人氣女團VIVA 2週年大搞特別企劃 拖篋出遊爆笑進擊置富Malls馬鞍山廣場

置富Malls今個夏日請來了全城最矚目的「療癒應援」：人氣褲褲兔Opanchu Usagi及首次來港的奶泡恰姆Npochamu，由即日起至10月19日推出【置富Malls Summer Refresh「富」「褲」Fun】，當中位於馬鞍山廣場、充滿環球旅行感的「夢想啟航Reset假期」更成為超人氣朝聖地！適逢人氣女團VIVA迎來出道2週年，四位成員Ada、VALC、Carina同Macy宣布展開特別旅遊企劃兼放送粉絲福利，日前親身走入置富Malls現場拍片，點知竟然現場領略到與「褲褲兔」同款的「略帶悲慘卻極度幽默」黑仔魅力，引爆全場笑彈！

在剛曝光的幕後花絮中，VIVA四人原本滿心歡喜拖著行李喼展開旅程，但當Carina拿出秘密任務卡宣布「出發」時，豈料「褲褲兔式不幸詛咒」隨即啟動：Macy與VALC在「褲褲兔行李運輸帶」旁搬行李時，竟一時大意連人帶篋相撞「炒埋一碟」，戰利品物件散落一地；其後兩人滿心歡喜走到「鐵塔褲褲兔」前自拍，又大頭蝦忘記開相機功能，5X變焦拍出「驚悚大頭照」。

李晞彤（Carina）

馬思惠 (Macy) 與張鈊貽 (ValC)

另一邊廂的「黑仔事件」更愈演愈烈，Ada興奮地叫Carina在羅馬許願池旁幫忙拍照，Carina一時心急腳軟被絆倒之餘，更眼睜睜看著銀包直墜水池中瞬間消失！接連遭遇重創的四人愁眉苦臉聚在一起抱怨訴苦：「想放鬆下啫，點解好似OPANCHU咁黑仔㗎？」。此時，褲褲兔現身並溫柔地向四人派花安撫，正當VIVA感動道謝、心情剛平復之際，VALC卻突然花粉過敏打了個大噴嚏，更直噴在褲褲兔面上，令再一次好心卻落得翻車收場的褲褲兔委屈感Up，完美呼應故事「悲喜交集」的核心精神！

馬思惠（Macy）與張鈊貽 （ValC）

姜咏鑫 （Ada）與李晞彤（Carina）

想知VIVA最終能否在褲褲兔陪伴下完成 2週年神秘任務？記得密切留意置富Malls社交平台的短片發佈！如果想同VIVA一樣近距離被兔兔療癒？快到置富Malls親身感受這股治癒系能量啦！

女團VIVA隊長Carina李晞彤昨日（8月31日）以一身「驚嚇」造型現身電台，為她第二首solo作品《半夜跳進你限動》宣傳。現場所見，Carina不但冇着靚衫靚鞋，反而以一頭髮卷、睡衣襯毛毛拖鞋的「包租婆look」到場，完全將屋企搬出街。

Carina近日推出第二首solo作品《半夜跳進你限動》。

觀看相關影片按連結：https://youtu.be/DriHTFR3AVw

這個「包租婆」造型一出，立刻引來在場工作人員及fans的注目，Carina直言這個idea是她自己度出來，「今日決定用呢個look去電台，全因為要呼應番新歌MV入面嘅造型，不過我今日係『靚版』！因為我覺得MV裏面全部捲起晒個頭，真係好似包租婆，所以今日想保留一啲靚少少嘅感覺，等啲DJ同聽眾對我有個清晰嘅image。」提到着睡衣出街有冇尷尬，Carina笑着說：「我本身唔係一個好在意人哋眼光嘅人，頭先搭車過嚟都係呢身打扮，一啲都冇尷尬，仲幾舒服添，尤其對毛毛拖鞋，軟腍腍。」

「包租婆」現身電台。

電台訪問期間，天文台掛起「黃色暴雨警告」，但電台門外依然有數十名忠心fans冒住黃雨守候，為等偶像一面。Carina大為感動，「上次我出solo《讓路》又係黃雨，今次《半夜跳進你限動》又係黃雨，真係辛苦晒佢哋！其實我嚟嗰陣仲係晴天，點知做完訪問出番嚟就落雨，真係好希望下次天氣好啲，等佢哋唔使淋雨。」她又來不到的fans隔空派定心丸，「知道有啲fans嚟唔到好唔開心，唔使失望，將來仲有好多機會見面，大家要好好休息呀！」

影片截圖

影片截圖

提到新歌主題圍繞社交媒體的曖昧遊戲，Carina自認「IG愛好者」，平時有留意朋友間的story，「我覺得用呢種方式表達心意好婉轉，但又會俾你發現到，好有情趣，係呢個年代獨有嘅浪漫。以前啲人鍾意人straight forward啲。」她又謂希望樂迷聽歌時會回憶「以前好細個鍾意一個人嗰種好清澀嘅感覺」，實行用音樂帶大家回去那種心動時刻。

大批粉絲冒雨支持。

大批粉絲冒雨支持。