珈其激勵自己：「為咗老婆同個仔，我得㗎！」
ViuTV全新節目《馬友旅遊部》逢星期一至五晚上11時播映。節目由《MM730-男女自然觀察學會》六位原班人馬移師日本拍攝，包括岑珈其、歐鎮灝（George@P1X3L）、葉振弘（Marco@P1X3L）、許寶恆（Alice）、楊安妮（WinWin）和何洛瑤（Sica）擔任主持，成立限定組合 「馬友會」，內容包括三個單元：《5+1》- 抽中者即走、《博士篇》- 度身訂造內容、《無添加假期》-六人虛度日常，帶領觀眾見證六人長時間工作及相處後的關係變化。
點擊看圖輯
《男女自然觀察學會》六位原班人馬成立限定組合 「馬友會」。
《男女自然觀察學會》六位原班人馬成立限定組合 「馬友會」。
「馬神」公仔（節目吉祥物）
下周一晚（11月20日）播出首集，以《5+1》- 抽中者即走作為開始，由命運挑選出要離隊的1名「馬友」並踏上未知之旅，其餘5人則遊覽靜岡縣拍攝。首集岑珈其用「馬神籤筒」抽籤決定需要離隊的「馬友」，於抽籤前，岑珈其、George、Marco、Alice四人紛紛舉手示意不想獨自離隊。抽籤後，行程將分為《5+1》兩部分，分別是限定人數為5人的「馬神發辦」：由「馬神」（節目吉祥物）帶領各位「馬友」遊覽靜岡縣各個B級景點，另一個是限定人數為1人的「不可控行程」，不論是行程或交通，都屬未知之數，該名中籤「馬友」將會獨自面對歷險！
六人可藉長時間的節目拍攝而增加相處。
行程分為「馬神發辦」&「不可控行程」。
精通日文的WinWin更擔任「馬使」（馬友旅遊大使），率領各位「馬友」展開旅程。其中前往靜岡縣河流「大井川」上最長的吊橋，當珈其踏上搖曳吊橋時，更因吊橋的搖晃而行到跪地，珈其激勵自己：「為咗老婆同個仔，我得㗎！」
珈其踏上靜岡縣河流「大井川」上最長的吊橋。
行到跪地。
ViuTV原創劇《COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。
練美娟（娟姐）飾演檢控主任叻姑，P1X3L成員葉振弘（Marco）飾演初出茅廬的助理阿榮。
Marco表示戲內外都跟娟姐學習
娟姐大爆朱鑑然愛穿著背心周圍走
二人相處融洽
在《COURT!》中練美娟（娟姐）飾演檢控主任叻姑、以及P1X3L成員葉振弘（Marco）飾演初出茅廬的助理阿榮，Marco表示戲內外都跟娟姐學習，二人相處融洽，更會趁Off Cam時自拍留念。練美娟為大家介紹她的角色叻姑：「有返咁上下年資同地位，每個法官我都攪得掂，唯獨是方官，即Stanley（邱士縉）飾演嘅Peter，我一見到佢就好騰雞，我覺得佢針對我。今次會同佢正面交鋒，會畀佢睇點樣蝦我同針對我。」
Off Cam時自拍留念
娟姐特意觀看了多部法庭作品
為了準備角色，她特意觀看了多部法庭作品，「真係冇諗過可以參與一部法庭戲，我自己非常之緊張，拍之前去咗真正嘅法庭聽審，為咗今次落足心機去研究，非常開心可以入到呢個劇組演出關於法庭嘅戲碼。」她續說：「因為涉及到法庭戲，所以有好多專業用語，喺背嘢方面都需要落少少功力，亦因為係專業用語而唔可以自己Feel Free去加啲新嘢，所以呢一方面都要跟足啲。」
她今次跟多位演員合作，「主要同Stanley、朱鑑然、Marco（葉振弘）有對手戲，亦有好多證人、被告，最開心就係我喺啲男兒堆度，全部個個都靚仔，大飽眼福嘅。同埋因為呢度好熱，朱鑑然好鍾意成日著住件背心周圍走，益阿叻姑，多謝晒！哈哈！」她又透露：「通常大家Break緊就會休息下，我同朱仔（朱鑑然）就會繼續討論緊嗰件事，我覺得係好得意嘅一啲交流，佢係演戲嘅前輩，所以我會問吓佢一啲關於演戲嘅嘢，佢都好樂意分享，多謝佢啦！就算Break Time我哋都好勤力㗎，我哋都係繼續研究劇本㗎！所以繼續有劇集都搵我哋啦！」
叻姑的助手阿榮由Marco飾演，「佢係一個好新好新、啱啱入行，係叻姑嘅助手，幫佢執文件，粗重嘢交畀我。」他看着娟姐大讚她：「娟姐好專業，係非常之照顧後輩的前輩，喺佢身上感受到演員原來就係要咁樣。」娟姐隨即謂：「我走喇，我走喇。」Marco說：「唔好走啊，我仲有好多好嘢講。」
他自言自己不論是角色或真人也仍然是一位新人，「基本上我係唔識任何要喺呢個場合度做啲咩，懵盛盛咁，叫我做咩就做咩。今次拍呢套劇嘅感覺好Formal，因為始終係講法律嘅嘢，字眼、細節上係不容有失，我睇見都覺得好正經。睇完劇本覺得冇絕對，每個位都有佢難做嘅嘢，法官都有好多嘢要去衡量，所以幾得意。」
他形容自己：「我以前都係『十下十下』，有少少懵盛盛，啱啱入行時，依家都係有少少。我擺咗呢樣特質落去，幾貼合。劇組好Pro，我個角色冇咩對白，但唔係冇嘢做，好多嘢做，要因應場合幫叻姑搵嘢等。」他期望：「慢慢一點一滴咁樣感受多啲演戲，無論係演戲態度，或者咩時候要做啲咩，我覺得得仲係太新，好多時要觀察下究竟前輩Off Cam做緊啲咩。」
