大家多多支持Jaime～
剛剛出道一年的獨立歌手張天穎（Jaime）於日前推出了2023年首支solo單曲《1 step at a time》是，並身兼曲、詞、編、監，她透露歌曲的靈感是來自父母保持甜蜜的秘方。曾參與《冤枉新秀訓練營》的她更希望唱而優則演，還即場自薦盼有機會參與戲劇演出！
點擊看圖輯
本網記者攝
《1 step at a time》
《1 step at a time》
Jaime自言係一個比較跳脫嘅人，所以之後推出嘅歌唔會set死係關於愛情，並透露第二首會係同朋友玩嘅一首hip hip地hop嘅歌。（本網記者攝）
Jaime去年曾與孫曉賢、張進翹及顧定軒合作舉行《BlackOut Live》。
Jaime與另外四位同是「陳輝陽 x 女聲合唱」的成員組成了獨立唱作女子組合「Beanies」。
Beanies於今個情人節推出了首支派台作品《公主抱》。
Jaime話呢三首歌對佢意義重大。
Jaime覺得巴黎係一個non-judgmental嘅城市，所有人著自己鍾意嘅衫，冇人會用奇怪嘅目光望住你，反而係會讚你。
Jaime笑言今次巴黎之旅第一次睇巴黎鐵塔，仲睇咗三次。
Jaime開心share係巴黎飲咗一個超級濃嘅熱朱古力。（本網記者攝）
Jaime認為依家still going, like it just a very beginning.
本網記者攝
《冤枉新秀訓練營》
Jaime完全ok齋唱歌，齋跳舞齋train齋上acting class！
本網記者攝
本網記者攝
Jaime指新歌是在說兩個人的關係由不認識到巧遇，變到慢慢認識，之後再深入了解，最後可能可以嘗試發展的故事，靈感來自自己的初戀及父母的一句話，「我mummy daddy好sweet嘅，有一日佢地食飯嘅時候，我就坐係佢地對面對，咁我就問：『你地有咩tips嘅呢咁sweet』，我daddy就講咗三隻字，就係『慢慢嚟』。」Jaime細味「慢慢嚟」這三個字後就想到「其實慢都係一種浪漫」，於是創作出《1 step at a time》。
觀看相關影片按連結：https://youtu.be/KrLUkXBpREI
問到Jaime有沒有初戀的難忘回憶？她透露當年和初戀男友去台灣旅行時，回到酒店才發現不小心將iPod touch遺留在劇場裏，iPod touch裏全是二人這次第一次一同去旅行的回憶，而且沒有備份，所以她非常傷心，但男友的舉動就令她很感動，「佢捉住我隻手，上返架車度，用佢啲爛嘅普通話講『唔該去返嗰個劇院』，明明個劇院concert都未完，佢就死都要衝入去：『唔好意思頭先係度㗎，我地漏咗嘢』，都係用佢啲好爛嘅普通話，其實我係好想笑......之後佢就同我講咗一句：『如果搵唔到嘅，我嗰陪iPod touch送畀你啦』，其實嗰陣時好細個，iPod touch係好貴，同埋主要都係我同佢啲回憶，所以我就覺得好sweet囉呢一句，但係最終完咗入去係搵得返，所以我都好多謝佢，嗰一刻乜都唔問，乜都唔諗拖住我就上返㗎的士度返去搵。」
《1 step at a time》
《1 step at a time》
Jaime於去年推出了三首歌，分別是講至愛的《Fallen 4 U》、與followers互動的《No Money No Honey》及關於小時候不開心經歷的《OK Sure》，包括今次的《1 step at a time》都是由Jaime自己曲、詞、編、監，她透露下一首歌會有其他朋友仔作詞，是一首偏向HipHop風、愉快的歌，她又謙虛的表示自己會的編曲類型比較少，希望之後能與更多不同類型的音樂人合作，玩多些不同風格的音樂。
Jaime自言係一個比較跳脫嘅人，所以之後推出嘅歌唔會set死係關於愛情，並透露第二首會係同朋友玩嘅一首hip hip地hop嘅歌。（本網記者攝）
