試真D唷｜台北三大滷肉飯大比拼！張振朗曾展望吳業坤策劃「最危險任務」玩出火激嬲江美儀

《中信銀行（國際）Motion$呈獻：試真D唷》今晚（11月1日）最新一集， 江美儀、張振朗與曾展望（GM）會「試真D」台北三大滷肉飯，分別是超過60年的老字號、連續多年獲推薦的餐廳「黑金滷肉飯」，以及打卡網紅店。三人先到老字號店，大讚入口即融的肥肉好好味，雖然GM嫌肉碎不夠多，但振朗卻食到停唔到口，被美儀姐抵死取笑：「原來你咁鍾意食肥嘢！」驚喜一波接一波，店內的招牌滷豆腐更令三人驚為天人，GM食完更流露出冧爆的「戀愛樣」，非常搞笑！

焦點圖片

焦點圖片

三人緊接轉戰連續多年獲推介的黑金滷肉飯，並繼續發揮「試真D」精神，直指味道偏重口味（太鹹又太甜），但醒目的GM教路：只要不要太多汁，味道就能達到平衡。壓軸登場的是打卡網紅店，肥美蚵仔配上濃郁滷肉，美儀姐食完即讚：「唔腥、香、唔鹹、唔甜、夾（指蚵仔與滷肉飯很夾）、好味。」GM極力推介打卡網紅店，振朗則對60年老字號情有獨鍾，更爆笑發表愛的宣言：「我拍呢個節目搵出真愛呀！」

三人到60年的老字號食滷肉飯，張振朗食到停唔到口。

三人到60年的老字號食滷肉飯，張振朗食到停唔到口。

三人到60年的老字號食滷肉飯，張振朗食到停唔到口。

三人到60年的老字號食滷肉飯，張振朗食到停唔到口。

就算豆腐好味，張振朗都係不停扒飯。

就算豆腐好味，張振朗都係不停扒飯。

美儀讚豆腐超水準，GM更食出「戀愛樣」。

美儀讚豆腐超水準，GM更食出「戀愛樣」。

美儀讚豆腐超水準，GM更食出「戀愛樣」。

美儀姐指黑金滷肉飯好鹹。

美儀姐指黑金滷肉飯好鹹。

GM稱只要「少啲汁」就冇咁鹹。

蚵仔滷肉飯，美儀姐與GM都激讚好味。

蚵仔滷肉飯，美儀姐與GM都激讚好味。

蚵仔滷肉飯，美儀姐與GM都激讚好味。

蚵仔滷肉飯，美儀姐與GM都激讚好味。

蚵仔滷肉飯，美儀姐與GM都激讚好味。

其後吳業坤（坤哥）歸隊，與美儀姐、振朗及GM一同乘車尋找美食。原來三位男士竟暗中策劃一場「最危險任務」，趁美儀姐熟睡時，用隱形墨水偷噴她的衣服！三人以「猜包剪揼」決定落手次序：振朗打頭陣，坤哥緊隨其後，GM守尾門。

美儀姐乘車時熟睡，振朗成功噴隱形墨水。

美儀姐乘車時熟睡，振朗成功噴隱形墨水。

美儀姐乘車時熟睡，振朗成功噴隱形墨水。

美儀姐乘車時熟睡，振朗成功噴隱形墨水。

打頭陣的振朗順利得手，豈料輪到坤哥卻老貓燒鬚，不慎將墨水直噴落美儀姐的手臂上，瞬間令她從睡夢中驚醒！美儀姐驚見衣服和手臂沾有藍色斑點，即問：「點解件衫有藍色嘅？漏水呀？」三男見狀秒速「戲精」上身，扮若無其事。

坤哥噴中美儀姐手臂，美儀姐即醒，三男扮冇事發生。

坤哥噴中美儀姐手臂，美儀姐即醒，三男扮冇事發生。

坤哥噴中美儀姐手臂，美儀姐即醒，三男扮冇事發生。

坤哥噴中美儀姐手臂，美儀姐即醒，三男扮冇事發生。

不過，面對美儀姐的連環詢問，更將矛頭直指剛歸隊的坤哥：「之前都冇事㗎喎，係你嚟先至咁！」雖然坤哥扮傻，怎料振朗搶先自保說：「我棄暗投明呀！係坤哥教我㗎！」慘遭「出賣」的坤哥頓時心虛得高呼想落車，並拖GM落水：「GM你講喇，因為我同振朗都噴咗一嘢。」GM見勢色不對，急急劃清界線：「佢哋兩個都認咗啦，得我冇噴咋！」但美儀姐眉頭一皺反問：「咁點解你唔制止佢哋？」振朗再度爆大鑊，踢爆GM原來幾日前已對美儀姐「落手」！

