全新飲食節目《肥媽李鼎》將於4月24日起、逢周一至三晚10時30分翡翠台播映，節目由Maria Cordero（肥媽）、李家鼎（鼎爺）及游嘉欣（游游）擔任主持。肥媽和鼎爺是圈中廚藝高手，肥媽以「平靚正快」見稱，鼎爺則擅長追求細緻的傳統功夫菜，今次兩人破天荒聯手主持飲食節目，除了會大顯功架晒廚藝外，在娛圈行走幾十年的兩人每集會配合不同主題，一邊煮餸一邊交流「八卦經」，包大家食足花生！節目為增加更多趣味性，邀來新晉女神游嘉欣（游游）跟兩位拜師學藝，身為廚房新手的她到底能否招架得住兩位前輩？大家拭目以待。
節目由李家鼎（左起）、肥媽、游嘉欣擔任主持。
肥媽出名「平靚正快」。
李家鼎就最叻煮傳統功夫菜。
游游係節目嘅氣氛擔當，爆出唔少笑料。
鼎爺爆紅後感人情冷暖？
點擊看圖輯
節目由李家鼎（左起）、肥媽、游嘉欣擔任主持。
肥媽出名「平靚正快」。
李家鼎就最叻煮傳統功夫菜。
游游係節目嘅氣氛擔當，爆出唔少笑料。
今集講「廚神的誕生」。
肥媽因為一味「煎封鯧魚」踏上廚神之路。
鼎爺以蘿蔔炒魚鬆成功俘虜咗珍姐。
《香港＇82》片段
見到游游姐手姐腳，鼎爺都話驚咗佢。
鼎爺晒拋鑊技，勁呀。
阿爺展刀工。
游游刀工又點呢？
肥媽最叻用電飯煲煮餸。
肥媽同鼎爺合力炮製4道菜。
肥媽同鼎爺合力炮製4道菜。
肥媽同鼎爺合力炮製4道菜。
肥媽同鼎爺合力炮製4道菜。
明（24日）晚播出的第一集，主題是「廚神的誕生」，究竟肥媽和鼎爺是如何走上廚神之路？肥媽透露源於一味餸「煎封鯧魚」，她一邊煎魚一邊說：「嗰時好興私房菜，有人叫我去睇吓人哋點煮，幫手做吓介紹，點知去到等咗兩個幾鐘，佢話要等工人返嚟先煎得，我就話我幫你煎啦。佢問我得唔得架，我就話邊個阿媽唔識煮飯。」肥媽邊分享往事，邊向游游傳授煎魚秘技，肥媽續說：「跟住我對住鏡頭一路煎一路講一路食，煮完（拍出嚟）好受歡迎，之後就煮到依家！」
今集講「廚神的誕生」。
肥媽因為一味「煎封鯧魚」踏上廚神之路。
至於，由武術指導兼演員變身「教煮」的鼎爺，其伯樂竟然是珍姐：「想當年有個曾勵珍監製嘅處境劇《香港＇82》，要拍一場食飯戲，點知道具餸出咗事，有人食完又屙又嘔，嗰味係蘿蔔炒魚鬆…阿珍話咁叻你煮吖，我話我驚你呀，煮咪煮囉，阿珍食完之後佢就記得喇。30年後，拍咗個《男人食堂》，你知我把口唔曉停，同肥媽差唔多，佢哋話見我幾Talk得，阿珍就叫我不如煮嘢食啦，咁就整咗個《阿爺廚房》出嚟。」鼎爺說罷肥媽即笑言：「珍姐呀！阿珍，冇大冇細！」肥媽之後追問鼎爺爆紅後有甚麼感覺？鼎爺竟以8個字概括：「人情冷暖，世態炎涼。」究竟鼎爺為何這樣說？
鼎爺以蘿蔔炒魚鬆成功俘虜咗珍姐。
《香港＇82》片段
游游本色演出烏龍百出
至於，跟兩位廚神學藝的游游是節目中的「氣氛擔當」，鬧出連串笑料。身為廚房新手的游游化身問題少女，一方面向鼎爺、肥媽出其不意提問「刁鑽」問題，他們都口啞啞，另一方面又糖鹽傻傻分不清，幫手切材料時又被嫌手腳慢，撻蝦膠時又被嫌唔夠力，搞到鼎爺投晒降說：「真係怕咗你！」肥媽再打蛇隨棍上說：「阿爺咩都未驚過，連珍姐都夠膽叫阿珍，佢淨係驚你！」場面搞笑。問到游游在節目中烏龍百出是節目效果還是本色演出？游游笑言：「呢個真係我真實演出，全部烏龍嘢係好突然發生嘅，煮嘢食嘅過程基本上唔會Cut，都係做番平時嘅自己，可能我都係比較多問題嘅一個人，所以好多時都會好好奇咁問問題，有時又會口快快講錯嘢！」
見到游游姐手姐腳，鼎爺都話驚咗佢。
鼎爺晒拋鑊技，勁呀。
阿爺展刀工。
游游刀工又點呢？
肥媽最叻用電飯煲煮餸。
肥媽同鼎爺合力炮製4道菜。
肥媽同鼎爺合力炮製4道菜。
肥媽同鼎爺合力炮製4道菜。
肥媽同鼎爺合力炮製4道菜。
