溫碧霞曬真實身材比堅尼fit爆 年過半百依舊火辣

溫碧霞向來是圈中的凍齡女神，已經56歲的她不只駐顏有術，皮膚狀態依然保持白滑，身材亦毫無走樣，就連舉手投足都依然少女味濃，讓人稱羨！不時在社交網大晒靚相的她，4月8日貼出最新一輯性感比堅尼相三點色上陣！年過半百的她依然火辣，無論近鏡、遠鏡都狀態極佳。

今年56歲的溫碧霞皮膚依然白滑，身材勁fit。

早前貼出與老公仔仔數年前在美國的照片。

行為舉止亦充滿少女心。

溫碧霞在社交網貼相留言：「陽光女郎又來了。I love beautiful Bali（我愛美麗的峇里）」看來溫碧霞目前正在印尼峇里享受陽光與海灘的假期，照片中見戴上草帽的她笑容燦爛，而且更是以性感三點色比堅尼上陣，深藍色圓點泳裝顯得皮膚非常白滑。溫碧霞更趴在沙發上影靚相，大方大晒纖腰外，更見到她胸部對落原來有幾粒墨，看來女神未有對身材有任何修飾就直接出街，大方展示56歲最真實身材！網民亦紛紛留言大讚溫碧霞性感、美艷，「隨意擺伯都有時尚大片即視感」。

4月1日與老公和草蜢蔡一智一同睇張國榮紀念演唱。

4月1日與老公和草蜢蔡一智一同睇張國榮紀念演唱。

溫碧霞到峇里享受陽光與海灘，心情靚爆！

溫碧霞到峇里享受陽光與海灘，心情靚爆！

平口橙色連身裙下面，其實是三點式比堅尼！

平口橙色連身裙下面，其實是三點式比堅尼！

趴地嘟嘴好誘人。

完全不似已經56歲！

溫碧霞大方展示56歲真實身材，還見到胸部對落位置有幾粒墨！

56歲溫碧霞是圈中有名的凍齡女神！

為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。

英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。

昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。

女團VIVA

溫碧霞（Irene）亦有到場感受氣氛。

經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」

VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」

何佩瑜（Jeana）

Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」

周國賢（Endy）壓軸登場。

全場瘋狂high爆！

整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。