捲「掘金風波」後息影兼轉行 48歲譚筠怡激罕現身依然風韻猶存

仲比當年更有星味！

北上搵食多年的麥家琪最近與舊朋友搞聚會，6月21日她在社交平台貼上全女班的合照，相中見到不少熟悉的面孔，包括吳家麗以及淡出娛樂圈超過20年的性感混血女星譚筠怡！久違了譚筠怡，今次與一班好友相約在澳門見面，片中到她以吊帶低胸碎花上衣，再加上一頭招牌長捲髮，雖然明年已經接近50歲，但外貌保養得好好，皮膚白滑零瑕疵，不見有歲月痕跡，星味比當年更加濃烈！

麥家琪最近與舊朋友搞聚會。

譚筠怡罕有現身。

雖然明年已經接近50歲，但外貌保養得好好。

依然風韻猶存！

麥家琪、吳家麗

麥家琪、吳家麗

當年只有16歲的譚筠怡因參選「劉德華夢中情人選拔」奪冠入行，但入行多年星路麻麻，曾入亞洲電視拍過《李小龍傳》，其後轉戰電影，拍完《記得...香蕉成熟時》後，一度被視為女神，可惜後勁不繼，到了2000年與「肥屍」梁焯滿拍三級片《獸性新人類》，即使有大膽演出，但事業未有起色，其後有傳她去完汶萊回港即用3,000萬購入豪宅而捲入「掘金風波」，她堅稱自己沒有去過汶萊，只是去加拿大賣胸圍底褲賺錢。

當年只有16歲的譚筠怡因參選「劉德華夢中情人選拔」奪冠入行。

一度活躍娛樂圈！

參與過不少節目之演出。

身形FIT爆！

為不少MV擔任女主角。

為不少MV擔任女主角。

後來譚筠怡淡出幕前轉行從商，定居美國的她成為珠寶設計師，不過其社交網帳戶仍以「演員／模特兒」介紹自己，似乎演員夢一直沒有消失。早前上載了了康城影展的照片，並以英文留言：「遲到好過冇到， 第一次走上康城紅地氈很棒!! 明年見。」相中可見一頭長捲髮的她穿上超低胸黑色長裙，中門大開直接到肚臍，大晒豐滿身材，保養得相當不錯！

2000年與「肥屍」梁焯滿拍三級片《獸性新人類》。

有不少大膽演出，但事業未有起色。

93年17歲參選港姐入行，曾是一代性感女神的麥家琪，於06年下嫁大律師王國豪後淡出娛圈。育有兩子一女的麥家琪，為事隔17年復出客串的港劇《我愛九龍城》接受雷霆881商業一台《星光背後》專訪。節目中，率直的麥家琪無所不談，談半百保養得宜，她直認靠醫美，「好似修一修咁，箍牙都係一樣！」談及多年沒拍劇，她坦言：「只係無人搵，啲人以為我嫁咗唔憂。」以為她會避談當年選美決賽被爆裸照大熱倒灶，她說，「啲相我仲keep喺度，全部都俾晒仔女睇！」原來，她希望以過來人身份，教育三子女別行錯自己的舊路，學懂如何保護自己。

麥家琪上《星光背後》接受主持人梁泰來訪問

麥家琪當年是新法書院校花，她坦承年輕任性，談及她中學未畢業便選港姐，她說：「真係focus唔到讀書，唔想考試，無諗名利，只想快啲離開呢個學校束縛。」93年參選期間，麥家琪一直是熱門之一，最終決賽五強不入，翌日就有周刊爆她15歲時被前男友誘騙拍下的裸照。對於當年事件轟動全城，她認同落選與事件有關，並說：「呢個經歷到而家都影響我，所以我好保護我啲小朋友，我同佢哋講晒成件事，啲相我仲keep喺度，全部都畀晒仔女睇！等佢哋知有可能發生呢啲事，就係因為我曾經任性。所以你哋點玩都得，但有啲嘢我試過，會對日後有影響，你哋要學識保護自己。」

當時還未到18歲，麥家琪稱不懂如何面對，幸得父母體諒保護，亦獲TVB給予機會簽約安排演出處境劇洗底捱過低谷。憶及當時背負新聞入行，她指沒想過逃避：「我必需面對，因為係自己犯嘅錯！其實我都係畀人搵笨，但無影響其他人，只係我年幼無知畀人呃。點解繼續留低？我咁想離開讀書呢個束縛，我可以去邊？係我自己放棄學業，唔通我要求出國讀書？屋企唔富裕，有三兄弟姊妹，哥哥啱啱去咗加拿大讀書，如果我再要求，爸爸媽媽會好辛苦。」

麥家琪一入行便影視兩忙，原來她至參選翌年才獲TVB簽下為期兩年的包薪經理人約，至於為何96年便決心離巢，她說：「96年後要我簽返普通藝員約，人工少咗三分之二，我就話唔簽。我就係唔忍得，如果我忍到六、七千蚊一個月，我可能忍到而家都留喺TVB，做埋甘草演員。」之後隻身勇闖影圈，麥家琪指已故的李兆基是其恩人，給與她不少電影機會，當中包括話題作，麥家琪剃光頭主演的《龍虎砵蘭街》。問為何多年來不找經理人合作，麥家琪大爆鮮為人知的際遇，「有offer，但全部都要我脫，譬如要我拍三部脫戲就簽你，話會打成你好似邊個邊個咁，但我唔係想要呢啲，我唔想麥家琪打敗麥家琪！我咁辛苦入電視台幾年，就係想大家知，當時嘅新聞唔係我策劃，我真係畀人陷害，事隔三年仲要我食住條水去拍嗰啲戲，我咪變咗大家諗嗰啲人？做人要有價值，剃光頭有發揮就有價值。96年我仲算新人，嚿錢有幾多？壓得就壓啦！仲畀我93年出嚟撩我拍三級片仲少一半。」原來早於93年選完港姐後，已有片商高價利誘麥家琪拍三級片，但她不為所動，「當年已經有人叫我唔好簽TVB出嚟拍戲，嗰時風月片咁hit，係畀成過百萬，我係不為所動，因為件事唔係我想咁發生！」至於從未全裸或 露點拍戲就被外間標籤成三級片女星，她淡淡的說：「唔無奈！邊個叫我細個任性呢？」