靠《中年好聲音》重建信心 羅啟豪：以前嘅我係活死人

TVB綜藝歌唱真人騷《中年好聲音》，自去年11月播出以來掀起不少話題，被稱「英國豪」的羅啟豪愈戰愈勇，獲封「最強黑馬」，最後更勇奪季軍。

羅啟豪在《中年好聲音》奪得季軍，他透露已簽約無綫做藝人。（本網記者攝）

決賽當晚，羅啟豪於快歌環節表演陳百強的《疾風》，破天荒跳舞，備受好評！

羅啟豪日前接受本網專訪，直言今次能夠得到季軍絕對是意料之外：「成績真係超乎我嘅想像，始終一山還有一山高，喺呢個比賽入面嘅參賽者大部分都好有經驗，亦參加過唔少比賽，同埋個個都唱得好好，各有所長。（視邊位係你最大對手？）我會話係佳佳老師（李佳），因為我一直都好睇好佢，同埋覺得佢唱歌好一流！」

對於今次奪得季軍，「英國豪」表示是自己意料之外，但已經圓夢。

羅啟豪現時有一堆粉絲，專門叫「豪殼」。

已簽約無綫成為旗下藝人的羅啟豪，有意繼續發展幕前：「比賽完咗之後，我最大嘅夢想係推出我原創嘅歌曲、唱片，我自己一直都好欣賞倫永亮、趙增熹、李宗盛同巫啟賢，佢哋嘅歌曲啟發咗我好多嘢，好希望未來有機會同呢幾位殿堂級音樂人合作。（放棄本身嘅平面設計師工作？）我主要接freelance，所以比較自由啲！（驚唔驚收入大減？）唯有努力啲喇，既然踏出呢一步去追夢，係要有啲犧牲。」

羅啟豪直言參加節目已是克服社交恐懼的一大步。（本網記者攝）

羅啟豪早年已於YouTube開設頻道分享Cover Song。

羅啟豪又指家人十分支持他追夢：「屋企人係好支持嘅，因為佢哋見到我透過呢個比賽有好大嘅轉變，難聽啲講句，我以前好似活死人咁，無靈魂！本身我係一個好怕羞、內向嘅人，充滿各種恐懼症，好似社交恐懼症同舞台恐懼症，如果大家睇番我海選條片，口又震手又震，估唔到可以透過呢個比賽，快速咁改善我呢三十幾年嚟想改變嘅。」

羅啟豪視媽咪為目標，希望當一個唱歌家，在觀眾面前放膽唱歌，完成媽咪未圓心願及自己的夢想。

羅啟豪母親劉英（Anne Lew）曾是一名歌手，又與無綫前領導人「六嬸」方逸華相識，曾獲邀於節目上表演唱歌。

羅啟豪（Ramon）近日忙於籌備六月偕譚輝智合作的紅館《雙聲演唱會》，仍不忘在社交平台分享新搞作「羅啟豪音樂小劇場之《歌單中的密碼》」，Ramon說：「最近有音樂串流平台邀請我主持一個鐘頭嘅音樂節目，可以揀自己鍾意嘅歌、同聽眾傾吓偈，一收到呢個邀請就好開心，我真係有好多sidetrack或者滄海遺珠想同大家分享。」

羅啟豪忙於籌備六月紅館演唱會仍不忘創作小搞作。

Ramon靈機一觸，想到將所選的14首歌串連成一個故事，並以劇場版呈現網上最熱門劇情「撞跌對方耳機」去開展的愛情故事 ，可惜基於技術問題，直播時聽眾聽不清楚部分獨白，Ramon決定動手將整個小劇場重新錄製一次，並放在社交平台分享。

啟豪完成音樂小劇場好有滿足感。

Ramon表示，完成後好有滿足感，首先今次與團隊一起創作獨白，亦有運用AI幫助，啟豪坦言：「自己中文真係唔叻，而家入咗行真係要進步得快啲，AI幫自己創作之餘，亦有幫自己改善中文。」小劇場當中有好多精警或者感動嘅句子，問到是否自身經歷，Ramon說：「都有啲㗎，亦有啲係觀察身邊人嘅故事。」獨白包含迷惘、深情、激動、失而復得等各種情緒演繹，啟豪解釋：「其實自己都好有興趣演戲，但暫時未有機會，正好借住呢個音樂小劇場過吓戲癮，希望可以不定時咁做落去，當成係試鏡等導演監製睇吓我有冇演戲潛質！」Ramon外表斯文，心底裏卻渴望嘗試不同片種，甚至殺手、奸角等等反差極大的角色，他笑言：「總之我想演啲同自己完全唔同嘅角色，俾人知道其實我仲有其他面貌！」

羅啟豪以關淑怡舊作《告別戀曲》作爲音樂小劇場《歌單中的密碼》之開場歌曲並配以療癒系動畫。

今次選曲類型非常廣泛，由關淑怡、鄭秀文、許茹芸，到英文歌甚至衛蘭今年新歌《因爲你世界又多一份光亮》，以及許志安剛剛推出的《信天翁》，Ramon忙於預備演唱會都有時間聽新歌？他說：「入行前已習慣每一日都會上網，睇吓當日出咗乜嘢新歌或者新碟，而家確實係忙咗，但係都擺低唔到呢個熱愛，當日一聽到《信天翁》就好鍾意，諗過喺網上面翻唱，點知遇到呢個機緣，就一定要揀呢首歌，感覺仲特別！」

啟豪為新歌及演唱會宣傳，接受譚玉瑛及何基佑電台訪問。

在《雙聲演唱會》又會不會演繹《信天翁》及小劇場的歌單？Ramon說：「我同製作團隊開咗好多次會，希望帶嚟最精彩嘅成果畀每一位入場嘅觀眾，rundown 暫時要保持神秘感，可以講除咗會唱自己歌之外，順應近期八、九十年代經典廣東歌嘅熱潮，我同輝智會唱好多大家一定好鍾意嘅金曲，亦有一啲大家可能少啲聽，但係一聽就心諗：『係喎，唔記得咗呢首咁正嘅歌添！』我哋會用各自唔同得嚟又好夾嘅方法去演繹呢啲歌，有信心觀眾一定會好鐘意！」

「豪吧」在畫展場內所設餐廳特設演唱會主題餐飲。

有啟豪所喜愛之小鴨及水豚甜品布甸。

羅啟豪音樂小劇場之《歌單中的密碼》 介紹：

羅啟豪：「我鍾意聽歌尤其是sidetrack，鍾意到一個病態嘅地步，決定會不定期將我喜愛嘅歌曲製作成一個小劇場去分享俾大家，希望更多滄海遺珠被聽見、被欣賞，希望你會喺我分享嘅歌單裏面，搵到你都想循環播放嘅旋律 。」

啟豪形容自己喜愛sidetracks至病態地步。

歌迷會「豪吧」於進行中之畫展向歌迷送上劇場版獨白收藏卡坐紀念品。