激讚謝嘉怡有「純真嘅幽默感」 C君：我成個節目都係睇佢

由鄭詩君（C君）、「自稱J2一姐」的黃紫恩（Jojo）、「女版金剛」謝嘉怡（Lisa）擔任主持的全新遊戲問答資訊節目《咁你都唔識》，由7月27日起，逢周四、五晚上10點半翡翠台播映；是次除了是C君相隔兩年再為無綫擔任主持外，更是首度撇甩陸永、以個人姿態為翡翠台綜藝節目擔任主持。「Common sense（CS）一啲都唔common」，到底有幾唔Common？聽落「淺到喊」的「常識題」，原來可以十個人有九個答錯。《咁你都唔識》正正雲集一堆抵死又貼地的刁鑽問題，內容涉及常識、飲食、文化、生活、交通及職業等多個範疇，透過有趣的答問環節，測試參與遊戲嘉賓「CS指數」，每集均會邀請三組由藝人配搭好友組成的組合，鬥智鬥力鬥吹水鬥演技。

首度撇甩拍檔陸永單拖為翡翠台擔任綜藝節目主持嘅C君。

「自稱J2一姐」嘅Jojo。

連自己好有幽默感都唔知嘅「女版金剛」謝嘉怡

Bob玩「大包圍」博大霧 遭助理Queenie爆料

27日打頭陣登場的嘉賓有林盛斌（Bob）及林家「大內總管」Queenie、 麥玲玲與好友Alfred、麥美恩與雷Sir。首集亮點絕對落在綜藝王阿Bob身上，繼之前於《獎門人》騎膊馬帶隊員出場，今集調番轉頭一出場就要林家「大內總管」Queenie揹佢上身，搶盡風頭！Bob玩遊戲時更抵死，竟「大包圍」博大霧，並豪言：「如果咁樣都中唔到兩、三個字嘅，我食咗你呢部嘢（電腦）！」說畢C君即「應機」與Bob大玩side bet，場面精彩。首集問題出人意表度相當高，當中跌眼鏡指數最高問題為：「根據家計會資料，邊個係影響夫妻性生活嘅首要原因」，其間因為Queenie一句「爆料」，令Bob與太太的性生活成為被「攻擊」焦點，阿Bob更揚言要直播「閨房事」反擊，到底搞邊科？

阿Bob同佢嘅「大內總管」Queenie玩得好癲。

麥玲玲And好友Alfred。

咩事阿Bob同 Alfred握晒手。

麥美恩And雷Sir。

雷Sir同C君原來有啲淵緣。

啲問題度得好認真架，除咗有「命運之輪」，仲有片睇，唔係齋噏架！

阿Bob成日一副食花生樣。

謝嘉怡就成日天然呆。

阿Bob同C君玩Side Bet，到底佢哋邊個會贏？

C君玩遊戲嗰陣，竟然反贈咗玲玲姐一句。

呢條問題嘅答案相當經典，仲搞到阿Bob話要直播「閨房事」添！到底搞邊科？

謝嘉怡代表主持出戰「真定假？咁你都唔識」，結果因為講嘢太特別，連環引爆笑彈。

麥美恩聽到黑人問號。

呢條問題嘅答案都係好經典。

阿Bob咩事發晒火？

Jojo主力刁難C君 謝嘉怡「女版金剛」上身

除了嘉賓搶鏡，三位主持亦各有各吸睛，更有份玩埋一份。「自稱J2一姐」的Jojo主力負責刁難C君，首集即以「冇仔女嘅兩公婆，佢哋嘅婚姻平均維持到幾多年呢？」拋窒C君；C君則貫徹「無聊爆肚金句王」本色，失驚無神就窒你一句，首集由於玲玲姐答案太「跳框」，C君即成功攝位發功：「你有玄學知識，其他就冇乜知識。」而三位主持中，以Lisa最出位，在「真定假？咁你都唔識」環節，每組均會派出一位組員再加一位主持，分別扮演吹水王及「真答案發言人」，首集代表主持出戰的Lisa「女版金剛」上身，全程好認真地講到好似好唔認真，不但「話梅」、「藍莓」傻傻分不清，更爆出一句：「因為個男人放咗個BB入去，令到佢咸濕」，聽到大家一頭霧水兼笑爆全場。

