大家覺得抵唔抵？
自己準備一餐飯要買餸煮飯洗碗，費時費工，且如今物價上漲，買食材也不便宜，很多人寧願買外賣做餸。不過近日有一網民於社交平台發文投訴，表示到某平民餐館買外賣，點了價值68元的豉汁蒸白鱔，餐牌上寫明有12件，回家打開外賣盒雖然數量相符，但事主卻覺得份量不足，嫌白鱔非常細件，於是上載照片想公審餐廳「各位大大幫手評吓理吖！抵吾抵食呢？」。不過，網民們卻不賣帳，反斥樓主「食飯唔知米貴」，不少人更指該碟蒸鱔非常抵食「街市百二蚊一斤。我覺得好抵食喎。仲要整埋俾你食」、「68蚊，去街市買生嘅都買唔到」。
點擊看圖輯
有網民於社交平台發文投訴某餐廳的外賣豉汁蒸鱔非常細件。
有網民話樓主「食米唔知價」，街市售賣的白鱔動輒過百元一斤。
有網民稱「咁多仲話唔扺?人哋要燈油火人工舖租開支，68元你去街市買唔到咁多魚，家吓啲魚好貴！真心話68元算抵食」。
很多網民認為68元一碟豉油蒸鱔「抵到爛」。
有網民於社交平台發文投訴某餐廳的外賣豉汁蒸鱔非常細件。
該網民於Facebook群組「香港茶餐廳及美食關注組」發文兼上載照片，表示到餐廳購買了一盒外賣豉汁蒸白鱔「官方寫明有十二塊」，但實物與樓主期望不相符，雖然足12件但他覺得「現實系有D好細舊，大舊嘅又好薄，最大舊系個頭，亞姐話私人送比我喎」。事主因此覺得餐廳食水深，非常生氣，更直言不會再光顧「我無下次囉」，還叫網民幫忙評理。
有網民話樓主「食米唔知價」，街市售賣的白鱔動輒過百元一斤。
此帖一出即獲四百多條留言，大部分網民認都話樓主「離地」，指白鱔乃貴價食材，68元絕對超值「68蚊已經唔貴，還要發文公審人地， 10蚊俾你好唔好？ 覺得貴就唔好出去食唔好出去買，全部自己煮啦」、「樓主係咪未響街市買過鱔，$68咁嘅陣容，覺得算合理」、「自己煮，出邊做唔到你生意！不過你呢種人係街巿買都會嫌貴，自己養」、「呢碟68蚊抵到爛啦」、「本身這種食材係貴，68元非常抵食如洒樓食必過百多元的」、「68蚊呢合蒸鱔睇樣算抵食㗎喇，家下食個茶餐好多都過50啦」、「先唔好講68蚊有幾多舊，只睇呢個買相，每舊都唔算細喎！真心覺得好抵」、「有冇地址甘抵我都想食」、「係出面68元我諗未蒸既都買唔到，覺得唔抵不如試下自己用68睇下整到幾厚既12件」。
有網民稱「咁多仲話唔扺?人哋要燈油火人工舖租開支，68元你去街市買唔到咁多魚，家吓啲魚好貴！真心話68元算抵食」。
亦有人懷疑樓主是曲線幫餐廳宣傳「呢個post好似曲線助攻XX就真，真係語不驚人誓不休，明踩暗讚」、「勁呀，逆向讚好間嘢嘅 post，又學到嘢」、「合理懷疑係廣告，呢家食個下午茶都40幾啦，68有禁多舊仲要係蒸鱔仲想點」、「推手嚟㗎，係咪做宣傳」、「好有廣告feel，所以都係唔會上當」、「呢個一定係廣告，除非唔係」、「根本就係廣告黎既」、「曲線賣廣告，而家街市賣百幾蚊斤白鱔」。
很多網民認為68元一碟豉油蒸鱔「抵到爛」。
排山倒海的留言最終令樓主覺悟「收到，收到，收到晒！多謝大大們的留言，指正，教導。我會自我反省，查找不足，努力吃美食。小女子又真是少落廚房，不落濕街市的。所以同現實有好大的距離。多謝各位大大的指正！」
帖文來源：Facebook群組「香港茶餐廳及美食關注組」
