JACE紅館騷倒數一週最後衝刺 邀陳慧琳林家謙任嘉賓

陳凱詠JACE首個個人紅館演唱會《JACE WORLD》將於2月18及19日（大年初二、初三）假紅磡香港體育館隆重舉行。為兌現與歌迷的約定，JACE全程親力親為參與製作，更成功爭取紅館史上首次開放企位區域，打破傳統座位界限，務求與觀眾零距離互動，一同投入最熾熱的音樂派對。

陳凱詠JACE

陳凱詠JACE

距離演唱會倒數一週，JACE正進入最後綵排衝刺階段。團隊不惜工本租借場地進行差不多一比一排練，務求反覆打磨演出做到最好。JACE直言為演出調整狀態多月，說：「我用咗好長時間調自己嘅狀態，希望可以盡量平靜、專注。呢幾個月好努力，越近演出越緊張，但係越緊張就越想練多啲。我覺得只要準備充足，到時就可以俾大家睇到一個好好睇嘅表演。」

陳凱詠JACE

陳凱詠JACE

為克服記歌詞的挑戰，JACE更自創跑步背詞法，事關她之前一直擔心記歌詞，這幾個月跑步就一邊跑一邊背住歌詞唱歌，並有信心無提詞機都唱到，說：「雖然提詞機喺邊我都未知，但我有信心，就算有提詞機都係俾大家一齊跟住唱嘅方法，我好歡迎觀眾同我一齊大合唱！」

談及嘉賓人選，JACE難掩興奮：「第一晚請到嘅嘉賓，係我估唔到自己會請到嘅——陳慧琳！細個聽佢嘅歌大，佢嘅舞台魅力可以帶動全場開party，我好期待同佢一齊喺台上跳舞！」而第二晚嘉賓網傳是她曾合作的林家謙，JACE說：「雖然大家可能估到，但我夠膽講，一定有驚喜！佢嘅演出部分好有誠意，程度係我都覺得『使唔使咁勁』？」

陳凱詠JACE

陳凱詠JACE

JACE透露演唱會歌單橫跨不同時期，包括舊公司作品及近年親自創作，期望透過音樂訴說自己的故事，以打造一個有唱跳、有深情慢歌，風格同以往紅館演唱會不一樣的演唱會。而適逢農曆新年期間開騷，JACE預告將與全場觀眾拜年，說：「年初二、初三同大家一齊開工，利是當然準備好！多謝台前幕後所有單位，呢個演唱會係好多人心血結晶。」她亦呼籲樂迷提早練習合唱，亦知道fans已經準備好螢光棒同應援物，好感謝fans陪她瘋狂，承諾會用最穩陣、最完美的演出報答大家，JACE約家大家紅館見！

香港賽馬會年度重頭戲「馬年賽馬日」將於大年初三（2月19日）假沙田馬場隆重舉行。今年活動邀得「舞台王者」郭富城首度以香港賽馬會「馬年大使」身份壓陣，聯同「潮媽天后」陳慧琳（Kelly）、人氣組合農夫及玄學家麥玲玲師傅，與市民共迎新春，勢必掀起全城熱話。

大年初三沙田馬場「馬年賽馬日」隆重舉行。

郭富城首次擔任馬年大使，直言使命重大：「希望把最大的祝福送給廣大市民，一起分享過年的旺氣和喜悅。！」屆時馬場特設多個新春打卡位及開運景點，配以特色賀年美饌，讓入場人士沉浸在濃厚節慶氣氛中。

陳慧琳表演勁歌熱舞。

同場表演嘉賓陣容鼎盛，久未踏足馬場的陳慧琳將化身「財運吉星」，以連串勁歌熱舞送上新春祝福。Kelly難掩興奮：「3年前喺度表演嘅時候，現場氣氛非常熱烈，令我留下難忘回憶，今次我都準備幾首up beat嘅歌，要將滿滿正能量送畀入場觀眾！」她更呼籲市民攜同親友親臨馬場：「想喺馬年行好運、接財氣，最好就係親身嚟馬場，約埋家人朋友一齊睇表演、迎財神，令人氣同財氣都旺上加旺！」

農夫與麥玲玲師傅聯手賀新歲。

搞笑組合農夫則首度進駐沙田馬場舞台，更與麥玲玲師傅crossover演繹經典歌曲《風生水起》，寓意新一年運勢騰飛。農夫笑言：「第一次踏上馬場表演台，感覺特別新鮮，知道呢度嘅能量同觀眾嘅熱情都好澎湃！我哋好期待呢個舞台，希望用音樂同歡笑，陪大家過個開心馬年。祝每位觀眾新一年好似我哋同玲玲師傅合唱首歌咁，撈到風生水起、笑口常開！」麥玲玲亦大派開運貼士，祝願市民馬年事事順境、財源廣進。

郭富城首度以「馬年大使」身份現身馬場。