吳林峰親熱戲要問準女友 Marco@P1X3L趁機向對方「𢯎」歌

吳林峰、葉振弘Marco@P1X3L及胡希文（YoYo）為11月24日至12月3日上演的舞台劇《小塵大事2023我也流淚的》綵排，眾人雖第一次合作但默契十足！首次演出舞台劇的Marco就話未背熟台詞，從眾演員身上偷師：「其實做舞台劇對我嚟講係新嘅課題，我收到劇本時都好擔心，因為舞台劇冇得NG，而且我記對白又比較弱嘅，點知YoYo幾頁台詞一晚就背好晒，搞到自己都有壓力。」而Marco同吳林峰同屬歌手，佢都話趁機向對方自薦：「因為我都好想唱吳林峰作嘅歌，所以把握機會問佢可唔可以寫歌比自己，剛剛鏡頭前佢話OK！」

吳林峰、葉振弘Marco@P1X3L及胡希文（YoYo）為11月24日至12月3日上演的舞台劇《小塵大事2023我也流淚的》

眾人雖第一次合作但默契十足！

首次演出舞台劇的Marco就話未背熟台詞，從眾演員身上偷師

而吳林峰笑言冇諗過參演舞台劇，笑言答應演出「純粹誤會」：「我以為監製搵我做音樂同Band，所以咪話好啦，點知要我演出做角色，搞到好奇怪咁，因為平時我MV都好少出鏡，依家上到台都唔習慣。劇中我同YoYo要做情侶，監製第一日問我底線去到邊，嚇到我唔知點算，我要問準女友先知演情侶嘅底線係咩！」吳林峰仲大讚Marco聲線獨特，坦言二人會傾音樂：「雖然大家排劇都好認真，但係休息時我地都會傾吓音樂，我唔係教佢唱歌，只係分享吓啲經驗交流吓。」

吳林峰笑言冇諗過參演舞台劇

監製第一日問底線去到邊，嚇到返去問準女友先知演情侶嘅底線係咩

吳林峰仲大讚Marco聲線獨特，坦言二人會傾音樂

舞台劇經驗較豐富的胡希文，佢自爆第一次劇中有「感情線」，仲大讚對手吳林峰「君子」：「因為我地演情侶都有啲身體接觸，稍為掂一掂佢都會『唔敢郁』，依家熟咗會自然啲啦！而Marco太可愛，好受幕後女同事歡迎，搞到我地呢班『姨姨』母愛大爆發！」

舞台劇經驗較豐富的胡希文

佢自爆第一次劇中有「感情線」，仲大讚對手吳林峰「君子」

爆料Marco好受幕後女同事歡迎

Marco葉振弘表示，新歌《半途而廢手冊》靈感源自他的親身經歷。

Marco葉振弘@P1X3L推出全新個人單曲《半途而廢手冊》，新歌得到Wyman黃偉文「加持」，作為後輩的Marco直言受寵若驚：「好開心可以邀請到Wyman填詞！本身覺得冇可能搵到，因他在樂壇很有輩份及地位；而我作為一個新人，難得有機會跟他合作，我會好好珍惜這個機會！」

Marco推出全新個人單曲《半途而廢手冊》。

Marco對新歌得到Wyman黃偉文「加持」，感到受寵若驚。

《半途而廢手冊》不單單是一首情歌，更多是關於成長與選擇，Marco把自己的親身經歷及聽demo後的想法與Wyman分享，然後由Wyman將之轉化成一個新的故事放到歌詞之中。Marco自爆中學時期沒有拍過拖，但曾默默地單戀過一位女生，錄音時亦想著這段經歷讓自己入戲，他說：「其實中學時期我沒有拍過拖，當時單戀了一個女仔很長時間，過程中我知道是沒有可能，但又想嘗試繼續下去，去到最後當然沒有一起。現在回想起，只能說一句為甚麼不早點放下呢？」

Marco新歌《半途而廢手冊》靈感源自他的親身經歷。

Marco自爆中學時期沒有拍過拖，但曾默默地單戀過一位女生很長時間。

Marco入行後想法變得成熟，說起新歌還有另一番體會，「收到Wyman的歌詞後，看完後第一個感受是『為甚麼不早一點放下呢？』一段關係中差不多走到盡頭的時候，當然會覺得很不捨，但如何努力過都沒有可能的話，為甚麼不早點move on呢？但人就是這樣，說出口很容易，但當去到此情此景又未必做到，最後只能安慰自己『早啲放低咪好』。」

Marco入行後想法變得成熟，表示收到Wyman的歌詞後，看完後第一個感受是「為甚麼不早一點放下呢？」

拍攝《半途而廢手冊》MV時，Marco分別飾演兩個階段 ——求學時期及投身社會的打工仔，與女主角Jackie戴妙珊有多場對手戲。Marco讚對方是個好演員，雖然二人在拍攝當日才認識，但即時要有火花，不論是飾演學生還是打工仔，雙方很快就培養出默契，自然流露去飾演不同戲。此外，Marco亦提到現時正積極準備首個演唱會，不論是服裝、歌單、心態、體態各方面都在努力中。

Marco在V中分別飾演兩個階段 ——求學時期。

以及投身社會的打工仔。

Marco與女主角Jackie戴妙珊有多場對手戲。

Marco讚Jackie是個好演員，雖然二人在拍攝當日才認識，但即時要有火花。

Marco又透露現時正積極準備首個演唱會。