趙璧渝封家傭為「被姐姐耽誤咗嘅歌手」 艾威帶定麵包醫肚力抗姐姐地獄料理

《你想點煮姐》嚟緊兩隻亮相的「僱傭2人組」，分別是趙璧渝和姐姐Rochelle，以及艾威與姐姐Ade，兩位姐姐嘅廚藝會係點呢？

8月14日晚一集《你想點煮姐》亮相的「僱傭2人組」是趙璧渝和姐姐Rochelle，對於姐姐，璧渝大讚做家務及對老人家均細心又有耐性，二人更經常嘻嘻哈哈、拍晒膊頭感情要好；唯獨問到廚藝，璧渝卻只以一個「唉」字概括，相當爆笑，並透露姐姐曾經金針菜和芽菜傻傻分不清，食物調味亦永不對味：「自嗰次之後好少要求佢煮啲咁中式嘅家常菜。」為一雪前恥，Rochelle再戰經典地獄菜式—雲耳蒸雞，不過由於Rochelle無論洗雞、切菜及擺盤均有板有眼，施焯日（Arthur）一度笑言：「佢唔係嚟改進廚藝，佢係嚟表演架喎！」

趙璧渝

李錦聯

Rochelle將啲雞切到好大嚿，搞到璧渝嚇一跳。

但係Rochelle擺盤係得架喎。

璧渝都話姐姐其實係好細心嘅人。

睇吓，係大嚿咗啲啫…

最終，Rochelle雖然煮出外在美滿分的雲耳蒸雞，但不但雞件大部分未熟，金針菜有大陣「up」味，還因Rochelle落錯醋當豉油，令餸菜出現一陣奇怪的酸味，璧渝吃畢忍不住慨嘆：「靚冇用知唔知呀！」雖然Rochelle煮餸有姿勢冇實際，但笑言有想過做歌手的她，經Arthur慫恿後在節目中大展歌喉，成功吸引全場目光，璧渝更笑指Rochelle是「被姐姐耽誤咗嘅歌手」。

但點解煮出嚟咁嘅樣嘅…

仲要因為Rochelle煮嗰陣將豉油同醋撈亂咗，搞到有陣怪酸味。

睇璧渝個樣就知個味道有幾正。

呢個係Ben嘅教煮版，佢除咗拎出蒸雞秘密武器，仲教大家要細火長時間煮，啲雞先至會滑。

睇吓璧渝同姐姐相處得幾開心。

姐姐大開金喉。

聽到璧渝如癡如醉。

8月15日晚一集亮相的「僱傭2人組」是艾威與姐姐Ade，談到Ade廚藝，艾威不但全情耍手兼擰頭，更在錄製節目途中拿出一早準備好的乾糧醫肚打底，並搞笑謂：「我驚我一陣餓得滯真係要食咗佢啲餸，依家食飽就一陣唔使食。」

艾威成集表現都好風趣。

姐姐到底煮咗啲咩出嚟，搞到Arthur食到咁嘅樣。

艾威話自己一早預咗姐姐好地獄，所以帶定嘢食醫肚。

結果Ade不負「威」望，不但將「涼瓜煎紅衫魚」離奇地一開二，更無論紅衫魚或是涼瓜都完全未煮熟，艾威見狀笑言：「印尼餐變咗日本餐喎。」意指紅衫魚未熟程度直逼刺身級。雖然艾威對Ade廚藝不予置評，但Ade卻強調自己煮飯其實very ok，並指艾威私下對她十分欣賞。想知艾威同Ade真實到底點相處？密切留意《你想點煮姐》。

