《見步行步台灣篇》阿發行仔醉狀超誇張 港女野人領軍J2ers兵分三路行302公里

J2（82台）逢周一至五晚十點半推出的實境拍攝旅遊節目《見步行步 台灣篇》，由J2er施焯日（Arthur阿發）及蔡景行（行仔）擔任主持，二人同「行」於8日內橫跨8個台灣城市進行各式各樣有趣挑戰及體驗。

兩位主持真係用生命在玩遊戲架！

一小時內暴風式喪食7大台南美食 蔡景行半夜嘔吐大作

17日一集，「行發」雖然一償心願大啖台南特色小食，可惜卻因為墮進製作組安排的「美食一百分」任務，在極短時間（大約一小時）內暴風式吃下浮水魚羹、米粿、蝦仁肉丸、杏仁茶、芝麻糊、刨冰及牛肉湯；其間二人不但因擲輸骰仔要吃雙倍份量，更因遇上熱情老闆娘送上超大份芝麻糊，令二人飽至呆滯，行仔更數度作嘔兼眼神死，肚皮更像懷胎十月般。

當老闆娘好熱情咁請佢哋飲咁大支芝麻糊時，行仔個「眼神死」真係好爆笑。

佢唔單止飲到呆咗，仲作嘔。

真係臉都青埋架。

食到個肚大到哩！

台南嘅牛肉湯真係好馳名架！

牛肉湯

睇見行仔都辛苦

今晚一集，二人緊接接受「酒精路跑」挑戰，穿梭台南酒吧喪飲特色調酒賺取「旅費」，其間發仔不但飲至瞓地，更對著花草傻笑；更搞鬼的是，阿發事後透露，當晚半夜嘔吐的最終是行仔而不是自己：「我醉咗只係瞓覺，但佢竟然半夜起身嘔，真係估唔到。估計都係之前個美食任務食得太飽，我哋嗰日其實食完全日都唔舒服，但最緊要觀眾睇得開心。」

兩位主持就大玩「酒精路跑」。

佢哋係咁飲係咁飲，終於阿發醉到狀況百出。

阿發飲到一面惘然瞓地。

更對著花草傻笑。

向來團結的J2ers，為了力撐「行發」主持的新節目，日前陸續組隊加入「同行」行列，有何泳芍（Honey）、胡美貽（Nicole）、廖慧儀（Jessica）及陳若思（Amber）的「港女野人組」、黃紫恩（Jojo）、吳兆麟（Alan）及陳國麟（Doniven）的「不正常愛情組」，和胡敏芝（Karen）、馮子亮（Liam）及林俊其（Kris）的「應援啦啦隊組」，三個組別分別挑戰由荃灣、沙田及葵芳三個不同起點出發，沿著平路一直步行至電視城為終點，三日三組加起來步行距離合共302公里，與「行發」橫跨台灣旅程一樣距離。

左起：Nicole、Jessica、Honey、Amber

「不正常愛情組」Crossover 《超級毛特兒大賽》？

「應援啦啦隊組」有（左起）Kris、Liam同Karen

三組之中眾望所歸是「港女野人組」最捱得，由於Nicole起行當晚另有工作，四女晨早流流九點便在荃灣集合，之後一直咬緊牙關步行至下午五點才抵達電視城，足足花了八小時才完成壯舉！四人事後報告步行步數，當中以人仔細細的Amber最誇張，竟行了多達50,000步。事後她笑言最難忘是竟然大家都沒有放棄：「行完之後，返到屋企都趷吓趷吓，仲辛苦過拍《港女野人》。因為我哋中間淨係休息咗15分鐘，食完晏之後就冇停過行，為咗可以喺五點之前返到公司。」

好鍾意「港女野人」去到邊都咁有活力。

Nicole話喺呢條斜路度食咗好多塵。

畀人集郵令四位「港女野人」元氣滿滿。

Jessica透露要花三日時間才恢復狀態及體力：「行完隻腳痺晒、抽抽地筋又起晒水泡，痛咗幾日。行嗰日好曬，加上條路真係好長有成30km，好講求意志力同耐力。」並謂很難忘沿途有不少路人為她們打氣；Honey感嘆事件很熱血：「最後100米路好感動，無諗過咁熱血，同埋好開心《港女野人》冇砸爛自己招牌，再次成功達標。」

由於行咗足足八個鐘，四位港女野人攰到不能形容，所以最後只有Jessica記得影單人相留念，仲要係Honey幫佢揸機架！但係點解有單車嘅？唔通佢哋都有偷雞？

身為「體力擔當」的Honey，事後足足瞓了20小時叉電：「因為行之前嗰日要拍劇，只瞓得一個鐘，行完仲要再開劇拍到凌晨兩點先收工。」 Nicole則憶述了最辛苦一段路的經歷：「入將軍澳行秀茂坪斜路嗰度真係好辛苦，因為馬路好多灰塵。」

