憑《Sugar Baby》廉價MV爆紅的騎呢女子組合FFx，早前發聲明宣佈拆夥，FFx從此四變三，被踢走兼被指安排姊妹出席飯局搵快錢的楊澤怡（Shirley）日前接受《頭條日報》專訪時爆驚人內幕，更喊住指過去兩年一直活在43歲經理人何英傑Sam淫威下。
FFx前成員楊澤怡（Shirley）接受《頭條日報》專訪
經常被網民恥笑騎呢的四人女子組合FFx，最近突然宣佈拆夥，三位成員李詩詠（Ceci）、潘穎琳（Mizaki）及周葆諭更公開數臭21歲來自兒童之家的楊澤怡「三宗罪」，力斥她不但脾氣臭鬧走贊助商、爭做主角扮大家姐，還安排姊妹出席飯局搵快錢，三隻嬲嬲豬更出聲明跟Shirley劃清界線。
點擊看圖輯
FFx前成員楊澤怡（Shirley）接受《頭條日報》專訪
憑《Sugar Baby》MV爆紅的騎呢女子組合FFx（資料圖片）
Shirley接受專訪時，喊爆指過去兩年一直被經理人威迫發生性關係。
現年43歲、坐過兩次監的何英傑Sam，為人口甜舌滑，當日成功以900元廉價MV捧紅FFx成為一時佳話。
因父母離異，自小在兒童之家長大的Shirley早前大學畢業。
憑《Sugar Baby》MV爆紅的騎呢女子組合FFx（資料圖片）
慘被飛起的Shirley日前接受專訪時逐一拆解指控，她說：「識我都知我係咩人，從來都唔會同人爭，話我爭企位？其實每次都有兩個人企中間，而且排位點企都唔到我哋話事，至於佢哋講嘅飯局更從未發生，我哋五月尾開騷，由四月開始排舞，我日日打兩份工幫補生計，根本沒時間可以去飯局，完騷後，Mizaki和Ceci都飛咗去韓國玩，咁我又點可以越洋帶佢哋去飯局呢？」那Christy所講的卡拉OK跳艷舞又點解釋？Shirley說：「一定無！未加入FFx前我已識Christy，那時大家都係周圍去Casting，而且一定係去人哋公司Studio，唔會嘅卡拉OK。」
照Shirley咁講，即她是被三位姊妹夾埋屈，大家不是情同姊妹嗎？Shirley聞言即眼泛淚光說：「我一直對佢哋好好，所有出騷衫都係我上淘寶買，我一個人打幾份工去捱，Christy考DSE我都幫佢補習，出聲明前一刻大家仲互相關心，點解要咁對我？點解要講大話？我覺得佢哋好恐怖。」
Shirley接受專訪時，喊爆指過去兩年一直被經理人威迫發生性關係。
那為何又會被踢出局？Shirley隨即爆Seed，指過去兩年一直活在43歲經理人何英傑Sam的淫威下，「佢要我做佢女朋友，但其實只當我係Sex Partner，鍾意就O氹，唔鍾意就鬧，每次收工都帶我去時鐘酒店，唔肯就話要踢我走，試過太攰唔想做就被打，嚟M都要做。」《頭條》記者亦得到兩張Sam和Shirley的親密啜嘴相，可見兩人關係非淺。
現年43歲、坐過兩次監的何英傑Sam，為人口甜舌滑，當日成功以900元廉價MV捧紅FFx成為一時佳話。
Shirley邊說邊飲泣，還說這段關係持續兩年多，直至發現對方原來兩度因從事色情行業入獄，即堅決斬纜，「Sam一直呃我又隱瞞坐過監，真係接受唔到，我唔係雞，唔想再糾纏落去，呢件事我有同其他女仔講過，點知原來Sam都係咁對佢哋，會攬會錫，Christy話有俾Sam搞過，佢哋O依家一齊，我覺得好亂，唔知可以點，Sam係賤人，正人渣！」說到這裏，Shirley已泣不成聲，待她稍為平再說：「我只係想盡快平息件事，唔想俾人當我係雞，我唔係雞！」
因父母離異，自小在兒童之家長大的Shirley早前大學畢業。
Shirley表示FFx過去兩年來登台無數，但每人僅得七千元落袋，她說：「Sam話幫我哋Keep住先，知我大學Loan出數就問我借錢，到今日都未還，我大學已畢業，但無錢攞證書，舍宿亦無得繼續住，要去麥當勞過夜，O依家暫住朋友家，其實我只係想做個正常女仔。」而阿Sam至今亦未能聯絡得上。
