VIVA成功召喚FFx！孖Christy重現經典大跳《Sugar Baby》

VIVA的「女團聯乘企劃」今次真係玩到盡！繼As One、Super Gir及HotCha後，應網民強烈要求，終於召喚到MK Pop「傳奇女團」FFx成員Christy出山！VIVA更與Christy一齊跳返FFx成名作《Sugar Baby》。

VIVA與Christy一齊跳返FFx成名作《Sugar Baby》。

影片截圖

影片截圖

Christy還原當年拍《Sugar Baby》MV真相，反搫坊間指九百蚊拍MV的說法，「我當時係放學趕過嚟，化完妝一出去，嘩！所有嘢望落去好犀利，set晒路軌、set晒cam，係低成本製作嘅，我完全承認，但係啲人話九百蚊拍MV，我就唔知邊度聽返嚟， 九百蚊拍到啲咩？可能化一個妝？我都唔知。」講返當年十五歲入行做女團，Christy話純粹覺得「好似幾得意」就去試，坦言完全不後悔，「我哋完成晒所有女團里程碑㗎！出咗歌、好多fans、唱tour、開演唱會，每一件事都對我嚟講都好有意義！」

影片截圖

講到最辛酸時期，Christy指曾經要對住空氣表演，「得一兩個人經過會停留，但佢哋唔知我哋係邊個。」但最感動是一次到演唱《Sugar baby》，唱到副歌時竟然全場大合唱；到大學表演時，一話影大合照，全部學生衝到台上，「咁仲有乜嘢好唔開心呢？原來我哋唔係好差咋喎。」

影片截圖

影片截圖

現在重看當年MV，Christy話完全不尷尬，「有啲情結嘅，呢首歌唔係一首歌，對我嚟講係好重要嘅嘢，冇任何嘢可以攞得走呢件事。」她眼眨淚光隔空跟FFx其他成員喊話：「⋯⋯ 如果你睇到呢條片嘅話，我希望你哋睇到呢條片嘅時候係幸福嘅回想返我哋以前嘅經歷。」

影片截圖

VIVA的「女團聯乘企劃」來到最終章，VIVA坦言製作這個女團聯乘系列，從中學習很多、亦感受很多，「佢哋經歷過嘅、分享過嘅，都係我哋而家正正經歷緊。就好似我哋首歌《不夠浪漫的我們》，女團從來都唔容易做，但團魂永遠都喺度。」

女團VIVA實況團綜《VIVA Medium Rare House S2》來到第八集，這集笑中帶淚，溫情又爆笑。今次主角是Carina，她邀請了在她家裏工作、照顧她足足十五年的外傭姐姐Janice到宿舍，更話要親自下廚煮大餐報答恩情。

觀看相關影片按連結：https://youtu.be/TxgETtwDbEI

Carina今次挑戰黑松露意粉、豬肋骨及甜品Crème Brûlée。等食期間，Ada告知Janice二人是Roommate，Janice即刻「呀」了一聲，然後露出神秘笑容，還拿出電話，「我俾佢屋企間房張相你睇。」然後追問：「佢有冇將你哋間房保持整齊？」Ada聽到即刻擰頭，Janice再直線抽擊，笑着說：「呀！it’s ok，佢冇變過。」之後Ada帶Janice參觀二人間房，又叫Janice猜哪一張床是Carina。Janice只看了一眼，便秒指一張被鋪凌亂的床，「呢張。」隨後，Ada指着枱面的書是Carina，怎料Janice即刻篤爆，「佢喺屋企瞓覺多過睇書。」Ada忍不住好奇問：「所以佢喺屋企唔睇書？」Janice不假思索，「我從來冇見過。」Ada聽到即刻失聲大笑！

影片截圖

影片截圖

影片截圖

影片截圖

影片截圖

影片截圖

影片截圖

說着說着，黑松露意粉順利完成，Carina坦言是第一次煮食給Janice食，Janice亦十分感動，「我永遠唔會忘記。」問到第一度菜值多少分？Janice想都不想便說滿分！更謂想打包返屋企給Carina媽咪及妹妹試，認真sweet！接着在製作第二道菜豬肋骨期間發生小意外，Carina開焗爐查看情況時，不小心燙到手，大叫一聲。在客廳的Janice一聽到，即刻衝到廚房門外，緊張說：「佢可能辣親。」但為免阻住Carina，Janice只好擔心地站在門外「眼甘甘」睇實，母愛滿瀉。豬肋骨成功出爐，Janice大讚以第一次來說講已經超水準，至於個甜品Crème Brûlée，就獲得VIVA三位成員一致推崇，封為當日MVP！

影片截圖

影片截圖

影片截圖

影片截圖

食飽飯，Carina跟Janice坐低大談心底話。Carina說雙方關係早就似家人，Janice會成日入房跟他傾偈、關心她。說着說着，Carina突然感觸哽咽，Janice便說：「我將佢哋視作我嘅仔女，我成日同佢哋講，我係佢哋嘅第二位母親。我哋之間有好多秘密。」Carina坦言近兩年忙於工作，已甚少時間跟Janice傾偈，想起當初入行不適應，因不想令媽咪擔心，所以只會跟Janice同妹妹傾訴，「佢未必會俾到好多解決方法我，但係佢喺度就係有一個好開心嘅energy。」聽到這裏，Janice都忍不住邊講邊喊，「我知道你已經開始踏上你嘅第一步，所以繼續努力、繼續行落去。無論發生乜嘢事，我都會為你感到驕傲。」場面感人。

影片截圖

影片截圖

影片截圖

最後，Janice除了祝福VIVA越來越好，更非常投入地幫手宣傳，用廣東話呼籲大家「CLS」她們的YouTube channel，還搞笑補充：「仲要有英文字幕㗎！」即刻哄得全場拍手大笑。

影片截圖

影片截圖

影片截圖