雖然個個都行咗成四萬幾五萬步，但難得去到終點一刻依然精神爽利，「港女野人」好嘢。

四人又自認是《見步行步》忠實觀眾：「覺得佢哋好叻，完全感受到佢哋嗰種迷惘同辛苦，我哋都好想試拍女版《見步行步》，一定仲嘈仲多笑料！」

雖然個個都行咗成四萬幾五萬步，但難得去到終點一刻依然精神爽利，「港女野人」好嘢。

三組的「齊撐行發見步行步」Vlog，於4月18日中午12時陸續上載J2社交平台，打頭陣行先一步的是「應援啦啦隊組」。Karen三人也是花了很久才抵達電視城，起程時信心滿滿的他們，不但中途偷懶兼偷雞，最後更要由天光行至天黑才完成任務。到底三人整個「行程」經歷了甚麼？當中又會有甚麼趣事以及話題？

打頭陣行先一步的是「應援啦啦隊組」。

到底佢哋嘅過程又經歷咗啲乜呢？

點解Jojo佢地有單車踩架？唔係行路咩？戴黑超者為Alan

Karen呢組嘅Vlog在18日會喺J2社交網首播。

佢哋名副其實一邊搵路、一邊見步行步。

到底佢哋去咗邊度偷懶？

又點偷雞法？不過就算偷咗雞，佢哋最後都係超時。

到底佢哋最後用咗幾耐時間先到到呢？

由一班靚仔靚女倪嘉雯（Carmen）、葉靖儀（Michelle）、黃嘉雯（Carmaney）、廖慧儀（Jessica）、伍倩彤（Gillian）、蔡景行（行仔）、胡美貽（Nicole）等主持的飲食節目《美食新聞報道》，本周一、二、四、五晚8點TVB Plus（82台）播映。

洪師傅信奉不停學習的精神。

洪師傅身為老闆，但凡事都親力親為。

出身飲食世家燒鵝髀都可以當「零食」。

今晚（12月5日）「故事味緣」介紹位於尖沙嘴的中菜館，老闆洪師傅本住「學海無涯，惟勤是岸」，信奉活到老學到老的精神。洪師傅15歲學做粵菜，之後涉獵過日本菜、越南菜及法國菜，最終集大成在尖沙嘴開檔賣fusion中菜。他出身飲食世家，父母從事酒樓及燒臘店生意，少時返家「零食」通常是一隻燒鵝髀。因此之故洪師傅自少便被家人安排入酒店工作，20年間做過粵菜、日本菜、法國菜，他解釋當中原因︰「嗰時細路仔好想學嘢，喺酒店咁多個部門都去勻晒。做中菜嘅好處，係可以紮實基本功，配合西廚的天馬行空創意，可以做出好多中西結合嘅菜色。」

海膽燴飯

金蠔

拖羅鹹蛋脆酥

洪師傅笑言就算現在經營餐館，依然在學習中。他自言每遇有樽頸位，就會回想過往所學融會貫通，透過不斷溫故知新「升呢」，成就店內多款招牌菜餚。有變化自意大利菜 Risotto的海膽燴飯及日本風配上他他製法的拖羅鹹蛋脆酥。最經典要數到為孝敬父母炮製的金蠔，洪師傅笑言製作過程猶如考牌︰「有次父母嚟到舖頭，我話老竇整款金蠔你食。佢嘅反應係咁甜，邊好食㗎。」洪師傅用煨鮑魚的方法用高湯將金蠔煨到入味，做到溏心效果，父母吃後猛讚掂。

Agnes帶Arthur到澳門歎太史菜。

太史松茸戈渣被形容為「炸過的湯」。

此外，食評人謝嫣薇（Agnes）帶住施焯日（Arthur）再到澳門品嚐正宗太史菜。著名的粵劇作家南海十三郎江譽鏐及已故美食家江獻珠都是江太史的後人。太史公姓江有「百粵美食第一人」的美譽，著有太史食譜，當中最廣為流傳的有太史五蛇羹。Agnes為Arthur點了必食的太史松茸戈渣、太史鳳凰羹及鮑汁雙籽扒柚皮，各樣食品盡得太史菜「粗菜精做」的神髓。

鮑汁雙籽扒柚皮盡得粗菜精做神髓。

太史鳳凰羹由蛇羹改良而成，適合夏天食用。