊看圖輯
陳湛文（右）伙拍肥腸（徐浩昌）（左）為港鐵拍攝廣告。
陳湛文與肥腸重演《國產零零漆》經典場面。
博周星馳注意搲合作！
重演前輩角色作致敬。
飾演「袁詠儀」嘅肥腸就話借廣告向前輩致敬，認為大家唔會「嬲」自己，仲自爆成日坐港鐵，不時向「眼望望」嘅乘客「投懷送抱」，仲主動邀請合照：「其實我都好鍾意坐港鐵，當年日日都會搭鐵周圍去嫁。依家我就會留意吓有冇人認得自己，有時同人四目交投，我就知佢認得我喇，有啲小朋友怕怕醜醜咁，我就會主動咁問佢哋係咪想影相！不過今朝開工太早喇，鐵路未開站搞到我遲到啊，所以我希望日日24小時都有得坐港鐵，就算拍通宵戲都唔怕啦。」
陳湛文與肥腸重演《國產零零漆》經典場面。
肥腸仲話自己受疫情困擾，慢慢忽略環保意識，賣口乖話拍廣告提醒自己愛惜地球：「因為疫情用多咗好多紙巾、防疫用品，所以接呢個廣告提醒返自己，起碼都要自備水樽斟水飲減少浪費，加上揀啲低碳排放嘅公共交通工具，愛錫吓我地嘅地球吖嘛。今次廣告最過癮係可以『重演』啲前輩嘅角色，陸續仲會有兩套電影嘅場口會重現大家眼前，之後我同陳湛文肯定玩得仲癲仲放。」
博周星馳注意搲合作！
重演前輩角色作致敬。
