陳慧琳（Kelly）與張智霖出席代言的月餅宣傳活動時，Kelly透露中秋節會跟小朋友玩燈籠、影相和食月餅度過。提到有估計今年捉精靈比賞月的人多，Kelly認同說：「肯定喇！最好出多些月餅精靈。」笑指她也被粉絲當精靈捉，把她的不同造型幻化成不同精靈，她笑謂：「係喎，蠢咗添！原本我唔畀兩個囝囝玩捉精靈，不過呢個可以畀佢哋睇，事關我睇完都忍唔住笑。」
蝦餃仔以阿媽為榮，Kelly好難唔甜爆。
談到其演唱會DVD，Kelly很高興反應很好，也會給老公和囝囝看，因難得一家四口也攝入鏡頭，兩個囝囝在台上更足本呈現，肯定會笑死，是一個很好的記念，因為只此一次。她續稱會收藏幾隻，單是making of已長達40分鐘，可當劇煲。Kelly還爆料說大仔劉昇（蝦餃仔）自上完台後，每當她在街上被人捕獲集郵，蝦餃仔都會做攝石人一齊影。笑指囝囝比媽咪更搶鏡，Kelly再爆料道：「佢仲會周圍跟人講，『呢個係Kelly呀，知唔知呀？』佢係好proud of我，好搞笑但亦好尷尬，不過都好sweet。佢呢位宣傳人員都幾好，可以畀張DVD佢佗喺身，又或者印作Tee畀佢著，不過就驚佢下次要喺演唱會做一part，哈哈。」
Kelly與張智霖出席代言的月餅宣傳活動
4月28日的「THREE IN LOVE草蜢演唱會2026」第二場演出，全場爆滿。前輩胡楓、陳淑芬、好友張衞健、蘇永康、古巨基、關心妍、伍詠薇、余香凝、杜如風和樊亦敏等捧場，與觀眾一同玩人浪和跳舞，非常熱鬧。
「THREE IN LOVE草蜢演唱會2026」第二場演出
「THREE IN LOVE草蜢演唱會2026」第二場演出
「THREE IN LOVE草蜢演唱會2026」第二場演出
「THREE IN LOVE草蜢演唱會2026」第二場演出
「THREE IN LOVE草蜢演唱會2026」第二場演出
全場爆滿
全場爆滿
全場爆滿
表演嘉賓陳慧琳驚喜登場
表演嘉賓陳慧琳驚喜登場
蔡一傑台上獨唱《失樂園》後，表示感謝自己患病期間，得到一位前輩溫暖的關懷，他說：「有一位朋友喺我患病期間，隔四五天左右打電話嚟問我：『點樣呀？你情況如何？身體好嗎？有冇覺得咩唔舒服？』又隔四五日短訊我，天氣轉變又會話：『傑仔，呢個時節乍暖還寒，你要多加注意，着多件衫呀！』我感覺到好溫暖。呢位好朋友長輩、前輩就係胡楓先生，修哥。」
傑仔向觀眾席上的修哥說：「前年我爸爸走咗（去世），我好多謝你，你當我仔咁看待、錫我、關心我，成日問候我。我真係唔好意思，我應該要成日打電話俾你，問候你先至啱。我好開心，感受到好似多咗個爸爸。Thank you，多謝你，修哥，I love you！」全場掌聲。
而前晚Encore環節，草蜢獻唱《華麗舞台》後，表演嘉賓陳慧琳（Kelly)驚喜登場，與草蜢合唱《歲月燃燒》後，興奮表示有話要講：「『我細個就聽你哋啲歌』，我終於有份講呢句說話啦！（問觀眾）你哋係咪呀？你哋就明白我嘅感覺，每次見到草蜢，我啲青春就返晒嚟！」她坦言求學時期偷聽收音機，一聽草蜢的冧歌就「少女情懷總是詩」，Kelly七情上面，草蜢三子哈哈大笑。她問觀眾：「你哋明唔明我講乜？應該差唔多年紀。真係冧到依家！」更承認當年房間貼了草蜢海報，還扮他們海報裏的甫士。
傑仔表示初認識Kelly時好嬲，說：「我唔係嬲佢，我係嬲張學友，因為Kelly初出道幫學友拍咗個音樂特輯，我哋又冇特輯拍，第一樣嬲。第二就係睇到佢哋嘅特輯鬼死咁靚，去咗LA，仲要同個咁靚嘅靚女，總之就好鬼妒忌張學友！」Kelly揼地說：「點解嗰陣時我冇拍你哋MV嘅？」
接著蔡一智拿出禮物送給Kelly，首先是一個傑仔人形攬枕，然後蘇志威拿出兩個，分別是他與阿智的小咕𠱸，笑說：「因為我哋兩個結咗婚唔可以俾你攬，只可以俾你枕，或者坐上去。」Kelly愛不釋手，說：「俾我㗎 ？可唔可以簽埋名？」阿智說：「我都係睇你幫我哋錄演唱會宣傳片嘅時候，先至知道原來你聽咁多我哋嘅歌。」Kelly說：「全香港都聽你哋啲歌，電台不停播架！」合照留念後，草蜢與Kelly跳唱《花花宇宙》，觀眾勁High一齊跳，最後更擺有型甫士，傑仔從後擁抱Kelly，非常sweet。
