巨塔之后｜趙璧渝眼泛淚光表忠宣萱 師徒情網民讚動容

由無綫與優酷聯合出品，《新聞女王》系列鍾澍佳總監製、《逆天奇案》系列陳志江監製、梁敏華總編劇的台慶劇《星展多元化保險策劃呈獻：巨塔之后》，逢周一至五晚八點半翡翠台播映，主要演員有—領銜主演：宣萱、陳展鵬、陳煒、劉佩玥；特別演出：鍾鎮濤、湯鎮業、馬國明、蕭正楠；主演：吳若希、張頴康、蔣家旻、陳楨怡、黃庭鋒、謝雪心、吳岱融、林景程等。

趙璧渝（Osanna）和宣萱在劇中是師徒關係。

已埋煒哥堆的Osanna主動提出加入宣萱手術團隊。

Osanna不但幫手劇痛的宣萱完成手術，更與其他醫護人員齊齊為一妍「講說話」。

Osanna不但幫手劇痛的宣萱完成手術，更與其他醫護人員齊齊為一妍「講說話」。

Osanna不但幫手劇痛的宣萱完成手術，更與其他醫護人員齊齊為一妍「講說話」。

Osanna不但幫手劇痛的宣萱完成手術，更與其他醫護人員齊齊為一妍「講說話」。

昨晚（10月22日）一集上演了一場令人動容的師徒感情戲。卓盈（趙璧渝Osanna飾）之前離棄師傅董一妍（宣萱飾）埋方欣（陳煒飾）堆，幸獲一妍重新給予機會參與富商魏孝棠（潘志文飾）兒子手術。手術期間，一妍手痛至無法拿穩手術刀，方欣亦因得悉一妍手痛真相，企圖阻止一妍繼續做手術；於危急關頭，卓盈主動請纓幫做宣萱「替手」，事後又與其他醫護人員齊齊為一妍「講說話」，場口感人。卓盈一句：「我仲有好多嘢要跟你學架！一日為師，終身為師」，加上一妍的回應：「記住，唔可以睇小你自己」，盡顯師徒間深厚情誼，網友亦為之動容：「好鍾意呢場師徒戲，睇到眼濕濕」。

Osanna極力維護宣萱。

Osanna極力維護宣萱。

對於師徒戲獲讚感動，Osanna接受官方訪問時，直認對這場戲印象最深刻：「呢場係全劇唯一一場戲可以畀我向宣萱呢個師傅表達一直以嚟嘅尊敬同埋感激。因為我哋都戴住口罩，所以眼神、聲線嘅演繹好重要，好多謝佳導（劇集總監製鍾澍佳）同宣萱姐姐喺現場嘅耐心指導！」談到與宣萱合作，Osanna表示完全感受到宣萱的專業，更笑言宣萱成日萬歲：「姐姐好Nice好有風範，會同我哋溝通傾偈。喺拍攝嘅三個月入面，完全感受到宣萱姐姐嘅專業。每次有姐姐嘅場口我都會忍唔住成日去睇Mon學習姐姐演戲嘅眼神、節奏等等。姐姐又成日萬歲，每一日嘅拍攝氣氛都好愉快。」

Osanna在《逆天奇案》系列中飾演女警姜欣欣（妹頭）。

Osanna在《法證先鋒VI：倖存者的救贖》中飾演直播主凌詩蕙。

Osanna表示和宣萱合作非常愉快。（趙璧渝IG截圖）

Osanna經常在社交平台分享靚相大晒美好身段。（趙璧渝IG截圖）

趙璧渝首次拍攝手術戲份 靠狂煲紀錄片模仿手勢
Osanna曾在兩輯《白色強人》飾演急症室醫生，今次第三度挑戰醫生角色，Osanna直言依然有挑戰性：「今次係第一次參與拍攝做手術嘅場口，事前有睇過一啲醫療劇/紀錄片，睇吓真實嘅醫生做手術嘅過程，盡量學習同模仿步驟、手勢、講說話嘅語氣同埋眼神。」Osanna透露亦有聽任職護士的媽媽分享：「我媽咪係精神科護士，對病理學名同藥物名都會有了解；同埋媽咪平時都會同我分享佢作為醫護人員面對病患嗰陣嘅心態。」除了藝人，Osanna還是一位瑜伽導師，並經常在社交平台分享靚相大晒美好身段。

宣萱（Jessica）再度現身香港迪士尼樂園，時隔多年後不單止成為「神盾局科技館總工程師」，更以香港基建大型宣傳企劃「基建世一」《基建遊一萱》主持身份，在新一集《基建鬥一萱》與嘉賓主持「解密小王子」張繼聰（阿聰）勇闖奇妙夢想城堡，解構奇妙夢想城堡三個月誕生之謎（「組裝合成MiC」）！今集二人更接連挑戰不同任務，一邊過關斬將，一邊深入淺出介紹多項本港達世界級水平的建築技術，包括遙控天秤系統、焊接機械人及VR虛擬實境焊接模擬訓練，娛樂與資訊兼備，睇得刺激又長知識。

