連鎖超市驚現「2月30日」過期雪糕  網民笑：永遠防腐

近日天氣炎熱，雪糕又成為掃貨重點，近年市面上也出現多種新奇口味雪糕，如有廠家推出港式蛋撻口味，十足吸引眼球。不過，在購買前，市民也要記得檢查食用期限。

Getty示意圖

事緣近日有網民Facebook群組「香港雪糕關注組」發布多張圖片，指在本港連鎖超市購買「蛋撻雪糕」時，發現其包裝盒印上食用期限的日期竟為「30/02/2023」，即2023年2月30日！

香港雪糕關注組 FB圖片

但由於二月只得28日，再加上四年一次閏月只會出現29日，令事主疑惑為何包裝上會出現2月30日字眼。他遂要求職員將有關產品悉數回收，更在貼文上表示應向有關雪糕品牌出律師信控告。

香港雪糕關注組 FB圖片

網友見到有關相片後，紛紛對產品表示好奇，「奇迹呀，永遠都唔會過期」、「高招丫！永遠冇呢日，咪永遠唔過期囉」；有人亦笑言，「永遠防腐的雪糕」、「2023年3月1日都已經肯定過期」；不過亦有網民表示「之前正價買左，非常難食」；也有網民提醒好明顯係廠商印錯，但提醒即使印刷錯誤，都算違反商品說明條例。

香港雪糕關注組 FB圖片

近年香港人都喜歡北上消費，除了貪其價廉物美，用餐時還不會限時限刻催三催四，可以慢慢享用。但反觀香港，很多餐廳老闆為了做多幾枱客生意，在繁忙時段都會限時用餐，近日就有網民指九龍城一間酒樓於繁忙時間指明4位或以下要限1小時交枱，入座時她並沒有為意，及後被「態度好差」催交枱，十分激氣，大呻「就算食物正常都無下次了，好趕客」。

threads圖片

繁忙時段會設特別交枱時限

女網民在社交平台Threads有發帖表示，「估唔到依家一個人一盅兩件，都唔可以坐太耐了」，並上載一張顯示了某間酒樓門口「溫馨提示」告示牌，牌上寫著由於檯位有限，繁忙時段會設有特別的交枱時限，4位或以下只限1小時、5至7位限1小時15分，8位以上限1小時30分交檯，客人需有一半人數到場，方可入座。

示意圖。AI生成圖片

樓主大呻：食得仲趕過茶記！

有網民認出相中是位於九龍城的一間酒樓，樓主表示當時門口已有幾個人等候緊，但她入座時卻未留意到此限時安排，「入座無留意，到一個鐘多少少個知客態度好差咁話要走，我先知，下次係門口要望清楚有無限時先入」，但大呻「真心，就算食物正常都無下次了，好趕客」，又坦言時間好短，食得好趕「老實講，飯茶1個鐘真係有太短，啲水又熱，點心入紙蒸都要20分鐘，食得仲趕過茶記，90-120分鐘合理啲」。

threads截圖

網嘆：所以點解個個都北上消費

有其他網民都遇到相同經歷，「我都試過，聽到話個半鐘要交檯立即掉頭走」，「去飲茶就係想同朋友家人慢慢傾下計，限我時間甘我咪去第二間囉」、「所以點解個個都北上消費」、「咁好生意唔好入去阻住佢了」、「香港垃圾餐飲業，規矩多多，見到一定不消費」、「講真佢唔寫出黎，可能我都係呢啲時間走，但你寫出黎我就唔去食，因為覺得你係到計緊。」

近年香港人都喜歡北上消費。資料圖片