食客光顧日式拉麵店無端遭收茶錢 網友拍案而起：黑社會咩？

拉麵店變酒樓，要收茶錢？！

近日事主在尖沙咀元祖拉麵點了一碗飯，店員主動斟咗杯水，事主並不以為意。怎料買單時卻發現這杯水被額外收了5蚊，大感奇怪！

網上圖片

「我事前並不知道水要錢，事後見到menu亦都沒有抹茶呢個選項」，找來店員查詢理論的時候，店員回覆「menu有寫要錢，單據都有」。事主覺得收費並不合理，便把此事分享到FB群組「中伏飲食報料區」。

網上圖片

該午市期間限定餐牌沒有寫要付支付$5抹茶，只有店內的「點餐紙」 才寫上「每位客人敬收茶錢5元，本店嚴選京都宇治抹茶，點選飲品可豁免茶錢」。惟該事主憶述當時自己是直接從餐牌看到，再由店員落單，店員也沒提醒他，故十分失望，並表示示「就算要收錢，我諗應該要告知消費者一聲？」，也警惕大家以後到這間拉麵店多加留意，「可以不幫襯就不幫襯」。

網上圖片

貼文一出，隨即引來網友紛紛回應，皆不讚成這間拉麵店的做法，憤稱拉麵店剝削消費者「呃咗幾多個$5」，而且做法「好冇品」，恍如當年黑社會「過年時擺盆桔喺你門口收陀地費」，完全不尊重消費者。 再者，有網民表示這間拉麵店「出名難食」，更堪稱是「黑店」，隱藏收費這個做法實在不恰當。

網上圖片

也有網友繼而分析，拉麵店是否應該收「茶錢」？但如果是一間酒樓，大家又會覺得點呢？「酒樓都係只係餐牌寫茶位幾錢，但大家埋單時又覺得沒問題」。並認為這是普及性問題，因為拉麵店收茶位費真的較少見，「但又唔代表佢犯法」。又有網友指出「日本文化嘅拉麵店係免費提供冰水」，並不會收費。

有港女在社交平台Threads發布影片，指在旺角GU分店的服裝貨品上，發現一隻紅色蟲子在衣袖來回攀爬。該女網民大感震驚，即時驚呼「呢隻會唔會係日本直送床蝨？」

有港女發現一隻紅色蟲子在衣袖來回攀爬。Threads截圖

過程令人心有餘悸

該港女指，那天因天氣寒冷想買件衣服即時穿着，見到蟲子後嚇得立刻走開，直言過程令人心有餘悸。她也補充，離開店鋪後已透過電郵向GU反映事件。

網民憂「跟返屋企」

帖文迅速引發網民關注，不少人留言直呼「可怕」。有網民提醒「好彩你有影到，跟咗返屋企就大鑊」，亦有人擔心「會唔會有人拎完嚟試，喺身上跳咗去件衫度」，更有網民直言「惹到床蝨真係食得屎」，呼籲大家轉發提醒，避免更多人受影響。

不少人留言直呼「可怕」。Threads截圖

GU回應：全面檢查並滅蟲

事後，GU方已在該女網民的影片帖文下留言回覆，指高度重視事件，已對旺角分店展開全面檢查。品牌強調今次事件屬「個別情況」，為保障顧客購物體驗，店舖將於日內進行全面滅蟲，同時正調查相關商品來源，並計劃加強入貨及陳列前的檢查流程。

GU方面已在該女網民的影片帖文下留言回覆。Threads截圖

真身比床蝨更棘手

翻查資料，事件中「怪蟲」可能並非床蝨，而是蟎蟲，且以殺滅難度而言，比床蝨更棘手。蟎蟲體長僅0.2至0.3毫米，肉眼難以察覺，常藏身室內灰塵中，尤其偏愛床褥、地毯、梳化等軟墊環境。

蟎蟲比床蝨更棘手。資料圖片

對塵蟎過敏者接觸後，可能出現呼吸困難、胸悶、喘息、咳嗽等症狀，嚴重時更會引發哮喘。預防蟎蟲需定期清潔家居、保持室內乾燥，並可適當使用除蟎產品。