Jaime去年曾與孫曉賢、張進翹及顧定軒合作舉行《BlackOut Live》，今年遠赴巴黎參與時裝周舞台，之後4月9日又將與獨立唱作女子組合「Beanies」舉行音樂會，她直言希望將來能舉行一個屬於自己的音樂會，「但係我覺得呢個要我自己再勤力啲，可能作多好多歌先開一個concert。」
Jaime去年曾與孫曉賢、張進翹及顧定軒合作舉行《BlackOut Live》。
Jaime與另外四位同是「陳輝陽 x 女聲合唱」的成員組成了獨立唱作女子組合「Beanies」。
Beanies於今個情人節推出了首支派台作品《公主抱》。
提到早前遠赴巴黎參與時裝周舞台，Jaime揀選了三首膾炙人口的廣東歌《青春常駐》、《終生美麗》及《失戀太少》助香港品牌DEMO、 PABEPABE及YAT PIT發表2023秋冬時裝系列，實現音樂與時裝的跨界融合，致敬港人的無限創意。Jaime直言今次是第一次去時裝周，亦是第一次去巴黎，「其實我系幻想出嚟，我覺得成件事係好靚，係圍繞住美麗，咁所以我就用『美』嚟做一個好軸心嘅theme。」
Jaime話呢三首歌對佢意義重大。
Jaime覺得巴黎係一個non-judgmental嘅城市，所有人著自己鍾意嘅衫，冇人會用奇怪嘅目光望住你，反而係會讚你。
Jaime解釋這三首歌就好像一個關於美的旅程，《青春常駐》是渴望「美麗、珍貴的事物」不要離開，而《終生美麗》就是反問「究竟咩係靚呢？靚其實即係physical嘅『美』，可能唔會last到一世，但係有啲咩係可以last到一世呢？」到最後《失戀太少》的「擦光所有火柴難令氣氛像從前閃耀，至少感激當日陪著我開甜蜜的玩笑」，就是告訴大家，所有美好的事物都會過去，最重要是身邊有人陪你度過這些美好時光。雖然Jaime起初都擔心語言不通的問題，但結果出乎意料好，「佢地focus返落廣東歌嘅特質，就係好多嘢都係用旋律去帶動先。」
Jaime笑言今次巴黎之旅第一次睇巴黎鐵塔，仲睇咗三次。
Jaime開心share係巴黎飲咗一個超級濃嘅熱朱古力。（本網記者攝）
身為獨立歌手，路會比一般歌手難行，但Jaime未想過放棄，「可能一年太短，未磨滅晒我嘅意志，我覺得放棄呢個念頭係未開始嘅時候反而有，開始咗我覺得：『It still going, like it just a very beginning. 』」Jaime透露之前唱翻唱歌時未想過做幕前，但不斷有不同的主辦單位邀請她去唱歌，才令她有出道的想法，「嗰幾年又真係有少少難，咁我就諗放棄？但係我參加完一個比賽之後我就覺得，『啊！唔得！呢樣嘢都真係自己好想試、好鍾意』，咁所以係上年嘅三月就出咗我人生嘅第一首歌。」
Jaime認為依家still going, like it just a very beginning.
本網記者攝
Jaime所說的比賽就是《冤枉新秀訓練營》，「佢有好多唔同嘅舞台，唔同嘅Course，例如acting、跳舞、唱歌，我發覺我全部都好鍾意，因為呢一個camp，你一參加，你都可以話係擺底晒所有你生命中going on嘅嘢，可能本身教班嘅你會教少咗，或者嗰排take a break......即係我完全ok齋唱歌，齋跳舞齋train齋上acting class，我覺得好正添！」
《冤枉新秀訓練營》
Jaime完全ok齋唱歌，齋跳舞齋train齋上acting class！
提到演戲，Jaime馬上自薦，並表示希望有機會參演一些搞笑的戲劇，「我諗我係好想entertain到觀眾，令到佢哋開心，點解咁講呢，我發覺我有4首歌，得一首歌係唔開心，但我每次去表演嗰首歌嘅時候，我都唔係好feel good，唔係話因為係關於自己唔開心嘅事，係反而真係覺得，『死啦！我係咪散緊一個negative嘅energy畀人？』可能我鍾意做啲possive嘅嘢畀觀眾多啲，咁至於係咪醜角或者純粹搞笑，我覺得呢個咩都試下，我好open！」
本網記者攝
張天穎Jaime
Hair: Prudence Wong @ Artify Lab
Venue: Mini Central
