溫碧霞帶兒子回夫祖家貴州認祖歸宗 參觀太老爺何應欽故居感自豪

溫碧霞近日帶同兒子和老公到夫家故鄉貴州親善探訪，又到了太爺、一級將領何應欽故居參觀。

幸福與愛心滿滿的溫碧霞（Irene）向來家庭與事業並重，一直以來都把兩者都管理得頭頭是道。Irene趁著愛兒何國倫（Xavier）美國學校放暑假，安排兒子回港，日前在內地工作，特登抽出幾日，安排兒子與老公何祖光（Kenny）一家三口到夫家故鄉貴州一齊為當地一所醫院親善探訪重症病人送暖，並於8月16日帶兒子返回一級上將的太爺何應欽故居參觀，讓兒子認祖歸宗。

溫碧霞一家三口

溫碧霞一家三口

Irene為世家顯赫的一級將領何應欽姪新抱，何應欽將軍1945年代表中國政府接受日本投降，Irene兒子何國倫名字也是跟家族族譜，何應欽自小在位於貴州省興義泥凼鎮的四合院故居長大，現已成為當地博物館供遊人參觀，Irene坦言她與兒子都是第一次參觀太老爺何應欽故居，感覺好驕傲：「因為太老爺的故居建築設計具有較高的建築藝術價值和歷史文物研究價值，所以列入文物博物館，親身睇到太老爺當年用過的實物、留下的相片、書法，我同Xavier都為太爺感到自豪及敬仰。」

何應欽故居

何應欽故居現已成為當地博物館供遊人參觀。

何應欽故居現已成為當地博物館供遊人參觀。

溫碧霞為太爺感到自豪及敬仰。

何應欽將軍書法真跡

遊覽完夫家故鄕，Irene於8月17日就要飛往上海繼續開工，老公及兒子則回港，兒子也快要回美國開學，Irene瀟洒說：「唔會唔捨得，Xavier好鍾意返學，讀書好緊要，而且呢個暑假我哋都享受過好多家庭樂，又去過峇里度假，已經好滿足啦，大家都要各回各崗位，好快又可以再回來。」

溫碧霞已飛往上海繼續開工。

溫碧霞透露兒子也快要回美國開學。

為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。

英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。

昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。

女團VIVA

溫碧霞（Irene）亦有到場感受氣氛。

經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」

VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」

何佩瑜（Jeana）

Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」

周國賢（Endy）壓軸登場。

全場瘋狂high爆！

整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。