如果你是時裝銷售員，又會否想到有一天上班，要化身做保姆？任職連鎖時裝店6年的林心心，不只保姆，還當過少女顧客的「模特兒」、銀髮族的「吹水朋友」，遊客的地膽「導遊」等等﹐各種「估不到的任務」通通游刃有餘。而對這位「多面手」來說，心懷熱誠從顧客角度出發，始能提供最專業、優質的服務。
時值2022年初、疫情最嚴峻之際，商場人流冷清，林心心正在摺好在分店門面展示的衣服，突然一個小男孩掙脫媽媽，走過來抱着她雙腿不放。「唔好意思，我個仔有少少自閉症，希望你唔好介意。」媽媽一臉尷尬，眼見小男孩乖巧沒扭計，像抱着公仔般輕攬自己，林心心站在原地輕聲跟媽媽介紹最新優惠，「你慢慢試衫，我可以睇住小朋友！」
點擊看圖輯
林心心投身時裝零售業已6年，曾任職公司各類分店，見盡百客生態。
若遇上不喜歡推銷的客人，林心心仍會在附近留意，隨時上前提供協助。
公司產品就是員工的上班服飾，林心心平時會精挑搭配穿着，吸引顧客留意，特別是並非主要客源的年輕人。
為令客人了解更多，林心心會仔細留意產品材質、剪裁方式、紡織小知識等，方便解說。
林心心經常向同事分享待客心得，甚至互相聊談心事，認為有助建立團隊精神。
林心心投身時裝零售業已6年，曾任職公司各類分店，見盡百客生態。
林心心全程動也不動，怕打擾安穩的小男孩，好讓媽媽享受難得的片刻「me time」。「媽媽好開心，好似返咗一日工好攰、返到屋企攤軟個人咁樣，仲話『好耐無試過咁輕鬆，阿仔唔係隔離𦧲住我喇』。」媽媽平時試身，兒子總要跟隨，所以寧願網購。當時病毒猛於虎，人心之間的高牆又豈止1.5米，林心心卻沒想過推開男孩，「我第一個感受係要顧及小朋友嘅感覺，我當佢一個普通小朋友，讚佢好乖。」母子後來成為常客。
網購年代，不少人覺得方便快捷，但林心心說，真人提供的專業服務仍然有不可取代的價值，她秉持熱誠先行，「要肯定自己呢份工，係有意義嘅事。」衝業績第一步，不是落足嘴頭「硬銷」，「先聽個客想要啲乜，佢徘徊某個貨架一定有原因。」慢慢問、易地而處，「要掌握佢哋鍾意啲乜？邊個著？幾歲著？身材係點？歸納出有咩現貨係啱佢，再介紹，擊中客人心坎，「你幫佢揀到想要嘅衫，嗰種感覺好開心。」
若遇上不喜歡推銷的客人，林心心仍會在附近留意，隨時上前提供協助。
正是用心服務，顧客受落。小妮子人如其名，與客戶溝通彷彿有一種心連心的魅力，可打破地域限制。任職九龍東分店時，有婆婆會由「大西北」天水圍、屯門舟車勞頓前來光顧，「佢哋話『我就係鍾意過嚟，同你哋傾計好開心，幾遠我都要過嚟幫襯』。」她亦主動問老友記想不想學用電子支付，「老一輩心裡都想用，傾向想自己子女教佢，但可能冇時間。」成為銀髮族寵兒，不無道理。
競爭激烈，後生市場不易打入，她老少通殺。公司政策，同事會穿上當季產品。青春少年少女最在意煩惱個人形象，有位中學女生原本對公司品牌沒有特別關注，但見眼前的大姐姐笑意盈盈，會花心思搭配衣着，一件青春馬卡龍色童裝主題tee、配少女系短褲加風褸。看到林心心這位「模特兒」，「同埋我當佢係妹妹咁傾計，冇用sales口吻」，結果女生最後刷了一張大單，熟客又儲多一位。
公司產品就是員工的上班服飾，林心心平時會精挑搭配穿着，吸引顧客留意，特別是並非主要客源的年輕人。
「啲客唔買嘢、唔滿意，肯定有原因，要客觀啲去聽。」偶有客人投訴，她也是聆聽行先、換位思考。有次羽絨減價促銷，早兩天光顧的女客人不滿買貴了，新手同事未熟習，沒提及可換貨，女士拂袖而去。第二日再來投訴，林心心剛好當值，先聽對方大半小時一輪發洩，再捫心自問︰「我係你嘅話都會唔服，我明嗰種感受」。公司政策例不退款，跟上級溝通後，同意讓女士再選一些貨品，彌補差價。「佢最後讚我有耐性，唔係個個品牌肯咁做，覺得我真係有從佢嘅角度出發。」
她有獨特的與客相處之道，基本功亦十分紮實——公司產品資料熟讀於心，更主動查考一些紡織小知識。現在夏季，「好多人話純棉衫舒服，其實宜家科技進步，好多人造纖維為主嘅衣飾材質，舒適度比純棉仲好。」學了有甚麼用？她換上一副專業sales的口吻笑說︰「涼感運動系列，衣物面料分兩種方法防曬，一種係塗層反射，一種係吸收紫外光。」做到不假思索，有問必答，「知識儲備多啲，客人問到我就講。」
為令客人了解更多，林心心會仔細留意產品材質、剪裁方式、紡織小知識等，方便解說。
今天待客心得滔滔不絕，但原來她從前內向。大學畢業，做文職兩、三年頓覺不合，一心求變轉行。入職初期被調遣至旺角區特賣場，一待便是一年半。旺角特賣場勝在便宜，本地客、旅客一樣特別多，堪稱「木人巷」，常常有旅客問她哪裡有美食好介紹。「餓嘅話，你去篤串魚蛋先喇，轉角位有小食店可以試一試。」問路人幾乎天天有，她乾脆畫地圖，「成日有人問波鞋街喺邊，我就指住地圖『嗱，宜家你喺呢到，咁行就得』。」順便介紹哪裡好玩；每逢周日，旺角道天橋的外傭湧至血拼，言語不通怎辦？又有法寶，「我手機上網翻譯定佢哋嘅印尼話、泰語等，話俾佢哋聽產品須知、『買一送一』等關鍵字。」
林心心經常向同事分享待客心得，甚至互相聊談心事，認為有助建立團隊精神。
6年來可說是見盡各類顧客，如今她任職的分店以街坊客為主，有感要提供專業、優質的服務，始終不離「用心」二字。用心，自然渴求進步。「當你擁有嘅服務方式多樣化時，其實都係一門專業。」
為何打工仔要「專業」不離口？畢竟曾在遊客區「吃過夜粥」，「可能個客嚟到香港，淨係幫襯過你，咁你就好緊要喇，你代表緊香港嘅門面。」現在，她學習韓語，亦打算接觸手語，希望日後跟客人溝通更暢順。
