《日本限定Super遊》曾志偉領軍浸溫泉 余思霆鄺潔楹水着上陣勁吸睛

以泳裝上陣的余思霆和鄺潔楹身材同樣Fit到漏！

旅遊節目《中信銀行（國際）Motion信用卡呈獻：日本限定Super遊》，逢周六晚8點半翡翠台播映，節目由「獎門人」曾志偉、周奕瑋（Jarvis）、陳嘉慧（Erica）、余思霆和鄺潔楹（Judy）主持。

今集大家去到草津體驗溫泉之旅。

呢個洞穴溫泉夠晒特別。

好舒服咁！

今晚（8月5日）播出一集，獎門人曾志偉帶領Jarvis、Judy和霆霆去到被指能醫百病的草津體驗溫泉之旅。獎門人分享草津溫泉的神奇傳聞，他說：「話說廣島爆原子彈時，有個日本人路過中咗輻射，全身爛晒冇得醫，政府送咗佢去草津，日日浸溫泉，浸足三個月結果好番，聽講佢走時99歲。」相當驚人。

浸地藏之湯前有幾個步驟要做，首先要淋熱對腳先。

之後再淋後頸。

最後再拎住木板做「湯揉」降低泉水溫度。

睇Judy個樣就知個溫泉有幾咁正啦。

睇Judy個樣就知個溫泉有幾咁正啦。

去得連續15年獲封日本N0.1溫泉之稱的草津，當然要大浸特浸啦！霆霆和Judy率先體驗擁有300年歷史的岩戶之湯，該溫泉因從山體表面掘空而成，所以又名洞穴溫泉，這個溫泉有兩大功效，第一可調理內臟不適，第二則是可美肌，啱晒貪靚女士。之後獎門人帶領Jarvis、Judy和霆霆體驗當地著名的地藏之湯，因為地藏之湯的泉水約有38-48度高溫，所以浸之前有特定步驟，先用地藏之湯的泉水淋雙腳約三十次、再淋後頸，再拿着木板「湯揉」降低泉水溫度。以泳裝上陣的霆霆和Judy身材同樣Fit到漏，一高一矮更形成最萌身高差。

霆霆都好Enjoy。

霆霆都好Enjoy。

美食方面都好正，獎門人帶大家去咗呢間草津最出名嘅天婦羅店食好西。

帆立貝刺身天婦羅，係呢間店發明架。

嘩！係海膽呀！

一舊天婦羅落成半板海膽，會唔會太正呀？

美食方面當然不能少，獎門人、Jarvis和Judy是集品嚐了草津最出名的天婦羅店，該店以Omakase形式招待客人，廚師會選用當日最靚食材炮製天婦羅，獎門人等除了品嚐了該店發明的帆立貝刺身天婦羅外，還有用料十足的海膽天婦羅，每個均用成半板海膽，難怪獎門人大讚：「一個字甜，兩個字完美！」四人還會穿着和服體驗日式「掃街」，大歎燒豬脷、燒魚等美食。

獎門人好食到唔想講嘢。

Judy都話好甜。

着住和服掃街，感覺零舍不同。

年度盛事《澳娛綜合呈獻：萬千星輝頒獎典禮2025》圓滿結束，曾志偉獲特別頒發「萬千星輝榮譽傳奇」大獎，他在台上宣布將卸任總經理一職，結束5年任期，隨後TVB發聲，公布曾志偉將出任新成立的諮詢委員會召集人。 

TVB截圖

曾志偉接受訪問時，表示已一早向公司申請離任，但公司一直游說他留下，更自爆已經辭了五次職，而今次頒獎禮是最合適宣布的時機，「5年都唔長唔短，自己可以做嘅七七八八，我亦都培養咗一班我覺得係可以接到班嘅同事。」

本網記者攝

曾志偉透露他於5年前的1月21日正式成為總經理，所以今個月的21日將會是他卸任日子，雖然在個多月前已開始放假，但每個星期仍會回公司開會，之後亦答應公司以顧問的身份每月回來跟同事開會、見面，並表示仍有些新的東西想跟TVB做，「我想同TVB做啲未來嘅嘢，好似TVB依家做AI，都係我舊年叫啲同事做......我覺得TVB未來係可以雙線去行。」

