曾國衞麥美娟孖咇落區 有街坊投訴有區議員「幫唔到手」4年見3次

政制及內地事務局局長曾國衞、民政及青年事務局局長麥美娟，近期經常拍住上，除了到上傳媒、同地區人士見面解釋區議會改革方案外，日前，還一起到筲箕灣探訪兩戶居民，聆聽市民對完善地區治理建議方案的意見，了解佢哋嘅需要，以及向市民解釋方案點樣「幫到你」。

政制及內地事務局在社交專頁上載探訪片段，Erick局長同Alice局長再次拍住上，來到筲箕灣耀東邨探訪街坊，探討新的區議會如何幫到佢地更多。

Erick局長同Alice局長再次拍住上，聆聽市民對完善地區治理建議方案的意見。視頻截圖

街坊林女士就趁機反映，現時區議員「幫唔到手」，4年間只見過區議員3次，直斥「不見人影，怎麼當區議員」？吳太有兩個小朋友都在唸書，她亦期望經過今次完善方案，將來的區議員能真正幫助市民，「不要再那麼亂」，希望小朋友「可以安安穩穩在社區長大」。

街坊直斥現時區議員「不見人影，怎麼當區議員」？視頻截圖

Erick局長回應話，現時部分區議員並非真正為市民做事，只會搗亂，所以政府千方百計想搵一班更好的區議員，一齊做好地區工作，服務市民及街坊。Alice局長表示，將來設有機制，若區議員選出來又唔開會又唔見人，辦事處不營運，會作出警告或懲處，甚至停職停薪。

吳太希望希望兩個小朋友「可以安安穩穩在社區長大」。視頻截圖

民青局在貼文中進一步表示，改良後嘅區議會，會有更多有心人為市民服務，加上區議員來自多元化渠道，可以收集多方面更完整嘅意見，令政府喺把握民情民意時更加準確。政府亦會強化高層領導及工作架構，包括設立由政務司司長領導嘅地區治理委員會，以及由政務司副司長主持嘅地區治理專組，促進地區工作嘅協調同合作，盡快解決地區問題，令大家可以喺更美好嘅社區安居樂業。

Sebastian

** 博客文章文責自負,不代表本公司立場 **

民青局局長麥美娟Alice今日趁工作空檔，返去以前服務的社區，街坊見到佢一時改唔到口，仍然係叫佢「麥議員」，麥美娟有感而發話，「無論街坊稱呼我麥議員、麥小姐、麥美娟、麥局長，其實都係一句啫，我仍是我，最緊要『幫到你』！」

Alice局長今日趁工作空檔，返去以前服務的社區。

Alice局長在社交媒體發文，話自己返去熟悉的社區，仲去到區內老字號茶餐廳買至愛的椰絲奶油包做午餐。路過巴士站，候車的乘客同佢打招呼：「麥議員，你買嘢呀？」再行前又有個街坊：「麥小姐，記唔記得我住安蔭邨呀？」

買麵包時，茶餐廳老闆又問：「你今日放假呀？」買完麵包轉身離去，一個婆婆路過說：「喂麥美娟喎，你做咩食麵包唔食飯呀，幾忙都正經食餐飯啦！」

之後當Alice局長上車時，已經帶著一大袋麵包、糯米糍！佢話，帶著的還有滿滿的街坊情，社區情，「這是每個做地區工作的人最大的收穫。」

做過葵青委任區議員、直選區議員同立法會新界西直選議員的Alice局長感慨，要完善地區治理，就是要找到合適的區議員做好地區工作，就是要從制度上提升地區治理效能，讓每個街坊都感受到幸福感和獲得感，讓我們的社區繼續充滿愛和溫馨。

她表示，無論街坊稱呼麥議員、麥小姐、麥美娟、麥局長，其實都係一句啫，「我仍是我，最緊要『幫到你』！」