明明係涼瓜紅衫魚，點解要分開煮分開上嘅？

阿Ben會教大家一條魚點先為之蒸熟，最重要係睇對眼。

雖然艾威把口話唔想食Ade煮嘅嘢，但佢始終都係擺咗入口。

阿Ben嘅教煮版，佢仲話其實煎魚都係秘密武器。

姐姐話好鍾意阿Sir艾威。

佢好似連Arthur都好鍾意喎。

無綫選美冠軍朱晨麗與藝人趙璧渝（Osanna），早前到香港專業教育學院 IVE（觀塘），為「BUSINESS INSPIRING INNOVATION-香港藝人管理的挑戰」擔任客席講師。在歷時兩小時的講座，與數十位莘莘學子分享演藝生涯，也談及初入行時種種困難及挑戰。首次做客席講師的朱晨麗和趙璧渝，面對學生們的積極發問皆盡力解答，更與學生打成一遍，足見兩人不止演戲出色，亦擅長與年輕人相處。

朱晨麗、趙璧渝

朱晨麗

趙璧渝

朱晨麗與趙璧渝，一位是港姐冠軍出身、經理人合約，另一位是訓練班出身、沒有經理人。席上，二人不單分享了有經理人與沒有經理人的好與壞，甫出場更大講入行原因。透過參選港姐入行的朱晨麗，笑言參選是因為「冇錢」：「參選時候，語言係最大挑戰，當時有勇氣站上台，係因為要『食飯』，知道唔嘗試就一定失敗。當時唔太熟悉娛樂圈，連擺Pose都唔識，但好感恩，過程中有好多本地女仔幫助我，又幫我惡補廣東話，我同佢哋關係都keep到而家。其實選美時，屋企人話有泳裝環節，佢哋叫過我唔好參加，不過我都努力克服。」身旁的趙璧渝聞言，表示很佩服對方的勇氣：「自己冇選美嘅勇氣，性格承受唔到咁大壓力，但又鍾意演戲，咁啱見到訓練班招生，於是就去試。」

受學生歡迎。

受學生歡迎。

適應鏡頭與評論皆為挑戰
提到初入行所遇的困難，朱晨麗自言當時自己連鏡頭在哪裏都不知道，更曾擋住了吳卓羲的鏡頭，鬧出笑話。不過，講到最大挑戰，朱晨麗認為是面對外界的評擊及輿論壓力，她說：「當時只識喊，不知喊咗幾耐。」後來朱晨麗了解到喊都沒用，「要內心變得強壯，調節心態，接受唔到咪唔好睇啲評論。」至於趙璧渝初入行的最大困難，莫過於是經濟問題，她表示：「訓練班畢業後人工好少，好難捱，得幾千蚊月薪，所以要搵其他兼職去支持生活。」

她們亦分享了現時所面對的挑戰，趙璧渝表示：「做藝人要持續畀新鮮感觀眾，屬於大挑戰。同埋而家流行人工智能（AI）短劇，全部演員都係AI，真係好擔心取代真人演出。或許到時唔需要真人演戲，已經可以出一套劇。」至於朱晨麗就指作為藝人，最大恐懼是沒有工作，曝光率不足，擔心逐漸被觀眾遺忘，她更表示會順應趨勢，轉型經營社交媒體。

香港專業教育學院（觀塘）副院長兼商業系系主任吳美蘭博士（右三）與Leo Ho講師（右一）及高級講師Kenneth Wong （左一）與Sabrina（左二），跟嘉賓朱晨麗、趙璧渝合照

與學生打成一片
講座後，朱晨麗與趙𤩹渝開心見到學生反應踴躍，她們異口同聲表示分享期間勾起不少往事，朱晨麗直言不會忘記初心，努力做好每件事。問到朱晨麗是否想轉型？她指希望進軍網絡世界，跟隨時代同步改變，但仍會堅持演員身份。趙璧渝則指首次做客席講師感覺「好得意」，入行至今13年，仍想在演藝路上馳騁。現時除了做演員，同時會兼職教瑜伽和頌缽治療師，她謂：「起初叫我做講師，都擔心會悶親學生，但見到佢哋冇瞓著，都好安心。我以前唔擅長做分享，但人生經歷多了，我唔介意同新一代交流心路歷程。如果年輕時，有人同我分享類似經驗，我可能唔駛行冤枉路。」

朱晨麗、趙璧渝