鄉音客要去「細計大酒店」 的士司機車去「四季酒店」始知無奈真相

有疑似遊客上的士話要到「細計大酒店」，司機認為是「四季酒店」，結果原來是附近XX大酒店，令司機無奈。

有疑似遊客上的士後話要到「細計大酒店」，但司機誤以為是「四季酒店」。（「的士司機資訊網 Taxi」BF圖片）

該的士司機於Facebook群組「的士司機資訊網 Taxi」發文，表示日前於紅磡鐵路站旁的過海的士站等待客人，一名疑似遊客上車後，以鄉音嗌「師父，唔該細計大酒店」，司機於是回應「哦，好，四季大酒店」，乘客再以歪歪地廣東話說「係『細計』呀」，司機不解又說「 四季呀嘛！」，後來客人再解釋指是「世界大酒店」，司機才明白原來是要去同區的「世界大酒店」（世界殯儀館），他表示感到無奈「X（呢度係過海㗎）」。

原來乘客只是想去附近的「世界大酒店」。Getty示意圖片

此帖一出即引起網民熱議，有人笑稱司機和客人都「擺烏龍」，表示「個客都上錯車啦」、「叫佢行過去仲快」、「人地都話大酒店」、「你尼個位過海架喎，世界行多二步去前面坐啦」、「行樓梯仲快過揸車落去」、「都話大酒店囉」。

司機同乘客都「擺烏龍」，一個聽錯，一個上錯過海的士。示意圖

亦有同行分享類似「擺烏龍」經歷「四季酒店，世紀酒店，請用普通話說，新仔奶過2次」、「又話朗豪坊酒店又話朗豪酒店，原來係朗廷酒店」、「有次畢打街上車話水街，去到同我講唔係，廣東話又唔咸唔淡，原來去瑞吉酒店」、「有次高鐵站上話去如心酒店，咁我就去到荃灣，點知佢先講話去九龍東如心」、「有客megabox話逸東，心諗發達喇，我一講地圖逸東邨，佢話好彩司機你重覆，係逸東酒店」。

不少司機也有類似經歷，有人建議「好多時都遇到同一問題，我會俾張紙佢寫低去邊處，費事去錯地方 」。Getty圖片

帖文來源：Facebook群組「的士司機資訊網 Taxi」