職場嘅嘢……
魚不過塘不肥,打工仔跳槽轉工都是常態,但免不了「人走茶涼」,不少人就在離職過程中遇到令自己心寒的事件。近日有網民在討論區以「我離職前被同一部門的同事出賣」為題分享自身經歷,指辭職後才發現被同事背叛,事件引發網友熱議。
樓主在文中表示,自己將於4月初離職,4月中去新公司上班。近日在離職前被上司約談,要他在離職前做好交接,有頭有尾。這時他才發現「同一部門已遞信的另一位同事,居然接受公司的挽留,升咗職做我個位,又加佢人工!」
樓主頓感被出賣「因為佢當時同我同仇敵愾,約定一齊離開公司,但是佢居然接受公司的挽留,兼升職加薪!」並感慨道:「原來在公司做好人的下場是好悲慘,連一句挽留的說話都沒有,可幸的是我搵到新工,我唯有離開此公司,在新公司重新再出發。」
大多網民看完帖文後,認為樓主過於天真,以為職場上的朋友可以信賴,甚至相信同事間的所謂承諾「商場如戰場,佢都係打份工啫,或者佢搵唔到新工作呢?」、「人各有志,你自己夠有新工返啦,點解人地唔可以升職加薪?再講,佢無做過甚麼,只係老細想佢留低,有冇諗點解老細留佢唔留你?」
亦有人直言打工仔都是向錢看齊,「你份新工有無預留一席給他?無嘅話,公司升職加薪不是每個打工仔的期望嗎?你有新發展,佢有新職位,各得其所。」、「你都係為錢離職,人地為錢留低,問題在哪?」指出兩人其實都沒有問題,誰也沒有欠誰。