歌迷齊割愛 張敬軒幫皇太后「籌旗」成功

首次駐場演出，十三場澳門演唱會開鑼！

張敬軒於澳門倫敦人酒店舉行十三場《The Prime Classics張敬軒澳門演唱會》15日正式開鑼，英皇集團主席楊受成博士及太太陸小曼、英皇娛樂營運總裁霍汶希（Mani）率領旗下藝人沈震軒（Sammy）、艾妮（Elly）、黎展峯（Andy）、洪助昇（Aiden）、黎峻（Kenneth）及劉若寶（Polly）齊齊過大海捧場。

張敬軒於澳門倫敦人酒店舉行十三場《The Prime Classics張敬軒澳門演唱會》15日正式開鑼

軒仔以《迷失表參道》及《酷愛》為演唱會打開序幕，氣氛瞬即燃爆。唱完兩首歌後，軒仔除了多謝每一位撲飛的朋友，更謂要多謝每一位肯將自己門票賣回給他的朋友，全場立即歡呼，然後他便大聲宣佈：「我終於夠飛啦！」他續謂：「我老母……唔係，我阿媽……」全場頓時嘩聲四起，軒仔：「自古以嚟，由京劇開始，媽媽係稱之為『老母』。我阿媽終於唔駛日日好似唐僧對住孫悟空『咦咦哦哦……』多謝每一位去到上環歌迷會中心同我哋交收嘅朋友，希望我秘書冇嚇親大家，佢個人比較嚴肅啲。我必需要喺今晚第一晚開show多謝佢哋。」

軒仔除了多謝每一位撲飛的朋友，更謂要多謝每一位肯將自己門票賣回給他的朋友，全場立即歡呼

首次於澳門倫敦人綜藝館開show，軒仔表示自己最初構思是要將今年三月於英國倫敦Royal Albert Hall演唱會中最精彩的部份保留，同時亦要做新的表演，「希望大家可以集中少少精神去睇我哋重新編排嘅作品，我每一次嘅演唱會，都希望將自己過去學到嘅、或者諗到嘅一啲情緒、一啲畫面，喺舞台上面呈現俾大家。」他提到早幾天是他中學校慶，由於要籌備這次的演出，所以未能出席，但看到同學們發過來的相片，令他想起中學時一份甜蜜蜜的「初戀」，「嗰個階段唔知係咪因為青春期嘅原因，我第一次對一個人有咗感覺。」首次分享自己的甜蜜往事，全場歌迷即時起哄，「我係學生會，佢喺另一個學生組織嘅團委，我哋成日一齊做好多學校入面嘅課外活動、校運會、school radio嘅轉播。但細個嘅時候媽媽管得好嚴，成日都講：『你唔好早戀呀、唔好拍拖呀。』我哋成日喺學校嘅一棵百年歷史嘅大榕樹下面溫書、食嘢，我喺度諗：『如果當時夠勇敢開口去話俾你聽我鍾意你。』嘅話，我而家嘅人生會唔會好唔一樣呢？」

演唱會圖片

演唱會上，軒仔不時跟歌迷互動，除了大合唱《斷點》、《Hurt So Bad》及《只是太愛你》，又跟他們遙遠握手，「握手」期間更乘機拉票，「請投《隱形遊樂場》一票！」引得全場大笑，「今晚我哋有幾千名觀眾喺度，所以我都要趁機喺度拉吓票，我首歌已經入咗叱咤樂壇頒獎典禮十強啦！跟住就會開始投選五強，大家投多我一票好唔好呀？多謝。如果我今年有得上台嘅話，我會特別多謝《The Prime Classics》澳門第一場嘅朋友。」十分識做。他提到身處娛樂行業廿二年，時間飛逝，接着純粹問一下00後的歌迷請舉手，誰不知眾多歌迷舉手，先是12年出生的歌迷，「12年！你知我係邊個呵？我唔係林家謙喎，我叫咩名話？（該名歌迷大叫張敬軒）錫晒你！我有12年嘅fans呀！」隨後又有14年的fans現身，「吓？呢度又有一個呀？14年呀？嘩！多謝你！叫我哥哥得㗎啦。」這時另一邊觀眾起哄，軒仔笑說：「人口普查呀而家？」他望向遠處，只見一名小朋友揮手，便問到：「你幾多歲呀？六歲！即係17年，嘩！好嘢喎！你都做得我孫啦喎。我應該係呢個行業現存第一個『爺級』歌手，你好有taste，你一定會成為社會楝樑，因為你聽我嘅歌。」

