「半條腸」的風波
「腸仔煎蛋」是香港人的經典早餐之一，一份美味的早餐能為你的一天帶來滿滿的元氣。不過近日就一名港女於社交平台投訴，指自己的外賣早餐內的腸仔只有半條分量「好似人地食剩」，令她非常不滿，於是決定上載早餐照片及單據公開該餐廳名字。不少網民們見狀都認為「半條腸」的確「肉酸」，不過亦有網民上載餐廳的餐牌，還原真相。
港女於社交平台投訴，指某冰室的外賣早餐腸仔只有半條分量「好似人地食剩」，令她非常不滿。
該港女於Facebook群組「中伏飲食報料區」發文兼上載照片，照片中有一張某觀塘冰室開發的單據，顯示客人叫了兩份早餐，其中包括腸炒（腸仔及炒蛋），照片中亦可見兩份腸仔炒蛋，不過每份只有半條腸仔「半條腸仔系咩玩法？」，樓主指如果腸仔成本貴，可以改其他食物但「你比半條我好似人地食剩再比我咁」。
網民上載冰室餐牌，原來餐牌本來已經寫明每份早餐包括「腸仔半條」。
不過很快就有其他網民出來為冰室說公道話，網民上載冰室餐牌，原來餐牌本來亦已經寫明每份早餐包含「3.6牛乳炒蛋拼腸仔半條」，有人更指「呢間出半條腸上位」。部分網民認為既然餐牌已經寫明，冰室沒有做錯，如果樓主不滿「半條腸」，下次大可不光顧「點解唔睇餐牌呀，人哋有寫明喎」、「寫明真係唔食佢算啦」。
不過很多網民覺得「半條腸」的早餐的確有點「小家」：「半條腸仔真係衰到冇人有」、「唔講以為你去咗乞食」、「孤寒餐廳唔捨得俾客人食，客人都會孤寒唔幫襯」、「其實一條腸仔要幾貴搞到要切開一半賣」、「你話司華力腸或者法蘭克福腸好大條比半條就話啫」、「俾少半條最多咪慳到幾毫但係腸仔半條俾食客個感覺差好遠」。
不過很多網民覺得「半條腸」的早餐的確有點「小家」。
亦有網民提議冰室改變做法，令成本不漲之餘早餐賣相亦能改善「用三花罐頭腸仔都無切開半條咁核突」、「切片炒蛋仲好」、「腸仔奄列好少少」、「我情願佢加多一蚊，俾返另外半條腸我」、「或者skip條腸反而冇咁礙眼」。
網民們議論紛紛，各抒己見。
帖文來源：Facebook群組「中伏飲食報料區」
