Me&女團育成日誌！Mandy夢想成真 Feanna「舞」壓力 Vian以為被網騙

Me&女團育成記播出第一集，黃淑蔓Feanna、譚旻萱Mandy及連家穎Vian齊剖白被「點名入團」後的心路歷程。

寰亞全新女團Me&橫空出道，掀起全城熱話，如何將靚聲女神黃淑蔓（Feanna）、人氣Model譚旻萱（Mandy）與學界舞者連家穎（Vian）組成跳唱女團？YouTube頻道「Highlighter橫間道」以紀錄片形式節目上架，讓觀眾貼身追擊Me&女團育成記。昨日（11月13日）播出第一集，三女剖白被「點名入團」後的心路歷程，Mandy興奮夢想成真、Feanna挑戰跳舞壓力爆煲、Vian自爆以為被網騙。

YouTube截圖

觀看相關影片按連結：https://youtu.be/92zfywuZ9lw?si=i61JpfzAII81-BzI

去年Me&已開始埋班，Mandy和Feanna跟韓國老師學跳舞，當時疫情關係未能親赴上堂，只能Zoom網授。她們每星期三天上課，其他日子練舞、鍛練體能和學唱歌，還要應付原本模特兒、演員和歌手的幕前工作。每天早上七時現身健身室的Mandy說：「有夢想成真嘅感覺，所以無藉口唔努力！」她又稱：「我性格『唔輸得』，好努力好想做好每一件事。」她更為自己設定地獄式體能訓練計劃，每日掌上壓、Sit Up和深蹲各100下，以及3次來回跑23層樓梯，然後再打1 小時籃球，才開始返公司學跳舞，難怪同事都形容她是一隻牛。

YouTube截圖

YouTube截圖

YouTube截圖

至於Feanna加入Me&後，最大挑戰是跳舞。片中，她說：「我一直好想學跳舞，只係以前無機會。因為一開始跳得唔好，令我唔鍾意跳舞，好大壓力。做得唔夠好，好無自信，令我好驚。」樂天的她決定勇敢面對，她說：「我知自己跳得唔夠好，但我有好努力去做。（諗過放棄嗎？）當然唔會，唔可以放棄，我人生冇『放棄』兩個字，答應嗰一刻已經決定全力以赴，跳舞最緊要練習，一定有啲基本嘢可以靠練習練到嘅！」她自稱是「康樂組組長」，主動約Mandy和Vian行街、食飯、Shopping和睇演唱會，建立友誼。

YouTube截圖

YouTube截圖

而寰亞音樂首個練習生Vian，本身是學界舞蹈圈的活潑份子，經常參加比賽，獲獎無數，亦曾到韓國交流。這次加入Me& 是機緣巧合由校內師妹推介給唱片公司，過程非常戲劇化。Vian說：「當我喺韓國交流嘅時候，有一日突然收到IG 私信，我以為係騙徒唔理佢，過咗幾日再撳入去對方IG，發現好多我鍾意嘅明星都有Follow佢，可能係真喎！覆咗佢，就開始咗呢個旅程。」Vian承認自己是一個有自信的人，她說：「我做任何事都好自信，尤其是喺鍾意嘅範疇裏，我可以完全地表達到自己，相信自己。」她心願是為自己編舞並登上舞台，表現自己。

YouTube截圖

YouTube截圖

鄭伊健在演唱會上為小師妹黃淑蔓特別安排唱她的新歌《I am All Alone》。

「凍齡男神」鄭伊健日前帶埋小師妹「寰亞孻女」黃淑蔓（Feanna）到澳門，於MGM美高梅劇場舉行「Together 鄭伊健與你在一起音樂會」，全場爆滿，觀眾熱情衝到台前，伊健又唱又跳又握手，還向觀眾拋紀念品，氣氛High爆！

鄭伊健日前在澳門MGM美高梅劇場舉行「Together 鄭伊健與你在一起音樂會」。

音樂會由兩位結他手演奏打頭陣，伊健升上台唱《Beautiful Day》揭開序幕，他與舞蹈員勁歌熱舞《極速》和《全城效應》，全場觀眾站起來一齊跳舞，澳門歌迷，還有香港及各地歌迷都揮動燈牌，氣氛熾熱。伊健向台下觀眾揮手打招呼，「好耐無見，我見到你哋呀！」然後他介紹音樂監製陳光榮，「今日唔只係『鄭伊健Together音樂會』，仲係一個音樂調查會，你哋知唔知我呢個朋友係邊個？佢就係陳光榮。（台下歡呼）我幾乎所有歌都係佢寫，佢除咗寫歌畀鄭伊健，仲係一位作曲家。我嘅歌、好多歌手嘅歌，仲有電影音樂，例如《古惑仔》、《風雲》，我以外嘅電影例如《無間道》啦！」全場尖叫！

