年度盛事《澳娛綜合呈獻：萬千星輝頒獎典禮2025》於今晚（1月4日）假澳門上葡京綜合度假村—上葡京綜藝館隆重舉行，憑《新聞女王2》「劉艷」一角入圍最佳女配角的王敏奕以一身低胸吊帶Bling Bling長裙現身紅地氈，大晒凹凸有致的好身材，加上透視的設計，若隱若現好吸吸睛！
本網記者攝
本網記者攝
問到對得獎有無信心？王敏奕表示：「現在呢一刻係平常心嘅真係，因為個信心係隨住我身邊嘅人幫我拉票，然之後每一個見到我都恭喜我好似我攞咗獎咁，跟住令到我好似好有信心，但其實自己知道能夠提名已經係一個好大嘅嘉許，所以今日係平常心嚟參與呢一個嘉許嘅典禮囉。」對於好姊妹糖妹與陳瀅落力為自己拉票，王敏奕大呼好sweet，「其實喺個拉票嘅過程我嘅得著係好多，唔只係佢哋啦，甚至乎我屋企人、我平時未必經常聯絡嘅屋企人，或者我細佬幫我發散曬連佢啲中學同學都問埋，真係令到我好感動，咁所以係個拉票嘅過程令我覺得我已經好似贏咗咁囉！」
本網記者攝
提到有傳老爺曾志偉將於今晚卸任TVB總經理，王敏奕表示自己亦有聽聞，她和大家一樣都在等消息，老爺事前並沒有預先告訴她，笑言：「可能Derek（曾國祥）知啦，咁佢係口密冇話我知啦。」問到有指曾志偉之後會轉擔任顧問一職，王敏奕就表示：「我諗其實佢呢幾年睇TVB佢嘅工作能力啦，佢付出嘅時間心機同埋成績都係有目共睹，所以大家都係好希望佢係，當然TVB好需要佢啦，一眾嘅所有我啲同事都見到大家見到佢嘅士氣就非常之好，所以佢係一個靈魂人物嚟！」並指她覺得老爺不覺得自己年紀好大，他依然好有精力，「所以我真係覺得佢係好犀利，佢係一個好奇特嘅，好有talent嘅一個人！」而他現在所做的事都時他的目標和興趣！
本網記者攝
王敏奕強調自己沒有曾志偉表示要退休的消息，但提到早前他曾承認仔女經常勸要多休息，王敏奕就表示：「咁正常嘅，因為咁正常譬如話，可能關心你嘅人見到你做嘢咁累都會提你不如休息下啦，使唔使放下假？咁但係佢真係好上心、好認真，同埋好投入佢嘅工作，咁好似我哋拍劇咁 唔瞓覺都唔眼瞓嘅，因為你真係好鍾意做嗰啲嘢」，她和家人都尊重老爺的決定，「咁當然希望身體健康係非常之緊要，咁我諗佢都知嘅，大家都知嘅。」
王敏奕IG圖片
問到會否擔心老爺離任後會少了劇拍？王敏奕就認為自己做演員多年，「都係不斷咁樣去，希望監製、希望導演見到我嘅努力，同埋能力或者可塑性，咁如果大家睇到就自然會搵我，所以呢一樣嘢不嬲都唔係一個考慮嚟嘅。」
本網記者攝
TVB音樂選秀節目 《中年好聲音4登峯之戰》今晚（23日）假啟德體藝館隆重舉行，久未露面的曾志偉見證節目成長，形容節目從BB到四歲生日，一屆比一屆做得好，又表示怕亂選心水歌手會被誤當為內定。
曾志偉
曾志偉
曾志偉
曾志偉見證節目成長
曾志偉見證節目成長
曾志偉表示：「睇住佢成長，由個 BB 到𠵱家四歲生日啦係咪呀，同埋一屆比一屆做得好啦，啲歌手一屆唱得好比一屆唱得好啦，咁觀眾又非常之鍾意呢個節目啦，呢個最開心嘅。」他又謂：「今屆好多外援，好似睇緊世界盃咁，馬來西亞、紐西蘭對台灣，好可惜我哋香港隊係差咗少少。同埋我哋議員隊全軍覆沒，原本諗住支持吓我哋嘅人 ，阿康都去到 last 一個啦。但係呢啲真係好難講，你睇有時呢，喺十幾名嗰陣時呢，你覺得阿康係一定有機會頭三名，咁啱嗰一次可能揀錯歌，或者任何嘢就會令到評審隊突然間就係爭緊一個。」
曾志偉怕亂選心水歌手會被誤當為內定
曾志偉怕亂選心水歌手會被誤當為內定
曾志偉怕亂選心水歌手會被誤當為內定
被問到心水歌手是誰？曾志偉笑言：「呢啲時候唔好立亂揀，好危險一陣又話內定。每一年我哋都估錯，所以唔想再估落去。（之後停辦？）唔係停辦，押後少少啫，押後十幾日，畀多少少時間啲選手報名。因為呢三年，呢四年都嚟得好急，可能賽制應該會改少少嘢啊，咁就一定會再做嘅。但係幕後裏面，大家都要喺度策劃緊㗎啦，我覺得我已經唔喺 TVB，但係聽聞係咁。」
他分享其近況：「咪搞緊公司囉，我都係呢行，都係希望能夠畀多啲機會啲藝人。呢五年喺 TVB 就做多咗好多電視嘅嘢，其實我將電影呀同埋其他嘢都擺低咗，咁我自己都想追返上前，尤其係呢五年對 AI，我覺得就基本都唔夠啦，學習多啲 AI 嘅嘢，未來都係 AI 嘅世界。」他續說：「我會幫好多藝人，尤其佢哋發展國內嘅，慢慢啦，出咗嚟先係半年。」提到與蔡思貝合作，他謂：「因為佢（蔡思貝）搞緊女足，等佢做完曬宣傳先，再慢慢地，唔急嘅。佢一路做宣傳都未得閒，等佢做完曬先。」被問到合作需要甚麼條件？他回答：「識做戲就得㗎啦，我仲有好多新人㗎嘛，無乜所謂嘅，一定要畀多啲機會啲藝人，同埋有啲老朋友，咁都希望幫到佢哋。」
談到衛詩雅近日受傷一事，曾志偉說：「我知道嗰陣時，佢（衛詩雅）已經入醫院啦，跟住就唔想騷擾佢啦，跟住佢就攞獎啦，恭喜佢啦。我覺得呢個意外大家都唔想，始終都係意外。最可幸嘅就係佢攞返咁嘅百花獎，呢個係咁多年佢努力，佢應得嘅嘢嚟㗎，咁多陣時我睇電視，我自己都好開心，佢又講得好好啦。」他大讚衛詩雅是一位很好的演員，「想佢好快康復，希望多啲機會佢合作。無得防，始終咩叫意外，就係意料之外，佢發生嗰個過程，都係無人會諗到咁樣嘅，受傷同埋會咁嚴重，咁所以係拍戲就係咁嘅。」他覺得：「唔淨止拍戲，所有嘢都係意料之外，其實冇人想發生，即係我都話意外就係你諗唔到，差錯腳又係一個意外，你見咁多演唱會，好多人跌咗落去升降機台，又係意外，大家都想小心啲，但係就發生咗，所以冇得講。」
