Carina@VIVA首演音樂劇壓力爆煲 完show即崩潰爆喊

VIVA隊長Carina（李晞彤）日前順利完成經典K歌獨唱戲《Nancy戀噏Show》首兩場演出，今次這個音樂舞台劇對Carina來說絕是一次大考驗，這不僅是她首次挑戰音樂舞台劇，更是她人生第一次演戲，之前完全沒有拍攝演出電影、電視劇的經驗。

Carina日前順利完成經典K歌獨唱戲《Nancy戀噏Show》首兩場演出。

於《Nancy戀噏Show》音樂劇，Carina聯同Hedy（海兒）、戴祖儀，以及Lolly Talk成員阿妹，分別輪流飾演主角Nancy。當中Carina更需要一個人唱接近二十首廣東流行歌，及熟讀超過三十頁台詞，對首次接觸這類型表演的她來說絕對Hard core。

首兩場終於順利完成，Carina完show後即在後台蹲下來爆喊，除了喊到收唔到聲，更邊喊邊說：「我都係鍾意同VIVA一齊做嘢！我唔想solo喇！」壓力大得可想而知。雖然壓力爆煲，但fans的愛錫令Carina相當溫暖，約五、六十位fans一直喺劇場外守候，他們不單止影相留念，更不斷為偶像打氣，以行動證明對Carina的愛及鼓勵，令她十分感動。

影片截圖

影片截圖

影片截圖

影片截圖

影片截圖

Carina獲約五、六十位fans在劇場外守候。

事後，Carina坦言：「好難，真係好大壓力，演完第一場感受到舞台係個試煉場，拍嘢有NG有後製有同伴，但今次唔係女團，係獨腳戲，我只有我自己，行上台之前就要清楚 無論我有冇甩台詞，換唔換得切衫，把聲頂唔頂到，任何擔憂都冇用，因為the show must go on，但亦都因為今次唔係女團，我唔需要嘗試做一個完美嘅女仔，所有嘢都係執生，所以不如好好享受所有未知性帶嚟獨一無二嘅每一場，頭場真係好緊張，去到最後係好難過，因為覺得尾段嘅Energy唔啱，唔應該係咁！所以就踎咗喺度爆喊，好似將所有嘢release晒出嚟。之後出去見到fans喺度等我嗰刻、影相、支持我，我好感動，都忍唔住眼濕濕。」

Carina續說：「雖然今次壓力好大，但我都會繼續挑戰唔同類型嘅演出，試多啲唔同嘅嘢，好好完成今次舞台劇之後，就要迎接自己今年第二個大挑戰，準備出自己Solo單曲。」

女團VIVA隊長Carina李晞彤與VIVA成員完成啟德主場館唱歌成就解鎖，得到網民留言鼓勵；Carina在演出前一天曾在網上為自己及隊友打氣：「VIVA 會有一日可以唱到自己歌的，所有過程都係必須，得到嘅時候就係上天覺得最適合同準備好嘅時候！」怎料翌日「開口中」得到演出唱歌機會，Carina希望突如其來的幸運延續至其個人首支單曲《讓路》，新歌已於日前正式上架。

VIVA隊長Carina獲公司力捧成為首位單飛代表。

今次整個新歌的宣傳企劃其實由Carina主動提議兼親自主理，她主動向公司爭取做一個月的期間限定「Marketer」。新歌上架當日，Carina拿着印製好的一千張宣傳單張，由下午兩點開始，走勻尖咀星光大道、小輪碼頭、葵芳廣場、旺角銀行中心，到最後一站的銅鑼灣時代廣場，足足派足八個鐘。Carina一開始已經開行turbo，完全不怕醜，見人就派，就算被拒絕都完全打擊不到她士氣，繼續笑住落力派，passion滿滿。期間更有不少途人要求合照。

事後Carina分享感受時第一句就話：「派到靈魂出竅，哈哈。我完全忘記咗要食飯呢件事，可能今日太熱啦，所以覺得完全唔食都OK，但係個感覺係想係咁飲嘢，啱啱有個fans拎咗支水俾我。」她繼續笑着說：「好多人讚我靚，好開心，因為多數都係女仔讚，男仔多數唔理我。」至於被拒絕的感覺如何？Carina直言：「我又冇乜嘢感覺喎。」最令她難忘的是一位姨姨，「佢唔知我派緊乜嘢，喺好遠行過嚟問我：『你派緊乜嘢啊？』我同佢講咗啦，然後佢同我講：『好啦，加油啦，我見你都企咗好耐啦。』好sweet呀，我發現我都係啱女仔嘅market多啲，哈哈。」

新歌《讓路》由KW朱敏希、Y.Siu作曲，梁嘉茵填詞，陳考威監製，曲風與VIVA截然不同。

歌曲不單止是Carina solo的開端，更是一首屬於新世代的態度宣言，不再跟舊有的單一航道，大家一齊學會「Do It Solo」，叫所有舊規矩統統讓開。《讓路》由KW朱敏希、Y.Siu作曲，梁嘉茵填詞，Y.Siu編曲，陳考威監製，曲風跟Carina於VIVA的感覺大不同，連她自己也說：「今次用咗一個平時VIVA唔會用嘅tone嚟唱，比較cool啲嘅tone。」

新歌上架當日，Carina拿着印製好的一千張宣傳單張，由下午兩點開始走勻尖咀星光大道、葵芳廣場等街頭，足足派足八個鐘。

即使被途人拒絕亦完全打擊不到她的士氣，繼續笑住落力派。

MV中，Carina挑戰了從未試過的舞風，導演特別想跳多一點Voguing或者用手的動作，所以整個chorus都見到Carina不停伸長手腳地舞動。Carina笑着說：「呢樣嘢喺VIVA入面都冇點樣試過，亦都係第一次嘗試Voguing，係有啲困難。」除了跳舞，記歌詞都成為一大難關，Carina自爆，「我第一、二段有啲撈亂咗嚟唱，因為平時VIVA嘅lip sync都係一人負責一啲，今次成首都係自己，所以成日都忘詞，呢個壓力都幾大。」

造型方面，一個全新髮型令Carina特別興奮，「我從來都冇諗過自己會爆炸頭！喺化妝車攰到瞓着咗，一擘大眼就換咗一個新嘅妝同埋新嘅頭，覺得：『Nice！』」亦有很多的新嘗試，「好似Hair Band或者一啲好2000年嘅look，之前都好少機會試，今次試到好開心。」

VIVA隊長Carina獲公司力捧成為首位單飛代表。