伊健向大家介紹音樂監製陳光榮。

伊健問觀眾：「香港電影好睇，香港嘅電影音樂都好好，若然陳光榮開電影音樂會你哋會唔會睇？」台下大叫「會」，伊健問點解？觀眾大叫「有你」，伊健笑說：「可能仲有梁朝偉和劉德華呢！」陳光榮拍拍心口感謝觀眾支持。

兼漏口風陳光榮開作品展。

伊健邀請陳光榮、小師妹Feanna、歌手朱雋言與樂手們到台前一同演唱《For U & Me》和《心照》，觀眾反應熱烈，衝到台邊握手。繼香港紅館和美國站演出之後，今次是Feanna第三次擔任伊健演唱會的表演嘉賓，深得大師兄寵愛，獲驚喜安排在演唱會上獻唱其新歌《I am All Alone》，她清唱其中一段作為與伊健合唱《蟲兒飛》序曲，靚聲震攝觀眾，掌聲如雷。

伊健邀請陳光榮、小師妹Feanna、歌手朱雋言與樂手們到台前一同演唱。

接著，伊健換了新造型演唱《發現》、《同一秒》和《吻感》等情歌，觀眾揮動手燈，全場一片星海，非常浪漫。然後氣氛一轉，舞蹈員帶著紀念品出場，伊健一邊唱《Together》一邊向台下觀眾拋出紀念品，全場High爆！

伊健與舞蹈員一同登場。

一邊唱《Together》一邊向台下觀眾拋紀念品。

演唱會尾聲Encore時，伊健笑問觀眾：「你哋想聽歌定握手架？」台下起哄。他演唱《友情歲月》、《甘心替代你》、《只會因你唱》和《我的歌》等經典金曲後，笑說：「你哋都係鍾意握手多啲喎！」最後他唱《自動勝利Let’s Fight》來回舞台左右兩邊跑，滿場飛與觀眾握手，演唱會在熱鬧氣氛下圓滿結束。

伊健滿場飛與觀眾握手。

演唱會後台，Feanna接受訪問，「好開心再次跟伊健哥哥到澳門演唱會做嘉賓，今次係我出咗新歌之後第一次參與演唱會，伊健哥哥好好，喺我完全唔知情之下，綵排嗰陣安排我加入新歌，幫我諗埋出場環節，希望觀眾聽到我現場唱《I am All Alone》時會開心。」跟伊健巡唱表演，Feanna最難忘美國站，「因為我第一次去美國，當然都係第一次喺美國表演，當時逗留咗兩個星期，除咗演唱會之外，大家都有帶我出去玩，竟然可以將工作建立喺玩樂上，係一件好幸福嘅事。我好想去更多地方，可以唱歌畀唔同地方嘅人聽。我成日問伊健哥哥下一站去邊度唱？佢唔肯講，話到時會通知我！」

伊健為Feanna特別安排唱她的新歌《I am All Alone》。

Feanna為新歌發揮創意，「多謝大家鍾意《I am All Alone》呢首歌，為咗回饋大家嘅支持，我同好朋友喺Donut Demo研發咗一款新口味和新造型嘅冬甩，名命『I am not a 窿』，期間限定。有我好鍾意嘅元素，包括貓仔和士多啤梨味，希望大家買呢款冬甩，一邊食一邊聽我嘅新歌。」問她是否地獄廚神？她哈哈笑說：「我到目前整過嘅食物都唔難食，亦未出現恐怖料理，其實我又唔算成日整嘢食，因為我好懶。之前在英國讀書自己一個人嘅時候會煮中菜，因為好掛住香港嘅食物，依家返咗嚟有媽咪煮，我好少自己下廚。我會考慮做一日店長，仲可能會整冬甩畀大家食，希望大家個肚仔無事啦！」

Feanna透露為新歌發揮創意，與好友在Donut Demo研發了一款名為「I am not a 窿」的doughnut。

大合照