無綫綜藝又有新搞作？麥美恩收到神秘請柬嫌冇餅咭勁爆笑江美儀為提攜後輩爽快答應撐場

娛圈事

無綫綜藝又有新搞作？麥美恩收到神秘請柬嫌冇餅咭勁爆笑江美儀為提攜後輩爽快答應撐場

2026年05月03日 15:00 最後更新：15:27

無綫近日憑《試真D》、《魔音女團》等綜藝節目贏得不少關注，未知是否為了「食住個勢」，無綫綜藝再有新搞作，將於5月5 日（周二）下午五時，在電視廣播城舉行一場為時半小時的「綜藝節目神秘試映會」，麥美恩Mayanne、王敏奕、阮浩棕、曾展望、許文軒、吳業坤等，更已陸續收到神秘請柬！

眾人之中，以Mayanne收到神秘請柬時的反應最爆笑，她先是留言：「睇我個樣就知我好期待喇。唔好問我咩嚟，最後點處理？」而根據Mayanne上載的「拆柬片」中，她對於收到請柬全程表現莫名其妙，更不時「抖動」信封，看看是否內藏其他玄機，並忍不住衝口而出說了一句：「神咩秘呀？餅卡都冇張嘅？」勁爆笑。

點擊看圖輯

焦點圖片

麥美恩

林秀怡、黎諾懿

許文軒

王敏奕

阮浩棕

江美儀

曾展望

至於林秀怡及黎諾懿，亦與麥美恩一樣懷疑是否有人「另類請飲」：「係咪有人結婚呀？」而與Mayanne Friend爆的許文軒，則以「神秘人入侵」Locker為主題拍片，仲要同場加映「疑神疑鬼」樣，同樣有創意。

同樣可愛的還有王敏奕與阮浩棕。近日忙於拍攝新劇的王敏奕，於化妝期間收到請帖，雖然感覺仍未化好妝，但依然靚爆鏡。對於眼前突然殺出一張帖，敏奕一嚟即露出Gfable式甜笑，並全程驚喜又開心地研究請帖，情緒價值爆燈。而阮浩棕則一見帖即問：「整蠱嘢嚟嘅？」，相當有綜藝感。

話明「試映會」，又點可以冇《試真D》嘅美儀姐呢？美儀姐收到請柬後的第一個反應是：「咩嚟架？」並搞笑挑機：「有冇我哋《試真D》咁勁先？」之後再疑似爆料：「好啦！提攜吓後輩都要嘅，去啦。」到底美儀姐要提攜同力撐嘅係邊啲後輩咁巴閉，密切期待後續發展。

往下看更多文章

試真D唷｜「珍珠奶茶鍋燒意麵」遭全場嫌棄唯獨曾展望獨撐勁爆笑 : 我唔會唔食

《中信銀行（國際）Motion$呈獻：試真D唷》主持江美儀、朱敏瀚（朱仔）、吳業坤、曾展望（GM）及張振朗，貫徹首季輕鬆搞笑、有話直說貼地風格，衝出香港去到台北、台南、高雄「試真D」。今集眾人繼續台北「試真D」，先去素食店清清腸胃，再挑戰創新料理鍋燒意麵，最後到飲湯店試飲大鍋湯，全程爆笑與驚嚇齊飛。

全場臉如死灰 GM獨撐「珍珠奶茶鍋燒意麵」

在三個「試真D」行動中，以挑戰創新料理鍋燒意麵最為過癮。振朗、朱仔及GM各自手抽盲盒球，鍋燒意麵湯底包括「檸檬愛玉」、「木瓜牛奶」及「珍珠奶茶」，其中朱仔抽中「木瓜牛奶」，眾人即聯想其壯碩好身材，美儀姐忍不住笑說：「好啱你」、「特登抌落去？」，場面搞笑。

面對「珍珠奶茶鍋燒意麵」和「珍珠月亮湯餃」登場，其他人你眼望我眼，未食單係聽個名已完全零興趣，不約而同擺出嫌棄樣，簡直可以話「臉如死灰」來形容。唯獨GM卻淡定自如：「冇問題喎，我唔會唔食。」其他人即擺出觀眾視覺等睇好戲。GM品嘗完後更有板有眼作出分析，到底好唔好食呢？敬請留意節目播出。

大鍋湯一飲即「上頭」朱仔眼凸伸脷GM搖擺起舞

今集精彩焦點莫過於去飲湯店飲索價8000TWD（約2000港元）大鍋湯品。湯品以甜酒加四種野生藥材熬製，飲完後不止味覺有感受，連身體都會發出「警報」，反應因人而異，包括「胃脹排氣想吐」、「筋絡痠痛發麻」等，代表身體有不同不適。其中朱仔及GM飲完後「似醉無醉」一連串反應畫面最搶Fo，朱仔飲到「眼凸伸脷」、「打冷震反白眼」，只剩一副茫然表情；GM更化身人肉酒精濃度計：「唔止20度（酒精），30度都嚟，我Feel到。」即場左右搖擺起舞，大聲傻笑，畫面爆趣。振朗及美儀姐一試即話：「飲落去全部都係酒」、「單一淨係酒味」、「一碗都醉喎」。