演唱會圖片

演唱會圖片

演唱會圖片

演唱會來到尾聲，在唱出當晚最後一首歌《櫻花樹下》前，軒仔透露他的婆婆入了ICU，他希望將這首歌送給婆婆及自己，「以下呢首歌以往我都會送俾觀眾，但我今晚好想送俾自己。演唱會之前，我有個屋企人今晚喺ICU，係我嘅婆婆，雖然我哋冇直接嘅血緣關係，因為我媽媽係孤兒，佢係收養我媽媽。我好想將我哋今晚咁多現場觀眾嘅愛、大家集氣，佢仲有兩日就生日啦，好想佢可以渡過呢個難關。以下呢首歌，我送俾自己，亦都送俾婆婆。」

演唱會圖片

演唱會圖片

演唱會圖片

由英皇娛樂主辦、恒生保險冠名贊助，英皇鐘錶珠寶、英皇金融、Keeta 及國泰聯合呈獻的「恒生保險呈獻：25+ 英皇群星演唱會」繼早前宣布 5 月 4 日表演藝人名單後，大會亦正式公佈 5 月 3 日場次陣容，包括容祖兒、古巨基、李克勤、張敬軒、陳慧嫻、Twins、陳偉霆、李幸倪、關智斌、曾比特等。超過十位樂壇天王天后首次同台啟德，陣容強勁絕無僅有。

25+ 英 皇 群 星 演 唱會】 終極公佈兩場演唱會的名單陣容。

當中最驚喜的是軒仔終於可以參演 5 月 3 日及 4 日兩場演唱會，成功改期較早前落實的「Dahlia 系列」海外私人表演，與英皇娛樂一眾兄弟姊妹在台上表演。軒仔高興地表示：「衷心感謝客戶的包容及體諒，最終讓我可以留港出演英皇家族騷，亦非常感激公司一直從不放棄為我協調檔期，當然最感觸是粉絲的包容及耐性，非常期待為大家表演。」軒仔續稱雖然之前未知能否解決撞期問題，但身為公司一份子，對於今次盛事一直也十分著緊，所以事前做了不少準備功夫，現在一收到這個好消息後，得知自己要演出的時間也很長，首要是馬上安排綵排事情，全心全意投入準備來答謝入場的觀眾。

張敬軒成功解決工作撞期，鐵定參與 5 月 3日及 4 日的兩場演唱會。

演唱會總監製劉偉強表示，演唱會流程大致敲定，共分為十個章節，由天王天后分別領軍，更披露了不少演唱會內容：「古巨基以各首大熱歌曲打造新一代的勁歌金曲，熱爆全場；李克勤除了演唱自己不同階段的金曲外，更特別選上一首英皇娛樂出品的流行曲傾情演唱。陳慧嫻與超過 60 人的大型合唱團一同表演，氣勢磅礡。Twins 與關智斌互唱彼此的經典名歌；久未在港演出的陳偉霆率數十位舞者勁歌熱舞，更與世界跆拳道錦標賽冠軍、霆鋒徒弟林秋楠在台上『比舞』。李幸倪則與泳兒、許靖韻、鄧小巧幾位實力唱將較技切磋。曾比特將與數支樂隊同台 jam 歌。Crossover 驚喜不斷，異常精彩！」現在演唱會預備工作也進入大直路，綵排時間也安排密密麻麻。他更透露 5 月 3 日及 5 月 4 日演唱會的壓軸歌手分別為容祖兒及謝霆鋒。當中祖兒一天唱快歌，一天唱慢歌，是期間限定的表演。祖兒更特別為演唱會排舞，以女皇姿態壓軸全場；而霆鋒則趕及由成都回來參與 5 月 4 日演出，為當晚壓軸演唱，大家一定引頸以待。

恒生保險呈獻：25+ 英皇群星演唱會

恒生保險呈獻：25+ 英皇群星演唱會

演出詳情

活動日期：2026 年 5 月 3 及4 日

活動時間：7:00 PM

地點：KAI TAK STADIUM (啟德體育園主場館)

票價：HKD $1680 / $1380(企位/座位) / $980 / $680

演唱會公開發售 （快達票 HK Ticketing、大麥）