古天樂拉宣萱開Live陪追《尋秦記》劇集 二人互窒互寸笑爆直播

電影《尋秦記》上映後票房已衝破9,000萬，趁著票房氣勢，製作單位更於賀歲檔期推出加長版「Plus+多元宇宙版」。TVB亦因應「尋秦熱」，於年初一晚開始重播劇集，由年初一起午夜時段重播，每晚連播兩集。

於賀歲檔期推出加長版「Plus+多元宇宙版」

昨晚大年初二，劇集正播到宣萱飾演的烏廷芳正式出場，識玩的古天樂拉埋宣萱開Live，陪住網民一齊煲劇，兩人真情互動＋爆笑鬥嘴，即時掀起集體回憶殺。

劇集正播到宣萱飾演的烏廷芳正式出場

識玩的古天樂拉埋宣萱開Live，陪住網民一齊煲劇

宣萱笑言自己最近已養成早睡習慣，卻被古生突如其來嘅邀請打亂作息，「睇完都兩點，返到屋企仲要落妝、沖涼、浸腳，搞到三點半先瞓得。」古生聽到「浸腳」即刻一臉問號，兩人即場交流養生之道，一邊睇劇一邊覆留言，氣氛就似朋友喺屋企一齊食住嘢煲劇咁，超貼地。

二人互窒互寸

直播期間，古天樂繼續發揮「金句王」本色，句句窒住宣萱，但宣萱亦毫不示弱，隨即反擊，來回過招火花十足。當網民瘋狂要求古生唱歌時，宣萱即時助攻：「你唱歌我跳舞！」古生無奈反問：「即係我唱咩你都跳嗰隻拜神舞？」宣萱即回敬：「乜你有第二隻舞咩？」一句KO，全場爆笑。

網民瘋狂要求古生唱歌時，宣萱即時助攻：「你唱歌我跳舞！

最終古生「屈服」獻唱《今期流行》，不過改用超慢motion版本，逐粒字慢慢彈出，搞到宣萱要配合做「定格舞」，逐格跳，畫面極度搞笑。宣萱事後更慶幸古生冇揀《男朋友》，笑言：「你唱我會喺後面摸你，大家一定睇得好開心。」全場笑翻。

最終古生「屈服」獻唱《今期流行》

宣萱要配合做「定格舞」，逐格跳

兩人超自然互動，瞬間將觀眾拉回25年前「項少龍＋烏廷芳」嘅黃金年代，網民一致大讚呢對CP真係無敵！

關注一下過去24小時娛圈事Top 5熱話。

宣萱與102歲工人姐姐感情深厚如親人 共度除夕：有佢我就開心！

藝人宣萱自電影版《尋秦記》上映後，一直忙於為電影四出宣傳，近日終於可以休息一下，享受私人時間，農曆新年前席，她就特到老人院，接將從小照顧她，並視為親人的工人姐姐英姐接出來做節！

▼詳情點擊圖片查看或按連結

霍汶希孖容祖兒為愛女慶生 15歲Hanni越大越靚女獲讚可原地出道

英皇娛樂金牌經理人霍汶希（Mani）於2011年秘密誕下女兒Hanni，雖然工作繁忙，但對愛女一直疼愛有加！近日Hanni 15歲生日，Mani就與天后容祖兒（Joey）一同為愛女慶祝！

▼詳情點擊圖片查看或按連結

孫慧雪晒靚相向大家拜年 粉色旗袍展凹凸有致好身材

43歲的「宅男女神」孫慧雪與「富二代」羅天彥（Edwin Lo）婚後先後誕下兩子，近年淡出電視圈轉型做KOL，同時親力親為湊仔，家庭工作兩不誤！雪雪雖然已為人妻人母，但保養得宜，樣貌與身材依然Keep得非常好，而且充滿少女味，今日（2月17日）大年初一，她就在社交平台分享一輯靚相向大家拜年！

▼詳情點擊圖片查看或按連結

王君馨首一家三口過情人節 沙灘睇日落簡單又溫馨

39歲的王君馨（Grace）與圈外老公Daniel於去年5月迎來囡囡Audrey，榮升幸福的三口之家！新手媽媽Grace亦不時在社交平台記錄囡囡的成長點滴，日前一家三口就去了沙灘睇日落過情人節。

▼詳情點擊圖片查看或按連結

莊思明與孖生家姐同賀39歲生日 感謝男友楊明禮物及安排

「拿督千金」莊思明（Lisa）與孖生家姐莊思華（Mona）日前（2月15日）迎來39歲生日，兩姊妹廣邀親朋好友一同慶生！

▼詳情點擊圖片查看或按連結