美儀姐不停質問，振朗舉手「棄暗投明」踢爆是坤哥做。

美儀姐不停質問，振朗舉手「棄暗投明」踢爆是坤哥做。

坤哥驚到想落車。

坤哥驚到想落車。

坤哥將個波交畀GM，之後三男互相推卸責任。

坤哥將個波交畀GM，之後三男互相推卸責任。

坤哥將個波交畀GM，之後三男互相推卸責任。

美儀姐表示前幾日已知被GM整蠱，只是一直扮唔知。

美儀姐表示前幾日已知被GM整蠱，只是一直扮唔知。

美儀姐表示前幾日已知被GM整蠱，只是一直扮唔知。

美儀姐表示前幾日已知被GM整蠱，只是一直扮唔知。

眼見美儀姐面色一沉、嬲到「講不出聲」直接擰歪面，坤哥唯有將整個整蠱大計和盤托出，之後他與振朗、GM更不停道歉求饒。究竟這場「最危險任務」會如何收科？美儀姐會否輕易原諒他們？密切留意今晚播映的《試真D唷》！

坤哥驚美儀姐繼續嬲，透露整個整蠱過程。

到底最後點收科？

陳維冠監製、張世昌、黎倩儀、梁恩東聯合編審的話題暗黑名門爭鬥劇《澳娛綜合澳門上葡京綜合度假村呈獻：璀璨之城》，逢周一至五晚八點半翡翠台播映。《璀璨之城》鑽石級演員陣容有張智霖、吳卓羲、高海寧、張曦雯、姜大衞、江美儀、蔡一智、陳瀅、龔慈恩、陳煒、蔣祖曼、蔣家旻、周志康、鄭子誠、陳曉華及黃子恆。

鏡頭前嘅蔣家旻好兇狠。

鏡頭前嘅蔣家旻好兇狠。

鏡頭前嘅蔣家旻好兇狠。

鏡頭前嘅蔣家旻好兇狠。

下周踏入結局周的台慶劇《璀璨之城》，昨晚（10月30日）劇情繼續高潮迭起，最緊張一幕，是在香港成功取得2,000億秘密資金的官孝君（吳卓羲飾），以勝利者姿態回歸澳門「收拾」成魔的官孝賢（張智霖飾），令孝賢頃刻眾叛親離、權力告急…

每集都有震撼彈的《璀璨》，昨晚一集分別有孝賢對Sarah行「水刑」、Celia（蔣家旻飾）毒殺信義（蔡一智飾）及Felix（周志康飾）兩兄弟，以及丁麗明（江美儀飾）為Celia被控殺人一事怒摑家丁。先說「水刑」一幕，對於孝君強勢回歸氣上心頭的孝賢，直奔Sarah屋企算帳，大力摑完Sarah落地後，再一手拖行Sarah入廁所搵水兜頭淋，兼狠狠質問Sarah：「點解我細佬攞咁大嚿錢返嚟冇人話我知？你係咪同佢夾埋嚟整我架？」眼見Sarah慘情否認，孝賢拋出「和解」條件：「你同我搞掂個女人（倪嘉雯角色溫麗欣），搞唔掂你唔好返嚟搵我！」

