森美扮晒專家講紅酒 吳若希唔畀面柴台：你都唔飲酒嘅！

遊戲節目《優質服務100 Fun》4月15日晚10時30分翡翠台播映最後一集，由森美及陳敏之擔任主持。節目以經典遊戲節目《15/16》作藍本，發掘各種趣味問題拍成短片，並邀來不同藝人接受考驗，分成兩隊競猜片段內答案是15還是16。

今集大合照。

「以禮待客隊」有黎諾懿（左起）、朱凱婷和戴祖儀。

吳若希：我同老公都唔摺衫架喎
4月15日晚一集，嘉賓有「Q嘜智醒隊」的洪永城、吳若希（Jinny）和楊潮凱，對戰「以禮待客隊」的黎諾懿、朱凱婷和戴祖儀（Joey），關楓馨及阮嘉敏繼續擔任「100分鑒定專員」，走訪不同的商店或食肆負責出題。是集熱身遊戲玩鬥快摺衫，見Joey摺得有文有路，森美又玩踢爆：「因為佢本身屋企多衫。」Joey則直認不諱：「係呀，全部都係我自己摺架。」另邊廂Jinny摺到姐手姐腳，森美忍不住問：「平時你摺定老公摺衫呢？」Jinny不假思索笑言：「我同老公都唔摺衫架喎！」引來全場大笑。

戴祖儀（左起）、黎諾懿、朱凱婷

「Q嘜智醒隊」有洪永城（左起）、吳若希和楊潮凱。

楊潮凱（左起）、吳若希、洪永城

今集第一條片段，關楓馨走訪紅酒專賣店，店員拿出專開舊酒的開瓶器AH-SO出來，問大家AH-SO為甚麼是長短腳設計？15是量度酒塞長度，16則是避免酒塞跌進酒瓶內，認為是15的森美扮晒專家說：「如果酒塞係長嘅話，代表係靚酒，短嘅就唔係靚酒，用呢個塞落去就知係咪靚酒。」Jinny聞言即唔畀面柴台說：「森美大哥都唔飲酒嘅，點會信森美啫，係咪先？」至於答案是否如森美大哥所說？4月15日晚會揭曉。

吳若希自認平時唔摺衫。

森美手上嘅開瓶器AH-SO點解係長短腳設計呢？

吳若希話唔會相信森美講嘅嘢。

第二條片段，阮嘉敏去到電器店探索一部神秘機器，該機器屏幕顯示出不同手機的型號，並連接着三條手機充電線，問題是該部機器究竟提供甚麼服務？15是手機特快充電站，16是自動手機買賣服務，牙尖嘴利的Joey說：「用呢個逆向思維，反轉再反轉，正常人係會揀16，但係呢個答案太普通喇！」森美聞言即拋窒她：「你小心啲答呀，你咁樣得罪晒我哋寫稿、監製同埋編審。」Joey即高八度笠水說：「但係呢…」同隊的黎諾懿亦睇唔過眼說：「講嘢唔使咁高音嘅。」Joey即改以老牛聲謂：「但係充電咁普通，所以有機會係16，都係交畀黎諾懿決定！」名副其實聲大大無貨賣。

戴祖儀好似嘴Gel Gel咁，但畀人拋兩拋就笠水。

戴祖儀話自己升呢做咗皇后。

去到最後一條片段，阮嘉敏走訪刀具店，店中有一個造工精緻的湯婆子，問題是湯婆子除了用作取暖外還有甚麼用途？15是溫熱牛皮膏藥貼，16是燙絲巾，向來搞笑的Joey答問題時上演小劇場化身妃子，又笑言自己升呢皇后，並「下旨」命令對手選擇相反的答案，場面搞笑。

吳若希表示與老公瘋狂鬥嘴是兩人的相處方式。

《香港婚後事》由為陳自瑤（Yoyo）、賴慰玲（Winki）、黎諾懿及羅天宇擔任主持，第7集嘉賓吳若希（Jinny）。身為敢言代表的Jinny自認有一套自己想法，她說：「我會將好多人擺喺心裏面唔敢講嘅嘢，全部講晒出嚟。」

今集有吳若希（中）擔任嘉賓。

今集氣氛相當歡愉。

今集氣氛相當歡愉。

提到她不時網上「公審」老公，Jinny解釋：「好多人覺得家醜不可外揚，但我唔係，唔啱嘅嘢我講咗好多次，而你都係唔聽嘅時候，我教唔到，咁就由出面嘅人教你，我係咁嘅心態。」Jinny笑言老公沒有因此投訴，皆因「佢知道佢講咗都冇用」，她續指這套方法不是每個人都ｙ合，要視乎另一半的性格，黎諾懿明言：「我自己唔得，如果老婆將家事擺上網，我會好嬲。」問到會否擔心被指女權至上？Jinny笑言：「唔介意，冇所謂啦，幾好吖，咁樣我可以幫到老公擋好多嘢，佢唔想去嗰啲局，佢就會話我老婆唔畀！」

吳若希自認係惡妻，仲唔介意被指係「女權至上」。

吳若希為網上「公審」老公解畫。

吳若希與老公Alex

黎諾懿話接受唔到被老婆網上「公審」。

黎諾懿話接受唔到被老婆網上「公審」。

Jinny指與老公瘋狂鬥嘴是兩人的相處方式，坦言試過鬧到動真火，機智的Jinny老公會即時推子女做「擋箭牌」，她說：「佢知道我好嬲，就會推小朋友過去啜媽咪，我見到好得意就會忍唔住啜啖先，咁就唔會再嬲。」Jinny續說：「之前我去內地拍咗半年《香港人在北京》，嗰段時間佢發現冇咗老婆，好似人生冇咗一忽咁，自己要處理好多嘢，終於體諒到老婆嘅辛苦。」Jinny又謂覺得《香港人在北京》挽救了自己與老公的婚姻。問到會否覺得自己太早婚，Jinny竟然說：「其實自己一個更開心。」為何她會這麼說？節目自有分曉。

吳若希話每次一嬲，老公就會推小朋友做擋箭牌。

吳若希話每次一嬲，老公就會推小朋友做擋箭牌。

吳若希竟然「其實自己一個更開心」。

之後講到「女方出軌」話題，Jinny分享了一宗真人真事，Jinny說女事主為了報復老公出軌，竟與老公好友搭上，後來更發現「外面世界很大」，相當花生。對於出軌話題，Yoyo亦有感而發謂：「男人又好女人又好，出軌可能只係一時衝動，就係為咗一刻嘅歡愉做錯事，無論做咩事都好，最緊要唔好為咗一時一刻嘅衝動、快樂，毀咗成個家庭，代價好大。」天宇則分享了「人夫與印傭姐姐」發生不倫戀的真人真事，程度更是震撼三觀。

羅天宇大爆「人夫與印傭」的不倫戀真人真事。

賴慰玲嚇到靈魂出竅。

值得留意的是，今集新增「殘酷二選一」環節，天宇和Yoyo負責接受挑戰！面對「可以重新再揀，選擇單身定係結婚」這個殘酷話題，Yoyo竟然答「單身」，至於有「女神收割機」之稱的天宇，又會如何抉擇「揀女仔睇樣定身形」、「鍾意女仔豐滿定纖瘦」等棘手問題？

陳自瑤對出軌話題有感而發。

陳自瑤挑戰「殘酷二選一」。

天宇都有份玩。