波仔搞排球賽撞正八號波有驚無險順利舉行 VALC@VIVA開波勁Charm狂吸粉

第二屆《香港YouTube排球明星賽》日前於灣仔修頓場館順利舉行，搞手波仔（Boris）由去年屯門中學玩到今次大膽租借修頓大場，不過差點因為八號風球被「搞彎」！幸好颱風走得快，比賽才能夠如期進行，險過剃頭。

第二屆《香港YouTube排球明星賽》

第二屆《香港YouTube排球明星賽》

第二屆《香港YouTube排球明星賽》

這次比賽由波仔自資，「希望推廣排球俾多啲人認識。」認真有heart。他指楊天字（Angus）、VALC@VIVA及Ada@VIVA兩屆都有參與，今年特別是兩名女生進步好大，打了一場精彩的比賽。雖然颱風令到幾位嘉賓在外地未能回港，其中一個更是主力袁澧林（Angela），令黑隊只能剛好夠人打足全日，體力消耗超大。

比賽由波仔自資。

VALC指今年波仔找來好友、香港男子排球隊成員梁浩賢為他們特訓，學會特定的防守及不同的企位。去年她打接應二傳的位罝，今年一樣，但整件事清晰很多，「知道要接多啲前網貼波嘅位，所以大家見到嘅進步就係呢度。」她又說今年的態比去年認真，不再當fun game打，「知道係一場competition，玩得開心之餘仲認真對待。」

VALC

VALC

VALC

VALC

比賽後，不少網民於社交平台瘋狂討論VALC的表現，「而家入坑Viva會唔會太遲 尋日第一次見Valc好charm」、「ValC真係好charm 好鍾意睇ValC開波」、「超愛valc嘅開波」。看來認真是有回報，這次VALC成功靠開波圈粉。

網民留言

網民留言

網民留言

網民留言

至於Ada，她坦言上年太畏懼發揮不到，所以今年承諾波仔一定會進步重來。Ada同樣指今年有梁浩賢教路，對排球了解得更多，「點樣防守或者foot work嘅嘢我都學到好多。訓練咗大概五堂左右，可以講話係雞精班，但係我喺裏面學到嘅嘢都比上年多咗好多，所以今年我希望大家可以見到我嘅進步，少少都好。」今年Ada轉打大錘，跟細佬輪流換位，狀態比起上年沒那麼「心虛」，更謂自己「有火咗」，「最sweet嘅係隊友成日提我記得帶護膝，又成日send溫馨提示，令我覺得大家好想見到我有準備、有信心咁參與比賽。」

第二屆《香港YouTube排球明星賽》

Angus直言由於今年有現場觀眾，大家都有火，「仲有教練幫手練波兩個月，真係安排周到。」不過講到難忘事情，Angus話黑隊原本有九個人，但颱風影響只剩剛剛好的人數，「四強賽之後我哋嘅二傳手大腿抽筋、談善言手指尾韌帶受傷、我嘅小腿亦喺比賽期間抽筋。黑隊有一半球員喺受傷情況下作賽，我哋可以話係受傷兵團！打完比賽足足休息咗幾日，仲攰過玩Hyrox！」

第二屆《香港YouTube排球明星賽》

女團VIVA今日（9月16日）推出今年第三首派台作品《Rainshine》，歌曲由Chloe Chung、Lee Ching作曲、T-Rexx填詞、Lee Ching編曲、T-Ma監製。新歌以「雨」為主題，將本來令人覺得掃興的天氣，變成屬於VIVA的歡樂背景音樂，貫徹女團率性、玩味一面。拍攝MV時更出動水車，四位成員Ada、Carina、Macy及VALC齊齊變身落湯雞。

VIVA推出今年第三首派台作品《Rainshine》。

這次《Rainshine》MV最大特色，就是大玩雨水元素。Carina表示，VIVA一直想製作一首屬於夏天的歌曲，因為香港經常落雨，「好似上個月落咗二十日雨！所以我哋就好似報復式咁樣，諗緊除咗一啲好Hot嘅主題，不如試吓玩濕身、雨中作樂嘅感覺。」

Carina

其實今次《Rainshine》MV拍攝日期一改再改，因為每次定好拍攝日子後，都撞正落雨，最終延遲了三個星期才順利拍攝。不過，巧合的是，拍攝期間亦有落雨，但這場「雨」與MV主題不謀而合，亦令部分畫面變成「天然效果」。Ada透露，部分鏡頭正正在真雨之下完成，效果靚之餘，更因為水車的水經過一日曝曬，噴出來的時時竟然是暖水，「好似沖涼呀，如果有啲皂液、洗頭水咁就好開心啦，哈哈。」

Ada

對於成身濕晒，Ada就以一句「落湯雞」概括今次拍攝體驗，反而Macy十分享受玩水過程，更勾起她童年回憶，「細個好鍾意玩水，好鍾意着水鞋，細個嘅時候爹哋媽咪經常覺得你去玩水就會感冒，就唔會俾你去玩或者限制你去玩。雖然我而家仲係一個未長大嘅細路，但係我又可以玩晒，重拾返我嘅童心。」講到水車一幕，Macy更形容現場「好大雨」，自己亦忍唔住衝入水車範圍，非常享受今次拍攝。

Macy

巧合的地方除了落雨，VALC更有開心大發現，「今次拍呢個MV原來同我哋上一次拍《FOMO》係同一日。」隨後，她又分享了今次拍攝另一項「挑戰」，就是凌晨三點Call Time，是VIVA歷來最早開工的一次，「好彩我前一日都有瞓兩個幾鐘，如果唔係拍嘅時候我應該會瞓死咗，哈哈。」

VALC

除要捱凌晨開工，VALC今次亦要面對高跟鞋跳舞的考驗，「着高踭鞋跳舞唔係一個問題，但因為嗰對鞋係好Platform，我隻腳基本上係掂唔到個地下，所以我唔知自己踩到啲乜，特別係踩緊石屎地，所以好驚。」至於壓軸的水車場面，就更加「濕」得徹底。VALC透露，第一次站到水車範圍內已經成身濕晒，而且水車噴水力度似乎比大家預期中更強，最終四位成員變身「落湯雞」，於水花之中完成拍攝。

觀看相關影片按連結：https://youtu.be/T5QeR6QE0fA