但鏡頭後其實佢勁柔弱，勁驚整親阿智。

但鏡頭後其實佢勁柔弱，勁驚整親阿智。

係阿智教Angel一陣可以點樣掹佢啲頭髮。

其實拍攝酒杯敲頭嗰吓好細力，都係就角度，大家電視見到嘅都只係製作效果。不過呢個位值得一讚嘅係，阿智好好腰力。

其實拍攝酒杯敲頭嗰吓好細力，都係就角度，大家電視見到嘅都只係製作效果。不過呢個位值得一讚嘅係，阿智好好腰力。

該幕無論是張智霖的鐵沙掌、陳瀅被拖行或是被水狂淋一幕均相當有張力。雖然鏡頭前張智霖「攞你命三千」，但實質為了保護陳瀅免受傷，Chilam與幕後做足安全措施！首先劇組安排了「司令帶」給Chilam拖行用，讓Chilam可在不觸碰陳瀅情況下完成拖行拍攝；但由於司令帶難Handle又易穿崩，為了得出最好拍攝角度，Chilam與武指來來回回排練了好幾次，才再由陳瀅親身上陣排練。整個過程，Chilam盡顯專業紳士一面，除不時給予意見，還叮囑陳瀅被拖至廁所門前要記得「收手」保護自己；埋身拉扯陳瀅前，又一再與武指研究如何可盡量不扯到女方頭髮，體貼到不得了。

陳瀅接受tvb.com訪問時，坦言由於由被摑到被拖入廁所要一Shot落，拍攝時難度極高，故事前排練了很多次。她又笑言拍攝時因遇上「古惑的水龍頭」而要NG：「去到個鋅盤冇水出，啲水一滴滴咁，之後再拍多次就好順利。」她續指Chilam拉扯過程中有扭傷手。

官孝賢再出毒招！

張智霖怒摑兼拖行陳瀅入廁所施水刑畫面震撼。

張智霖怒摑兼拖行陳瀅入廁所施水刑畫面震撼。

張智霖怒摑兼拖行陳瀅入廁所施水刑畫面震撼。

張智霖怒摑兼拖行陳瀅入廁所施水刑畫面震撼。

張智霖同陳瀅認真夾緊場戲應該點做。

佢仲好細心提陳瀅呢個位要縮手。

至於蔣家旻Angel毒殺信義兩兄弟一幕，當年憑奸角「反骨琪」贏盡好評的Angel再度「毒婦」上身，首先在二人還未毒發前，Celia誠邀2位受害者自拍：「大伯，不如我哋影張selfie吖，我想好好紀錄呢個Moment。」之後，當見到毁容仇人痛到典床典蓆，Celia即落井下石，瞪行雙眼鬧爆信義：「係咪好痛呀？嗰種感覺係咪好似畀火燒咁爽？」、「我想你死好耐架喇，死之前，我畀你睇吓你嘅傑作吖」，隨即撕掉面上紗布，再半帶哀怨半帶瘋狂怒吼：「望住我呀！你見唔見到？係你毀我容㗎，今日我要你十倍奉還畀我！」配以阿智像真度十足垂死掙扎，以及危急關頭奮力反撲，張力不輸陳瀅被拖行施「水刑」場口。

不過觀乎場口拍攝花絮，Angel拍攝這一場原來心理負擔極大，除不時掩著心口嗌驚驚，又一再與武師練習「出手位」，以免弄傷阿智；為了令Angel放心，阿智除提議Angel可如何糟質自己，又笑言他會懂得用Core力量頂住，成功為Angel注下強心針。

江美儀笑晒口嘅發火樣，又係教科書級別演技示範。

江美儀笑晒口嘅發火樣，又係教科書級別演技示範。

江美儀笑晒口嘅發火樣，又係教科書級別演技示範。

江美儀笑晒口嘅發火樣，又係教科書級別演技示範。

江美儀笑晒口嘅發火樣，又係教科書級別演技示範。

最後一幕，是丁麗明因Celia毁容及殺人，向家丁大興問罪之師；這幕恐怖位是，美儀姐雖然合程笑晒口，但單憑眼神已感受到其滿腔怒火，之後丁麗明輪流怒摑四位家丁，最後去到深藏不露的方易安（鄭子誠飾）面前，掌摑事件才告一段落！方易安的「耍太極」對答，亦是場口亮點：「我只係一個管家，屋企邊個話事，我就聽邊個。」子誠之前受訪時曾透露，與美儀姐有一場拍到個心離一離，他當時指的就是這一幕：「劇情冇寫美儀姐會摑我，但佢對戲時就講咗句：『我冇理由唔摑你喎』，因為角色當時失咗理性。雖然排嗰陣佢冇摑我，但到roll機前，美儀同我講咗句：『執生呀，我唔知會唔會順便摑埋你』，所以我成個過程都係戰戰兢兢咁驚佢會摑我，睇番playback，都覺得自己嗰場做得怪怪地，哈哈。」