ViuTV全新旅遊節目《再出發吧！山手線》將於本周日（4月30日）晚上8時正首播，由鄭伊琪（浩南）擔任主持，帶觀眾沿著香港人耳熟能詳的東京山手線，發掘附近的新景點、新食肆，感受東京疫情前後的變化！
浩南到訪澀谷新地標MIYASHITA PAR。
到處打卡！
節目首集浩南將由山手線其中一個主要車站 — 澀谷站出發，到訪區內集商場、酒店及遊憩空間於一身的新地標MIYASHITA PARK。浩南先到位於4樓的空中花園到處打卡，又躺在草地上休息，感受鬧市中的寧靜。叉足電後，浩南即到樓下商場shopping，走進一間香水店試玩專為有選擇困難症的人而設的香水扭蛋機，更幸運地抽中自己喜歡的香水味道。
浩南試玩香水扭蛋機。
成功抽中自己喜歡的香水味道！
逛過商場後，浩南當晚入住園內超人氣酒店，房間景觀開揚，可270度俯瞰澀谷街頭景色，浩南坐在窗台上往外看也直呼「好靚、好震撼」，又笑言房間絕對滿足到現今一眾喜歡打卡的年輕人。
浩南入住園內超人氣酒店。
坐在房間窗台上欣賞澀谷街頭景色。
ViuTV節目《晚吹 – GG家長指引》逢星期二晚上11時30分播放。現今時下的父母個個十項全能，究竟怎樣才可以成為一般人眼中的模範父母？由新手媽媽鄭伊琪(浩南)及伍家謙擔任主持，每集邀請3至4位素人父母，一齊圍爐取暖傾訴。每集設有不同主題，同觀眾揭秘今日做家長如何辛苦過打工，有何秘技或解決方法，還會大爆家長圈流行的潛規則！
ViuTV節目《晚吹 – GG家長指引》請來特別嘉賓李漫芬(Fanny)以及素人媽咪以嘉和素人爸爸Jerry，以男女角度暢談「師奶經」。
嘉賓李漫芬(Fanny)。
素人媽咪以嘉。
素人爸爸Jerry。
今晚(9月23日) 播出一集，請來特別嘉賓李漫芬(Fanny)以及素人媽咪以嘉和素人爸爸Jerry，以男女角度暢談「師奶經」。說到黃臉婆和肥師奶之爭，Fanny表示2選1的話會選擇做黃臉婆：「因為美白係易過減肥㗎，真係㗎！你勤力啲做facial就得㗎喇！但係減肥好辛苦㗎！我會咁樣計囉！」而浩南卻寧願選做肥師奶：「因為我覺得黃臉婆係冇愛情嘅滋潤呀，好多怨恨呀，即係好多好不滿呀，好多嘢都好唔如意呀。」不過浩南卻指自己雖然選擇如此，但實際上其實無論身形和外表也沒有理會過。
李漫芬自言寧願做黃臉婆也不想成為肥師奶。
李漫芬自覺平時工作已很多機會裝扮，所以如要出席家長會， 會想做回自己，以casual裝束現身。
她表示心底裡好重視外表，但時間上卻不許可。
做媽媽之後對外表的重視度，Fanny坦言：「心底裡好重視，但係時間上唔許可。其實每日有6個鐘頭瞓已經好開心㗎喇！我又冇(工人)姐姐，係自己凑。」至於被問到家長會衣著會以盛裝抑或Casual打扮出席時，Fanny自覺平時工作已很多機會裝扮，所以想做回自己：「可能簡單一條馬尾，跟住T恤加件外套，牛仔褲波鞋就去。」不過浩南卻有不同想法：「因為我要見佢嗰啲同學，我要見老師，我覺得成日啲人話老公點樣去滋潤太太，我係覺得我個形象出去係代表我老公係點樣。我覺得佢咁努力賺錢，咁你做咩要畀人睇到你咁hea。」浩南的一番見解，連伍家謙也表示「駁你唔到」。
浩南覺得盛裝出席家長會是代表老公的體面。
她覺得黃臉婆是沒有愛情滋潤，所以寧願選做肥師奶。
浩南認為最具代表師奶裝束的是手上拿著一個購物袋。
伍家謙認為魚裝拖鞋是師奶裝束的極致。
而對於師奶衣著的定義，浩南認為：「你上面件衫又係闊，下面條褲又係闊，然後一係著對拖鞋，一係就著對唔乾淨嘅波鞋，個袋，重點係一個購物袋。」而男方代表伍家謙則覺得師奶裝束在於拖鞋：「嗰對拖鞋呢，係嗰啲露指，有魚網窿窿嗰啲，我覺得嗰對鞋就係師奶嘅極致喇。」
