想睇經典手袋包包，去上海睇K11年度大展「BAGISM 包 · 當代 」

Sebastian雖然並非潮流教主，但對潮嘢好有興趣，聽聞新世界執行副主席鄭志剛在上海K11搞咗個「BAGISM 包 · 當代 」 藝術展，就覺得一定要去吓，只是睇完介紹，我已自覺比女友Ariel識多好多手袋和包包的歷史。

鄭志剛

女士愛買靚袋，幾萬元一個面不改容， 但問問佢地「BAGISM」點解，就無人答到我。 原來這個詞在上世紀60年代由披頭四樂隊歌手約翰連儂( John Lennon) 和日裔太太小野洋子所創，約翰連儂和小野洋子在 1969 年 3 月 31 日維也納的一場記者招待會上，創出這個新詞， 當時兩人躲在一層手袋布料後，以包包為主題， 讓大家更關注他們創出的語言，而不是名人的身份。

 

20160723_CR_K11上海 (1)_meitu_5

K11 創辦人鄭志剛靈機一動，借用「BAGISM」的概念， 搞一個結合經典手袋與當代藝術跨界展覧，在上海K11展出超過 300 件跨越 400 年歷史的手袋，以及 15 位當代藝術家的作品。此次藝展取名「BAGISM」， 既有向約翰連儂和小野洋子這一詞語致敬之意， 也彰顯包袋與當代藝術作品背後凝聚的藝術「 主義 」。

 

20160723_CR_K11上海 (2)_meitu_6

Adrian 鄭志剛作為這次展覽的總策劃人，本著其策動的品牌個性「The Artisanal Movement」精神，特別邀請法國策展人Elisabeth Azoulay 、青年策展人劉品毓小姐聯合策展。她們將共同策劃並從歷史、婦解、名人、藝術這四個核心議題，將手袋與藝術品重新展現歷史的過去，以及我們生活的當下。可說是中西古今的時尚對話。

Dior bag designed by Wen Fang

Olympia Le-Tan

這次展品中不少是經典和名流珍藏，包括我們較熟悉的著名女星劉嘉玲的私人收藏、Louis Vuitton為她特製行李箱， 上面印上她演過的角色和英文名字「Carina Lau」。另外有時尚設計大師聖羅蘭1970年的作品、 英女皇伊利沙伯二世用過的Launer皮包等。

劉嘉玲

這個在上海K11搞的展覽由 7 月 15 日開始，至 10 月 9 日對公眾開放，在週末會舉行藝術講座及工作坊等活動。Sebas tian打算下個月上去睇睇，睇完就可以成為時尚包包的專家啦。

Sebastian

** 博客文章文責自負,不代表本公司立場 **

旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。

Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。

「旅遊義工」Agnes退休前任職跨國公司管理層。

退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。

收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。

因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。

Agnes話，每當想起這段回憶，自己能夠幫老人家完成心願，好有滿足感。

退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。

由新加坡回流香港發展的Marco，透過參與「旅遊義工」計劃重新認識香港。

Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。

由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。

做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。

最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。

各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。