鍾醫師ECmama~ 真的上火了﹗無時間，唔食藥，得唔得？

打邊爐、韓燒、雞煲，基本上係香港地無論幾熱幾凍，都可以隨時食到，食多左又容易上火。

近日收到唔少姊妹們打來問，『EC mama，我前幾日又食左熱氣野都係打下邊爐、食下雞煲例牌菜，現在喉嚨有d乾渴有d痛，但又唔想食消炎藥，過幾日又會黎M，仲有仲有我唔得閒來把脈執藥，你有咩方法幫我呀？』於是查問一下有無感冒傷風症狀，開左包茶療俾佢，過兩日就收到whatapps『你包茶幾好飲呀，喉嚨舒服哂啦，今晚可以同男朋友食韓燒啦！』女人真係呢！其實食少d熱氣野得唔得呢？

以下分享潤喉茶包(1人份量)
胖大海 2粒
木蝴蝶 4片
生甘草 2片(~約3g)
用保溫壺加熱水焗10-15分鐘，即可飲用，可反覆焗服1-2次。如果各位絲打有感冒傷風症狀就唔適合啦！

EC.mama

** 博客文章文責自負,不代表本公司立場 **

農歷七月就快過啦！

各位絲打係今個月遇見不順心既事，碰到黑仔事件薄，又或者個天點解要咁對我，個種奇奇怪怪的事都會係歸咎於「農歷七月」嘛！

筆者係今個月情緒都波動得比較利害，連一向經期唔肚痛、唔頭暈、血量適中為驕傲既我都重抱「女人之痛」，可想女人情緒影響荷爾蒙，荷爾蒙又會影響經期。

身為中醫師當然要幫自己治療下，但湊住呀女家務又未做完，百多個懶人藉口上身底下，“叮”一聲諗起之前買左既花茶，拿拿臨焗返杯來Refresh一下先。

玫瑰花5-6朵
紅花1g
生姜1片
黑糖1茶匙
用保溫杯焗8-10分鐘，趁熱飲用。
再加埋保暖貼，貼係臍下少腹位置，過了一陣痛經，情緒都得以舒緩，老公晚上回家都唔洗見住個「黑面神」。

以上懶人舒緩經痛茶療，記住如果經期血量多，或有其他感冒症狀都唔適合架！