新一集《基建鬥一萱》，宣萱與嘉賓主持「解密小王子」張繼聰勇闖奇妙夢想城堡，解構奇妙夢想城堡三個月誕生之謎。

觀看相關影片按連結：https://youtu.be/0IaTyFIwolg

三個月安裝好城堡唔係靠魔法而係靠MiC？

於《基建遊一萱》短片系列首兩集表現出穩重又佻皮的Jessica以及「解密小王子」阿聰聯手炮製爆笑攻防，並揭開樂園城堡極速建成之謎—答案正是香港基建所運用的「世一」技術 MiC（Modular Integrated Construction，組裝合成建築法）！不少人或會以為MiC技術只能應付一式一樣的建築，但事實上，MiC的最強之處在於在較短施工時間內打破外型設計、內部空間、間隔改動的局限。

Jessica：「奇妙夢想城堡嘅浮雕同埋複雜內部結構，都係用MiC技術組裝而成。城堡當年係喺工廠預製好15件組件，地基與組件同步預備後，就即刻開始全力興建，前後只用咗三個月就喺樂園完成組裝。不但夠快，夠環保、夠安全，對樂園遊客嘅影響減到最低，原來MiC先至係建造界嘅真『魔法』。」

宣萱

阿聰：「我全家都成日嚟呢度玩，囡囡搞百日宴都係喺度。我好鍾意新城堡，尤其係佢夜晚嘅燈光投射煙花Show。今日先知原來成個城堡只係用咗三個月就組裝好，MiC真係好Amazing！頭先Jessica話依家已經有超過150個政府同私人發展項目都係用MiC技術，真係大勢所趨！」

張繼聰

阿聰開「打機Mode」遙控十層樓高天秤完成吊運任務

離開香港迪士尼樂園之後，兩人轉戰遙控天秤鬥一番。阿聰：「頭先Jessica叫我試揸天秤，我心諗好高喎，閒閒哋都五、六十米，真係諗緊點推咗佢唔上去，但原來依家可以遙控！對於打開機嘅我嚟講當然無問題。講真操作傳統天秤最花時間就係每次上落郁啲都起碼要十幾分鐘，上上落落辛苦之餘，落雨仲會全身濕晒。依家可以遙距操控，師傅去廁所、食飯同起身鬆鬆就方便好多。我都係職安真漢子，改善到工友工作環境就係Good !」

「遙控天秤系統」令工作環境變得更安全舒適。

Jessica大讚阿聰身手靈活，輕鬆完成用吊臂吊運物件到指定地點的挑戰：「阿聰打開機真係唔同啲，我望住遙控天秤時嗰幾個Mon真係搞唔掂，唯有佢出手、我出口，合作完成任務。不過都要歸功於『遙控天秤系統』，配備咗多角度、高清鏡頭功能，視線更加清晰，操控時就更有信心，減少傳統天秤駕駛艙嘅盲點，我知道依家政府工程都已經開始要求採用『遙控天秤系統』喇。」

「遙控天秤系統」控制室可設於地面，操作員透過多角度高清影像所提供的即時畫面，遙距操控天秤進行吊運工序。

實試VR虛擬實境焊接模擬訓練 見證「焊接派變形金剛」完成建造業危險任務

阿聰繼續接受挑戰，再試玩「虛擬實境焊接模擬器」，於VR環境當中挑戰不同難度焊接技巧，根據姿勢以及焊槍與焊接離等真實情況評分。阿聰：「好似卡啦OK唱歌咁，可以鬥高分。」Jessica：「不過你唱歌應該高分啲，依家得30分，好似有啲差喎！」Jessica隨後向機械迷阿聰介紹焊接機械人，笑言是「焊接派變型金剛」，能夠根據不同任務目標換上不同配置機械臂。

阿聰試玩「虛擬實境焊接模擬器」，於VR環境當中挑戰不同難度焊接技巧。

機械人同工人應該怎樣分工？Jessica：「有啲情況真係要靠機械人出馬，好似密封或者唔透氣嘅地方，因為焊接有時會令空間入面嘅氧氣跌到得返正常情況下嘅20%，唔適合人工作。另外一啲非常窄的空間，都要靠佢哋入去。」阿聰恍然大悟，更希望自己可以入手這部「焊接派變型金剛」作為家中機械人收藏之一。

現時建造業已開始應用焊接機械人，於空氣流通較差或空間受限的環境中進行焊接工序，減少工友在高溫或較複雜環境下工作的需要。