XiX「人細鬼大」贏頭威 跳唱新歌晒青春氣息 郭偉亮意外踢爆思捷冇機品？

今集播出《思家大戰》有郭偉亮（Erick Kwok）率領的「識唔XiX」隊，對戰麥翠嫻領軍的「歌師奶」隊超好笑！

由李思捷主持及監製的《施巴pH 5.5潔膚浴露呈獻：思家大戰》第三季，逢周日晚8時30分翡翠台播映。15日播出一集，有郭偉亮（Erick Kwok）率領的「識唔XiX」隊，成員包括五人女團XiX的「最年長團員」Kiele、「愛哭又愛笑」的Crystal、「氣氛擔當」Vici、「內裡斯文實則好曳」的Caitlin；對戰麥翠嫻領軍的「歌師奶」隊，成員包括「最愛清潔師奶」許思敏（群姐）、「乜都掂師奶」黃梓瑋、「最愛游水」的區靄玲及「最為食」的劉桂芳；由於人數所限，XiX年紀最小、獲Erick Kwok盛讚跳舞即變Monster的Charlotte負責坐在台下打氣。

「歌師奶」隊，左起：劉桂芳、區靄玲、許思敏、黃梓瑋、麥翠嫻。

「識唔XiX」隊成員，左起：Kiele、Crystal、Eric Kwok、Vici、Caitlin。

「歌師奶」髮卷居家Look勁搶眼

近年圈中綠葉逐漸抬頭，「歌師奶」隊幾位熟女不時在劇集出現成功入屋，眾人戴上old school鬈髮髮圈配以經典居家look造型上陣，相當搶眼。至於由Eric Kwok擔任經理人的女團XiX，上月推出的首支派台單曲《SiS》短短半個月已於YouTube錄得70多萬點擊率，成績驕人；XiX在節目中亦有即場跳唱新曲，氣氛熱鬧。

XiX跳唱節奏輕快新曲《SiS》，大曬青春氣息。

麥翠嫻勁玩得之餘，仲要係隊中「大腦擔當」。

許思敏大大力撳掣，玩得投入。

今集問答環節依舊爆笑，思捷繼續成為被玩對象，問到「若李思捷變成一個人咁大嘅攬枕，你會做啲乜」時，雖然XiX團員個個錫住思捷聲稱要又攬又錫兼高呼Love You，惟獨有番咁上下江湖地位的麥翠嫻搞笑謂：「我梗係要打……你啦，曳曳！」思捷聞言即搞笑反問：「即係打者愛也，愛你打多幾下！」雙方你一言、我一語，可謂高手過招！同樣腦筋急轉彎的Eric Kwok，面對如此難題同樣處變不驚，除大膽揚言要同思捷「一齊瞓覺」，又大爆思捷冇機品兼唔覆機，到底二人有何私人恩怨？今集戰情更是峰迴路轉，由於XiX「人細鬼大」、洞悉不同年齡層女人心成功過完一關又一關，不過在重要關頭卻遭「歌師奶」隊從後急起直追，關鍵人物更是麥翠嫻，想知麥翠嫻如何操控大局、成為今集MVP？密切留意播出的《思家大戰》。

Kiele

Crystal

Vici一度被思捷考起。

Erick Kwok大爆思捷唔覆機。

Erick Kwok大爆思捷唔覆機。

Crystal笑到見牙唔見眼，更被踢爆私下相當感性易喊。

Vici是隊中氣氛擔當，佢答起問題都幾精靈架。

劉桂芳

區靄玲（右）

XiX成（左起）：Crystal、Charlotte、Kiele、Caitlin、Vici

「歌師奶」隊五位成員的居家look，造型夠晒吸睛。

大合照

由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），本周六晚（25日）八點半翡翠台播出第九集。除了三位常規主持，陸浩明將聯同Plan V其餘四位成員：江廷慧、彭家賢、陳昊廷及侯雋熙主持直播間。

詹天文（Windy）3歲已師承專業女高音學唱歌，現於廣州星海音樂學院修讀Music Performance。

Windy獲《聲夢》評審郭偉亮大讚把聲靚過以前。

今集歌單集齊天后名曲＋熱爆K歌
《唱錢》今集嘉賓，是《聲夢傳奇》第一季畢業生詹天文（Windy），3歲已開始已跟隨專業女高音歌唱家王珊及戚芷君學習聲樂，15 歲時已具備正統聲樂底子；DSE 畢業後獲得美國伯克利音樂學院等多間名校錄取，現於廣州星海音樂學院修讀Music Performance。一現身即強調自己已成功撇甩以往的Opera腔、多了流行曲味道的Windy，透露為了瞄準《明星版》最高金額三萬港元，在學校苦練了接近兩星期，並謂自己最害怕的三大歌曲為《煎熬》、《荊棘海》及《越難越愛》，至於最大弱點是應付上上落落的音及低音，到底Windy最後會否遇上以上三首歌曲？她又會如何Handle弱點位，就要密切留意節目！

Windy大有機會成第三位擊倒Monster歌手！

Windy Level 1就遇上唔係好擅長嘅快歌《煞科》，到底佢會表現成點呢？

雖然只有20歲，Windy全程表現十分淡定，似表演多過玩遊戲、不過有其中兩首歌曲，卻令Windy回復緊張兼要逐粒音打拍子，到底是哪兩首？！整體獲得超高分總評分表現的Windy，表現獲森美及Eric Kwok輪流大讚，森美讚嘆不已指聽Windy唱歌是享受、沒有以往比賽的那股緊張感，森美一輪嘴激讚：「今日我就好享受喇，各位家庭觀眾，恭喜晒」、「我哋希望你每一首都唱得好聽」、「頭先你唱（咗）兩首，兩首都有感情」、「有種如履平地感覺，好輕鬆自然」、「今集真係有機會攞到三萬」。至於曾任《聲夢》首季評審的Eric Kwok則直指Windy有進步：「好聽咗你把聲」、「圓滑同通透咗」。想知獲得如此高度評價的Windy、到底能否繼張與辰及側田後、成為第三位擊倒Monster歌手？記住留意本周六晚八點半翡翠台播映的《唱錢》。