XiX「人細鬼大」贏頭威 跳唱新歌晒青春氣息 郭偉亮意外踢爆思捷冇機品？

今集播出《思家大戰》有郭偉亮（Erick Kwok）率領的「識唔XiX」隊，對戰麥翠嫻領軍的「歌師奶」隊超好笑！

由李思捷主持及監製的《施巴pH 5.5潔膚浴露呈獻：思家大戰》第三季，逢周日晚8時30分翡翠台播映。15日播出一集，有郭偉亮（Erick Kwok）率領的「識唔XiX」隊，成員包括五人女團XiX的「最年長團員」Kiele、「愛哭又愛笑」的Crystal、「氣氛擔當」Vici、「內裡斯文實則好曳」的Caitlin；對戰麥翠嫻領軍的「歌師奶」隊，成員包括「最愛清潔師奶」許思敏（群姐）、「乜都掂師奶」黃梓瑋、「最愛游水」的區靄玲及「最為食」的劉桂芳；由於人數所限，XiX年紀最小、獲Erick Kwok盛讚跳舞即變Monster的Charlotte負責坐在台下打氣。

「歌師奶」隊，左起：劉桂芳、區靄玲、許思敏、黃梓瑋、麥翠嫻。

「識唔XiX」隊成員，左起：Kiele、Crystal、Eric Kwok、Vici、Caitlin。

「歌師奶」髮卷居家Look勁搶眼

近年圈中綠葉逐漸抬頭，「歌師奶」隊幾位熟女不時在劇集出現成功入屋，眾人戴上old school鬈髮髮圈配以經典居家look造型上陣，相當搶眼。至於由Eric Kwok擔任經理人的女團XiX，上月推出的首支派台單曲《SiS》短短半個月已於YouTube錄得70多萬點擊率，成績驕人；XiX在節目中亦有即場跳唱新曲，氣氛熱鬧。

XiX跳唱節奏輕快新曲《SiS》，大曬青春氣息。

麥翠嫻勁玩得之餘，仲要係隊中「大腦擔當」。

許思敏大大力撳掣，玩得投入。

今集問答環節依舊爆笑，思捷繼續成為被玩對象，問到「若李思捷變成一個人咁大嘅攬枕，你會做啲乜」時，雖然XiX團員個個錫住思捷聲稱要又攬又錫兼高呼Love You，惟獨有番咁上下江湖地位的麥翠嫻搞笑謂：「我梗係要打……你啦，曳曳！」思捷聞言即搞笑反問：「即係打者愛也，愛你打多幾下！」雙方你一言、我一語，可謂高手過招！同樣腦筋急轉彎的Eric Kwok，面對如此難題同樣處變不驚，除大膽揚言要同思捷「一齊瞓覺」，又大爆思捷冇機品兼唔覆機，到底二人有何私人恩怨？今集戰情更是峰迴路轉，由於XiX「人細鬼大」、洞悉不同年齡層女人心成功過完一關又一關，不過在重要關頭卻遭「歌師奶」隊從後急起直追，關鍵人物更是麥翠嫻，想知麥翠嫻如何操控大局、成為今集MVP？密切留意播出的《思家大戰》。

Kiele

Crystal

Vici一度被思捷考起。

Erick Kwok大爆思捷唔覆機。

Erick Kwok大爆思捷唔覆機。

Crystal笑到見牙唔見眼，更被踢爆私下相當感性易喊。

Vici是隊中氣氛擔當，佢答起問題都幾精靈架。

劉桂芳

區靄玲（右）

XiX成（左起）：Crystal、Charlotte、Kiele、Caitlin、Vici

「歌師奶」隊五位成員的居家look，造型夠晒吸睛。

大合照

《新城體育會》再出動打羽毛球！

《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」

《新城體育會》昨日（4月24日）再出動打羽毛球。

郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。

今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」

Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」

黎展峯小時候獲任職羽毛球教練外公教授羽毛球技。

嬌小龔柯允原來是籃球健將，馬浚偉承諾稍後安排打籃球。

黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」

龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！

郭偉亮自爆打波絕招……就是……好快打完！

馬浚偉與郭偉亮、黎展峯、教練Arthur玩雙打。