殺入吒叱「我最喜愛男歌手」五強 尹光睇好張敬軒攞獎

尹光表示若今次真的成功得獎，他會請林家謙、張敬軒等全部一齊上台！

近期大受網民歡迎的「光B」尹光昨日（11月24日）正式殺入吒叱我最喜愛男歌手五強後，晚上到維園為國際體壇盛事 FIBA 3x3 世界巡迴賽 — 香港大師賽 2023 之3x3 VILLAGE任壓軸表演嘉賓，開Show 前光B非常識做，途經不同特色檔位時停下與大堆市民打卡，在檔前擺Post玩樂，體驗嘉年華氣氛，又在大賽3人籃球場與主辦方-籃總副會長Kenny一同比拼射籃，眾人見到他即驚喜歡呼。

尹光為國際體壇盛事「FIBA 3x3 世界巡迴賽 — 香港大師賽 2023 之3x3 VILLAGE」任壓軸表演嘉賓。

與主辦方籃總副會長Kenny。

光B射籃，勁呀！

與3x3大型籃球合照。

在表演時段，光B甫出場即令全場觀眾High爆，DJ女神LOKYII特意Remix了一段名曲《少理阿爸》Tag 光B 出場，全場即興奮大叫「光B」震撼維園！他一連唱出三首名曲《數波波》、《掂呀》、《Dear Myself》，在場觀眾大喊 Encore，又揮動手機閃燈舉起雙手支持光B，全場無數掌聲、歡呼聲，氣氛超好。見到台下觀眾氣氛熱烈，表演期間光B都不斷向觀眾謝票，感謝大眾的支持和投票令他可以殺入叱咤樂壇「我最喜愛的男歌手」5強。

DJ Lokyii

深情演繹《Dear Myself》。

台下老中青都，現場氣氛 high爆！

光B成功入圍與張敬軒、姜濤、陳卓賢和盧瀚霆一同競逐叱咤我最喜愛男歌手，他表示：「好開心，由入圍開始到十強、七強，然後到現在五強，真的完全無估到，唔敢諗可以真係攞獎，隨緣就好，得失對我嚟講無所謂了，嗰陣嚟香港時報細咗幾歲，其實依家79歲，就快80歲喇，最緊要身體健康。」全靠 《一人之境》、《Dear My Friend》AI 熱潮爆紅的尹光，更令原唱姜濤都表示要跟他學習，但光B則說：「應該我向姜濤學習就真，佢首《Dear My Friend》我聽過好多次，真的唱得好有感情，好好聽。而我較年長，把聲又沙啲，梗係冇佢哋唱得咁好聽。」

叱咤我最喜愛男歌手五強

光B又提及若今次真的成功得獎，他會請林家謙、張敬軒等全部一齊上台，「好耐以前已經認識軒公，同佢同台唱過歌，當時我一聽到佢把聲，已經知道佢大有前途，把聲好好聽，佢啲名作，好似《隱形遊樂場》、《俏郎君》，我都好鍾意，我睇好佢攞獎。」

光B直言好鍾意張敬軒，睇好佢攞獎。

歌手尹光到新城廣播接受李有毅與李國煒主持的《Ben同Benson「Chur」到行》訪問，分享由黃偉文（Wyman）為他度身訂造的新歌《你阿爸的無常宇宙》。現年81歲的尹光，在新歌中從出生唱到往生，說的是放下執著，接受上天的安排。然而在拍攝MV時，導演張子丰不讓尹光「死去」。

尹光接受新城《Ben同Benson「Chur」到行》訪問。

尹光談及新歌《你阿爸的無常宇宙》時難掩興奮，他表示歌曲由Wyman操刀：「自從《Dear Myself》之後，佢覺得佢想寫一首歌畀尹光唱。我聽到佢想寫畀我，嘩！開心到。我求都未必求到佢寫畀我，難得佢肯寫畀我，我開心到不得了。」

尹光介紹歌曲內容時滔滔不絕：「呢首歌係講一個人由出世到往生，以前人生幾十年，依家人生可以過百年，我都識幾個九十幾歲，現代人壽命長咗。佢講嘅往生同出生，叫人唔好太執著，每件事上天都安排好。你想健康就運動；你想開心就唔好諗太多，咁你個人就冇問題喇！」

左起：李有毅、尹光、李國煒

新歌MV由張子丰（Fred）執導，拍攝過程甚為有趣，他分享MV中的特別安排：「原本首歌係講我往生，講我死，但Fred話唔好畀尹光死住，我哋仲有排玩。」尹光續說：「MV入面我死咗經過奈何橋，佢話我冇手帶唔走得住。我問佢點解我唔走得？佢話『你未係時候，依家你鍾意去邊就去邊，鍾意做乜就做乜，玩夠再返嚟』。」

談及與兒子的關係，尹光提到自己歌曲《老豆》正正是講述父子關係，他坦承：「年輕時同個仔冇咁密切，長大之後就比較密切。」他解釋：「因為佢細個嘅時候要搵食，個個年輕時都會去拼搏去賺錢，賺錢時就好少顧個仔，多數請工人或者太太照顧，到依家想接觸個仔，佢又識諗嘢，覺得老豆以前冇照顧我咁好，依家想補救，同個仔都OK。」

新城CEO馬浚偉歡迎尹光到訪。

81歲尹光推出新歌《你阿爸的無常宇宙》。

尹光特別感謝影帝張家輝為《老豆》拍攝MV：「我喺呢到借個機會多謝張家輝，佢拍《老豆》個MV真係拍得好好。雖然三兩分鐘，佢個表情真係絕頂，頭髮雖然梳咗兩個鐘，但拍咗兩三秒，轉咗個頭，但嗰吓好有感覺，所以真係影帝。」尹光又透露與兒子的日常溝通：「我個仔冇咁多嘢講，佢同我老婆就講好多嘢，由我老婆講畀我聽。」

另外，尹光將於5月19日舉行《爆笑勁歌晒冷演唱會2026》，他笑言：「曬冷就唔敢講話曬冷，曬冷唱多啲歌畀大家聽，即係有啲歌冇唱過都曬畀你聽。」同時介紹兩位演出嘉賓：「第一個是蝦頭（楊詩敏），佢會同我唱一首好搞笑嘅歌，另一係鄭雅琪，佢喺粵曲界好出名，佢同我會唱幾首廣東小曲。」

唱盡出生到往生。

詳細節目內容，請留意4月25日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/