謝嘉怡第一集即發功放笑彈，除咗聽到大家一頭霧水嘅說話，仲有呆萌樣，唔好話「女版金剛」，「女版馬明」都好適合形容佢。

談到Lisa，C君亦讚不絕口：「佢參選（港姐）時我已經覺得佢相當有幽默感，當然可能佢自己唔知，佢間唔時會爆一、兩句爆笑嘅；同埋佢有一種純真，嗰種純真嘅幽默對個節目非常有幫助，甚至乎我自己成個節目都係睇佢，成日好期待『你有咩講呢今次？』，可能會突然有一句未必啱文法同表達意思，但又有喜劇效果喺度，我覺得Lisa先至係呢個節目不可或缺元素。」並直指《咁你都唔識》有助茶餘飯後吹水：「呢個遊戲節目係我自己最喜歡類型，除咗睇完獲得快樂，仲可以獲得日後同朋友吹水嘅元素，可以拎出街彈吓人、拋吓書包，非常有益身心。」

Jojo主力刁難C君。

兩位女主持其實都有份答吓問題玩埋一份。

由Great China Entertainment Group（GCEG）主辦、友邦香港冠名贊助的年度盛事「友邦嘉年華」，已於12月22日中環海濱活動空間揭幕，並以「香港經典」為主題，慶祝活動邁入第11年的重要里程碑。今年適逢出道25週年的本地人氣組合農夫驚喜現身擔任開幕嘉賓，不僅與現場觀眾分享多年來在嘉年華的珍貴回憶和趣事，更現場傳授遊戲秘技，為這場冬日盛會更添趣味。

農夫驚喜亮相「友邦嘉年華」開幕禮。

從浪漫約到親子同樂　「友邦嘉年華」陪伴人生每一篇章
最近自立門戶的農夫今天特別亮相「友邦嘉年華」開幕典禮，分享這個冬日盛事如何陪伴他們走過不同人生階段。C君講到以往與伴侶到嘉年華的約會點滴，表示：「無論是拍拖還是結婚後，『友邦嘉年華』一直都是我們的約會首選！每年嘉年華都會有全新表演節目，入場後既能體驗刺激的機動遊戲，在遊戲攤位挑戰中贏取可愛玩偶，又能品嘗不同種類的街頭美食，一次過滿足所有願望！」如今育有兩個女兒的陸永，更將嘉年華定為每年不可或缺的親子活動 ：「『友邦嘉年華』見證了我兩個女兒的成長，成為她們一年中最期待的節目，也盛載着我們一家人的珍貴回憶。還記得她們好幾年前玩攤位遊戲要抱才夠高，現在比我玩得更好，更揚言要贏得大公仔送給媽媽！」

分享跨代回憶傳承香港經典情懷。

跨越世代的集體印記　傳承獨特的香港情懷
對農夫而言，「友邦嘉年華」不僅是歡度佳節的好去處，更是一個承載着屬於香港人集體回憶重要文化地標。嘉年華廣受各年齡層喜愛，他們強調：「正如農夫一直以來致力以音樂講述香港故事，『友邦嘉年華』同為標誌性的香港冬日盛事，融合傳統與創新。我們期待能藉此契機，將這份獨特的香港情懷與文化魅力持續傳承給下一代。」

適逢出道25週年親授「遊戲秘技」。

遊戲中大展身手　三招輕鬆取勝
開幕典禮上，兩位遊戲高手親身示範遊戲攤位的「獨門秘技」，更與現場小朋友互動，玩得相當投入。C君分享心得：「其實很多遊戲都是考驗準確度，只要下盤夠穩，不緊張手震，要橫掃獎品絕非難事！過去多年嘉年華不斷苦練，就是為了今日這個機會！」擅長擾敵的陸永則幽默補充：「玩遊戲也是一種心理戰，在對手玩時讓他們分心是取勝關鍵。另外終極秘訣就是找到好隊友，保證你能滿載而歸！」他亦笑言道：「其實真正的致勝關鍵就是放鬆心情、享受過程，與身邊重要的人一起沉浸於嘉年華的歡樂氛圍，共同創造難忘美好的回憶，這才是最珍貴的收穫。」

強調與摯親共創難忘時光最珍貴。