今季最伏溫泉團！
HOY TV皇牌節目《臥底旅行團3.0》爆笑回歸，一連13集繼續由李尚正（阿正）夥拍盧頌恩（妹頭），喬裝旅客參加平價旅行團，感受「中伏」騎呢景點大放笑彈。由10月15日起，逢星期日晚上9時至10時正於HOY TV 77台播映。
點擊看圖輯
阿正淡定享受腳皮溫泉，嘆到成個身浸晒！
妹頭只想快快走人！
全個畫面都係腳皮！
阿正乜都玩一餐。
酒店有好多水上設施。
酒店有大草坪，阿正同妹頭帶晒道具打卡！
阿正淡定享受腳皮溫泉，嘆到成個身浸晒！
12月3日播出的第七集，阿正、妹頭參加了主打特色溫泉酒店的台山三天團，盛惠千三蚊團費，價錢偏貴，不料由酒店至溫泉都連環中伏，而今次旅行團更被兩位主持評為今季暫時最低分數。
聽到今趟旅行團可以浸好多個溫泉，阿正、妹頭出發時都非常雀躍，朝早9時多就到達深圳灣口岸。不過台山距離香港都頗遠，旅行團連中途午飯，結果下午4時多才到達陽春溫泉度假酒店，妹頭大呻「真係坐爛咗個尾龍骨啊」。酒店環境廣闊，除了有6萬呎戶外大草坪，更有一條夏威夷泳道貫穿酒店各房間，而妹頭入住的「親水房」正是連接泳道，房內有私人風呂，一浸完溫泉可以即時跳入泳道「過冷河」，阿正一早問過導遊，酒店風呂「含咗兩次水」，意思是可以享用兩次私人溫泉。
妹頭只想快快走人！
全個畫面都係腳皮！
李尚正與蝨同眠
坐完一輪長途車，二人馬上換衫享用溫泉，先試一個38度「健脾湯」熱身，再試一個40度紅酒池，見到一片紅色的泉水，妹頭忽發奇想指「可以係掩護色喎，女仔有生理期個時」，果然有創意。隔天早上，阿正問妹頭睡得好不好，原來阿正的兩床房間竟然有大量床蝨，而他竟然坦然接受，與蝨同眠一整夜！攝製隊馬上到阿正的房間拍攝，發現床頭櫃有數十個黑色點點，而一拉開床頭板後，馬上驚現大量蟲蝨蹤跡，睇到妹頭嘩嘩聲。原來阿正昨夜發現情況後，只是轉去旁邊另一張床睡覺，他坦然表示，住郊外地方「預咗」及「好在只係住一晚」，果然是身經百戰的臥底，面對床蝨依然輕鬆面對。
阿正乜都玩一餐。
酒店有好多水上設施。
伏中之伏腳皮溫泉
旅行團第二天去到台山溫泉酒店繼續行程。酒店賣點是超過50個溫泉放題式任浸，阿正、妹頭換上泳衣後四處比較各個溫泉。雖說有50多個溫泉，不過有些就熱到超過50度，有些就冷得只有20度，更有不少溫泉沒有開水制兼滿布垃圾。二人行完一圈，終於搵到一個溫泉的環境可以接受，決定一試。不過一落水，妹頭已經發現不妥，細心一看後發現泉水有大量白色一粒粒皮屑漂浮，妹頭向阿正驚呼「你睇唔睇到好多腳皮啊！啱啱捽完一粒粒白色個啲」。攝影機將鏡頭探向泉水中，果然發現大量腳皮浮遊，阿正身為一個專業的節目主持，即使浸在滿佈前人腳皮的泉水都依然淡定，堅持要試過其中一個溫泉方為「完成任務」，在妹頭多次催促下，二人最終決定回房間繼續享受私人溫泉。
酒店有大草坪，阿正同妹頭帶晒道具打卡！