本網記者攝

問到請辭的原因？曾志偉否認是因為健康問題，只是「不習慣」的問題，他自言拍慣電影，是一個自由人，因為拍電影可以自己選擇拍與不拍，或自己拍完之後選擇休息再做，但電視不能休息，例如做完香港小姐便要籌備台慶，台慶完後又要籌備頒獎禮、賀年節目及慈善節目等等。他又表示雖然節目是重覆，但內容需要有新意，還要比去年好，以及想傳達甚麼訊息予觀眾，非常勞心勞力。

另一樣「不習慣」的就是做總經理經常要開會，而且要在早上9點、10點開會，曾志偉笑言自己並不是一個習慣準時開會的人，通常都是下午2點才出現，但在TVB有很多會議需要他主持，行政工作、定時定候的會議並不是他喜歡的事，自己最愛是度橋。而卸任後，他亦相信會有更多時間跟觀眾見面、跟觀眾分享，更坦言過去愛口沫橫飛，但成為總經理後每一句說話都代表着TVB，所以不能亂說話、不能開玩笑，令他非常辛苦，「不如做返個自由人，對我嚟講冇咗束縛，反而可以帶到更多嘅歡樂比觀眾。」

本網記者攝

問到之後會否先休息一下？曾志偉表示自己有計劃重返電影界拍電影，有感過去五年沒有關注電影，感覺自己脫了節，而且現時電影市道低迷，希望可以為業界出一分力，「電影係我入演藝界學嘅嘢最多、自己最有興趣嘅嘢 ，所以我都想返出嚟拍下，亦都有好多新嘅導演我都冇合作過，我都想同大家了解下，希望拍返多啲香港電影同我哋香港嘅觀眾再接軌。」他又表示自己最享受拍戲，而做導演、監製甚至投資電影是需要使命感，自己亦愛栽培新導演，愛拍新題材。

本網記者攝

提到獎項由好友譚詠麟頒發，曾志偉覺得意義非常特別，而且有這麼同事支持，自己很感恩、感動，證明在過去5年的付出獲到大家認同，亦是他入TVB最想得到的東西，所以今次獲得獎項可以說是功成身退。他又指今次向公司呈辭時除了因為子女想他休息一下，亦向公司派定心丸，承諾不會跟TVB斷絕關係，希望想為TVB想多些新發展。問到接班人問題？他就表示不清楚，要交予主席許濤去決定，自己也沒有特別指明誰接任。

本網記者攝

問到過去5年有沒有做到他想做的東西，曾志偉表示「算OK」，自覺只有50多分，因為自己並不擅長做管理，而且仍有些東西很想做未能做到，例如全面電腦化，並形容TVB像郵輪，不能一下子電動化，只好像汽車半行電半行油。他坦言周遭製作劇集的市場都在委縮，但TVB仍有不同製作，有不少電影界人士來TVB拍劇，坦言TVB是一個很多的踏腳石，讓年青人去了解行業。

提到任內令TVB業績轉虧為營，曾志偉認為最大成功感是從觀眾口中聽到TVB的節目好看，並自言：「我係一個敗家仔，我唔係賺錢，我賺個節目俾佢賣廣告，但係廣告唔係落我袋，所以我係洗錢。我屋企係洗錢，但係我洗屋企錢，我係冇幫屋企賺到錢。最緊要係咩？最緊要大家覺得，而家TVB廣告返哂嚟。點解廣告返哂嚟，因為佢哋覺得喺TVB賣廣告真係生意好咗好多，咁呢個就係最緊要嘅。即係而家講，大家禮拜日都返屋企睇《中年好聲音》，呢個係一個成功嘅例子。好多綜藝節目大家都睇到我哋想講乜嘢，同埋好多藝人，大家都返嚟幫手拍嘢，都係對TVB嘅肯定。」

本網記者攝